Skólanefnd

Skólanefnd leggur til að farið verði í markvissar aðgerðir til að draga verulega úr kostnaði nemenda við ritfangakaup við skólabyrjun og stefnt að því að allir skólar nái svipuðum árangri og Álfhóls- og Salaskóli og einnig á unglingastigi. Til þess að þetta megi gerast þarf að vinna málið í samvinnu við skólastjórnendur.

Samþykkt með sjö greiddum atkvæðum.

Gísli Baldvinsson, áheyrnarfulltrúi Vinstri grænna og félagshyggju lagði fram eftirfarandi bókun;
"Undirritaður fagnar því að í Álfhólsskóla og Salaskóla hafi verið reynt að halda kostnaði foreldra við námsgagnakaup barna sinna í lágmarki. Undirritaður leggur til að við gerð fjárhagsáætlunar 2017 verði gert ráð fyrir fjármagni til námsganga fyrir nemendur og þar með verði grunnskólinn öllum nemendum að kostnaðarlausu eins og gert er ráð fyrir í barnasáttmála Sameinuðu þjóðanna sem lögfestur hefur verið á Íslandi. Undirritaður fagnar tillögu grunnskóladeildar bæjarins og hvetur bæjarstjórn til að merkja áætlaðan kostnað í fjárhagsáætlun bæjarins."

Skýrslur lagðar fram til kynningar.

Skólanefnd þakkar fyrirmyndar vinnubrögð Álfhólsskóla á umbótaráætlun í kjölfar ytra mats.

Skólanefnd samþykkir beiðni um rannsókn.

Skólanefnd samþykkir beiðni um rannsókn fyrir sitt leyti og óskar eftir kynningu á niðurstöðum.

Skólanefnd samþykkir tillögu skólastjóra um vetrarfrí fyrir skólaárið 2017 -2018.