Okkar Kópavogur - spurt og svarað

Markmið verkefnisins er að:

• hvetja íbúa til að láta sig nærumhverfið varða og hafa skoðun á því,
• íbúar komi hugmyndum sínum á framfæri,
• íbúar taki þátt í að ráðstafa fjármagni sveitarfélagsins.

Hugmyndum er komið á framfæri á rafrænum hugmyndavef verkefnisins, https://betraisland.is/community/9981, sem opnar 12. september næstkomandi. Einnig er hægt að leita aðstoðar í Þjónustuveri Kópavogs og á bókasafni Kópavogs á tíma hugmyndasöfnunarinnar, þ.e. 12. september til 9. október 2024.

Á hugmyndavefnum er hægt að kynna sér hugmyndir annarra og ræða þær.

Þú skráir þig inn í vefinn með netfangi eða Facebook aðgangi og byrjar á að gefa hugmyndinni þinni nafn, útskýrir hana nánar og rökstyður. Hægt er að staðsetja hugmyndina á korti og láta mynd fylgja með til nánari útskýringar.  

Þú þarft að byrja á því að fara inn á vefsíðu verkefnisins hér (Okkar Kópavogur 2024-2027 (betraisland.is)). Þar býrðu þér til aðgang annað hvort með netfangi eða Facebook aðgangi. Að því loknu getur þú bætt við nýrri hugmynd, gefið henni nafn, útskýrt hana nánar, staðsett á korti og látið mynd fylgja með. Þú getur sett inn eins margar hugmyndir og þú vilt en mundu að hugmyndirnar þurfa að vera á bæjarlandi.

Já, þú getur fengið aðstoð. Ef nánari upplýsinga eða aðstoðar er óskað vinsamlegast hafið samband í Þjónustuver Kópavogsbæjar í síma 441-0000 eða í tölvupóst á netfangið okkarkopavogur(hjá)kopavogur.is.

Opið er fyrir innsetningu hugmynda frá 12. september til 9. október 2024. Hugmyndir eru lagðar fram á hugmyndavef verkefnisins.

Til að hugmynd eigi möguleika á að komast í kosningu þarf hún að:

• Vera til fjárfestingar en ekki rekstrar.
• Varða umhverfi á bæjarlandi.
• Kostnaður einstakra verkefna sé ekki lægri en 1 milljón og ekki hærri en 25 milljónir kr.
• Líftími fjárfestingar skal vera að lágmarki fimm ár.
• Samræmast skipulagi eða stefnu Kópavogsbæjar.
• Vera á fullu forræði Kópavogsbæjar

Í ár verður Kópavogi skipt eftir Reykjanesbrautinni endilangri í efri og neðri byggðir. Efri byggðir samanstanda af Vatnsendahverfi og Fífuhvammi (Lindir og Salir). Neðri byggðir samanstanda af Kársneshverfi, Digraneshverfi og Smárahverfi.

Efri byggðum tilheyra Guðmundarlundur og nágrenni, sem og Salalaug. Neðri byggðum tilheyra strandlengjan, báðir dalirnir, Fossvogsdalur og Kópavogsdalur, og Sundlaug Kópavogs.

Verkefnið er til þriggja ára og eru 340 milljónum varið í framkvæmdir sem skiptast milli efri og neðri byggða Kópavogs í hlutfalli við íbúafjölda. Fjármagnið skiptist á eftirfarandi hátt:

Matshópur skipaður starfsmönnum Kópavogsbæjar fer yfir innsendar hugmyndir út frá skilyrðu verkefnisins.

Haldið er vel utan um allar þær hugmyndir sem safnast og þær skoðaðar nánar fyrir önnur verkefni þó þær komist ekki áfram í framkvæmd í Okkar Kópavogi.

Að íbúar forgangsraði verkefnum í einum bæjarhluta út frá því fjármagni sem þeim bæjarhluta hefur verið úthlutað.

Kosið verður um 60-100 hugmyndir í ársbyrjun 2025, nákvæmari dagsetningar verða kynntar síðar.

Þú mátt kjósa í öðrum hvorum bæjarhlutanum, en ekki báðum. Þú ert ekki bundin/n/ð við að kjósa í þínum bæjarhluta.

Kosningar eru rafrænar, kosningavefur verður opinn á meðan kosningarnar standa yfir.

Allir sem fæddir eru árið 2011 eða fyrr, eru með lögheimili í Kópavogi og eru með rafræn skilríki hafa rétt til að kjósa. Veldu þér bæjarhluta til að kjósa í og veldu verkefni innan þriggja upphæðarflokka. Að því loknu þarf að ýta á "kjósa" og skrá inn rafræn skilríki eða Íslykil.

Þú getur kosið eins oft og þú vilt en aðeins síðasta kosning gildir.

Allar nánari upplýsingar um rafræn skilríki má nálgast á www.audkenni.is og um Íslykil á www.island.is/islykill.

Framkvæmdir hefjast fljótlega eftir að kosningu lýkur.

340 milljónum er varið í framkvæmdir árin 2025, 2026 og 2027.