Kópavogsbær

Vegna fjölda áskoranna munu Bjarni Snæbjörns og Sigga Eyrún snúa aftur í Salinn með tónleikaröðina SÖNGLEIKJASTÆLA. Tónleikaröðin sló í gegn í fyrra og er óður til söngleikjanna þar sem ný og gömul söngleikjatónlist fær að njóta sín í meðförum reyndra söng-leikara ásamt hljómsveit. Að þessu sinni verða þrennir tónleikar sem teygja sig yfir allan veturinn þar sem hverjir tónleikar eru með ólíka nálgun á formið.  2. nóvember: Nýstirnið Salka Gústafsdóttir og þjóðargersemin Jóhann Sigurðarson koma sem gestasöngvarar og flytja sín uppáhalds söngleikjalög.7. febrúar: Sprúðlandi fjölskyldutónleikar um miðjan dag þar sem börn á öllum aldri fá að syngja með.25. apríl: Sprengju-tónleikar með Söngleikjakórnum Viðlag.  SMELLTU HÉR TIL AÐ KAUPA ÁSKRIFT Á ALLA ÞRJÁ TÓNLEIKANA Á EINSTÖKU TILBOÐI Sigga Eyrún og Bjarni Snæbjörnsson eru ástríðufullir söng-leikarar. Samstarf þeirra hófst á Reykjavík Pride árið 2008 með söngleikjaparinu Viggó og Víólettu. Síðan þá hafa þau lagt hjarta og sál í söngleikjaformið og skemmt landanum á sviðum leikhúsanna, á árshátíðum, í afmælum og víðar. Meðal söngleikja sem þau hafa tekið þátt í eru: Vesalingarnir, Mary Poppins, Kardemommubærinn, Sem á himni, Slá í gegn, Ronja Ræningjadóttir, Jesus Christ Superstar, Frost og Góðan daginn, faggi.  Hljómsveitin er sem fyrr skipuð okkar fremsta tónlistarfólki: Karl Olgeirsson: hljómsveitarstjóri spilar á píanó, hljómborð, harmonikku o.fl.Svanhildur Lóa Bergsveinsdóttir á trommur/slagverkAndri Ólafsson á bassa

Get Together meet-ups will be held at the Library in Kópavogur, on the first floor in the Tilraunastofa - meeting room. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are a part of the project The library in a multilingual society sponsored by Nordplus and Bókasafnasjóður. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er hluti af verkefninu Bókasafnið í fjölþjóðlegu umhverfi sem er styrkt af Nordplus og Bókasafnasjóði.

Hátíðartónleikar Rótarý á Íslandi 2026 fara fram í Salnum í Kópavogi þann 4. janúar næst komandi. Sérstakur heiðursgestur tónleikanna verður Víkingur Heiðar Ólafsson einn fremsti píanóleikari heims og styrkþegi sjóðsins árið 2005. Víkingur mun en hann mun afhenda styrki Tónlistarsjóðs Rótarý á tónleinum og munu styrkþegarnir leika fyrir gesti ásamt fleira tónlistarfólki sem fengið hefur styrki sjóðsins í gegnum árin.  Á tónleikunum koma fram styrkþegar sjóðsins í ár þær Helga Diljá Jörundsdóttir, fiðluleikari og Ásta Dóra Finnsdóttir, píanóleikari. Þá munu Jóna G. Kolbrúnardóttir, sópransöngkona og styrkþegi sjóðsins árið 2018 syngja en hún sem sló í gegn í Brúðkaupi Fígarós í vor. Með henni leikur Helga Bryndís Magnúsdóttir píanóleikari. Þá munu Hrafnhildur Marta Guðmundsdóttir, sellóleikari og styrkþegi 2018 og Guðbjartur Hákonarson, fiðluleikari og styrkþegi 2023 einnig koma fram.  Tilgangur Tónlistarsjóðs Rótarý á Íslandi er að veita ungu tónlistarfólki sem skarað hefur fram úr á einhverju sviði tónlistar viðurkenningu í formi fjárstyrks til frekara náms. Veitt er úr sjóðnum árlega. Miðaverð er 6.900 krónur og fer allur aðgangseyrir í reskturs sjóðsins og úthlutanir til styrkþega.

Hannyrðaklúbburinn Kaðlín hittist á Lindasafni, við Núpalind 7, þann 7. janúar þar sem aðalsafn er lokað vegna framkvæmda 5.-19. janúar.  Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

ATH! Vegna framkvæmda á Bókasafni Kópavogs verður viðburðurinn haldinn í Gerðarsafni sem er steinsnar frá bókasafninu. Lóa Hjálmtýsdóttir fæddist 4. Febrúar 1979 í Reykjavík. Lóa er rithöfundur, myndhöfundur, myndasöguhöfundur, myndlistakona, tónlistarkona og handritshöfundur. Lóa útskrifaðist frá Fjölbrautaskólanum í Breiðholti, er með BA gráðu í myndlist frá Listaháskóla Íslands, er með meistaragráðu í ritlist frá Háskóla Íslands og hefur að auki stundað myndlýsinganám í Parson’s New School of Design í New York. Þekktust er Lóa fyrir myndasögur sínar sem hún birtir undir listamannsnafninu Lóaboratoríum, en hún hefur einnig skrifað skáldsöguna Grísafjörður sem hún teiknaði einnig og var tilnefnd til Íslensku bókmenntaverðlaunanna og Barna- og ungmennabókaverðlauna Norðurlandaráðs. Árið 2022 var Héragerði, sjálfstætt framhald Grísafjarðar, tilnefnd til Íslensku bókmenntaverðlaunanna og Fjöruverðlaunanna. Vorið 2025 vann Lóa Barnabókaverðlaun Reykjavíkur fyrir bókina Mamma Sandkaka. Árið 2025 kom út bókin Rækjuvík og hlaut hún tilnefningu til Íslensku bókmenntaverðlaunanna. Lóa er meðlimur og stofnandi hljómsveitarinnar FM Belfast. Leslyndi hverfist um yndislestur og uppáhaldsbækur. Þjóðþekktir bókaunnendur stíga á stokk og deila eftirlætishöfundum og bókakveikjum með gestum. Ævintýri og ástarsögur, dagbækur og draumráðningar, sígildar sögur og samtímaverk, orðið er frjálst. Viðburðaröðin hefur notið mikilla vinsælda og skapað sér fastan sess undanfarin misseri, þegar fólk flykkist að til að sjá hina ýmsu rithöfunda deila með okkur sínum uppáhaldsbókum. Aðgangur er ókeypis og öll hjartanlega velkomin á meðan húsrúm leyfir. Viðburðurinn er styrktur af menningar- og mannlífsnefnd Kópavogsbæjar.

Lesið milli línanna hittist á Lindasafni 8. janúar þar sem aðalsafn er lokað frá 5.-20. janúar. Sjáumst hressar á Lindasafni. Á fundinum 8. janúar tökum við fyrir bókina Í skugga trjánna eftir Guðrúnu Evu Mínervudóttir. Í skugga trjánna er skáldævisaga í anda Skeggs Raspútíns sem kom fyrst út árið 2016 og hlaut frábærar viðtökur bæði lesenda og gagnrýnenda. Guðrún Eva Mínervudóttir tekst hér á við veruleikann af einlægni og áræðni, svo úr verður áhrifamikil saga – full af húmor, hlýju og skáldlegri visku.„Sagt er að í enskum farsa séu allir í örvæntingu að reyna að losna úr pínlegum aðstæðum en í spænskum farsa séu allir á barmi taugaáfalls en hafi lúmskt gaman af því. Og nú þegar líf mitt var enn einu sinni orðið að brandara lá beinast við að spyrja hvort farsinn væri enskur eða spænskur. Uppákomurnar voru kannski kómískar og persónur stundum öfgakenndar, en það var ekkert lúmskt gaman hérna. Þegar einum pínlegum aðstæðum sleppti tóku við enn pínlegri aðstæður. Út í hið óendanlega kannski?“ Bókaklúbburinn hentar öllum hressum konum sem vilja hittast, lesa á milli línanna og spjalla um yndislestur á léttu nótunum. Lesin er ein bók á mánuði sem er svo rædd fyrsta fimmtudag í mánuði á fundum klúbbsins. Allar konur velkomnar á meðan húsrúm leyfir. Hlökkum til að hitta ykkur! Fylgist með í Facebook-hópnum Lesið á milli línanna | Bókasafn Kópavogs. Hjartanlega velkomnar!

Get Together meet-ups on 9. January and 16. January will be held at the Gerðarsafn Art Museum in Kópavogur; Hamraborg 4, next to the library, since the library is closed from 5.-20. January. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are a part of the project The library in a multilingual society sponsored by Nordplus and Bókasafnasjóður. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er hluti af verkefninu Bókasafnið í fjölþjóðlegu umhverfi sem er styrkt af Nordplus og Bókasafnasjóði.

Þann 10. janúar 2026 verður Lesið fyrir hunda á Lindasafni þar sem aðalsafn er lokað 5.-19. janúar. Bókasafn Kópavogs ásamt Vigdísi, vinum gæludýra á Íslandi, býður börnum að lesa fyrir hunda sem hafa fengið sérstaka þjálfun í að hlusta á upplestur. Skráning fer fram á eyrun.osk@kopavogur.is  Athugið að barnið er ekki skráð fyrr en staðfestingarpóstur með tímasetningu hefur borist. Aðeins eru sex laus pláss í hvert sinn. Viðburðurinn er hugsaður fyrir 5-12 ára börn sem eru byrjuð að lesa sjálf. Lestrarstundin er ekki ætluð börnum sem glíma við hundahræðslu heldur er markmiðið að auka öryggi við lestur, ekki síst hjá þeim sem eiga við lestrarörðugleika að stríða. Hundurinn hjálpar barninu að slaka á, gagnrýnir ekki lesturinn og leiðréttir ekki barnið.

Heimurinn þekkir sögur um snjalla málverkafalsara sem eytt hafa ævi sinni í að ná tökum á leik ljóss og skugga 16. aldar, á pensilstrokum Vermeers eða hárnákvæmum hlutföllum da Vincis. En hvað ef þessi glæpsamlega rómantík væri raunar grasserandi í annarri listgrein? Hvað ef einhver þeirra tónverka sem við þekkjum og teljum vera eftir Palestrina, Monteverdi, nú eða Jóhann Sebastían Bach væru raunar eftirgerðir, listilega mótaðar af háleynilegum hring tónverkafalsara? Velkomin á Tónfölsunarverkstæðið! Tónleikarnir fara fram með leikrænum blæ. Verkstæðið verður sett upp sem sviðsmynd og félagarnir leiða áfram atburðarásina í tónum og orðum. Flutningurinn fær aukið flæði með hjálp sögumanns í hlutverki tortryggins einkaspæjara. Hlustendum verður boðið inn í heim fullan af skoplegri ádeilu á snobb listaverkasölu um leið og við gerum létt grín að sjálfum okkur sem hafa helgað okkur flutningi upprunatónlistar. Getur það verið að Vivaldi hafi samið sekkjapípukonsert? Nýleg rannsókn hefur leitt í ljós dularfullt samband hans við franska sekkjapípuleikarann og tónskáldið Chedeville og klassískt tónlistarsamfélag er á nálum! Því miður hefur handritið greinilega glatast, líklegast í frönsku byltingunni… eða hvað?  TFV býður upp á nýja og ferska leið til að njóta tónlistar fyrri alda, ekki sem rykugum safngripum heldur brakandi nýsömdum tónsmíðum, já eða jafnvel spunnum á staðnum! Meðlimir TFV, Gunnar Haraldsson, Elizabeth Sommers, Halldór B. Arnarson og Eliot X. Díos hafa sérhæft sig í flutnings- og tónsmíðatækni endurreisnartímans, barokks og upplýsingaraldar. Gunnar leikur á gítar, gígju og fiðlu, Elizabeth á fiðlu og miðaldafiðlu, Eliot á píanó, blokkflautu og sekkjapípu, en Halldór sér um semballeik, söng og listræna stjórnun. Ásta Sigríður Arnardóttir gegnir hlutverki sögumælanda og syngur einnig. Á undan tónleikunum verður boðið upp á tónleikaspjall klukkan 13:00. Aðgangur á spjallið er ókeypis og öll velkomin.

Bókmenntaklúbburinn Hananú! hittist á Lindasafni við Núpalind 7 þann 14. janúar þar sem aðalsafn er lokað vegna framkvæmda 5.-19. janúar.  Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.

Myndgreiningin 14. janúar verður í forsal Salarins þar sem aðalsafn verður lokað frá 5.-19. janúar. Þekkirðu ljósmyndina?Myndgreining með Símoni Hjalta Sverrissyni. Sögufélag Kópavogs stendur fyrir myndgreiningarviðburðum sem opnir eru almenningi, þar sem tækifæri gefst til að bera kennsl á myndefni úr fórum Sögufélags Kópavogs. Leitast er við að svara spurningunum um það hverjir eru á myndinni, hvar myndin er tekin og hvenær. Oftar en ekki koma í kjölfarið fleiri upplýsingar og sögur sem auka enn á varðveislugildi myndanna. Ókeypis inn og öll velkomin.

Hannyrðaklúbburinn Kaðlín hittist á Lindasafni, við Núpalind 7, þann 14. janúar þar sem aðalsafn er lokað vegna framkvæmda 5.-19. janúar.  Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.