Bæjarstjórn

Ásdís Kristjánsdóttir, bæjarstjóri, kynnti þær breytingar sem orðið höfðu á fjárhagsáætlun ársins 2024 á milli umræðna. Bæjarstjóri gerði grein fyrir fjárhagsáætlun 2024 svo breyttri og lagði til að hún yrði samþykkt.

Fundarhlé hófst kl. 18:00, fundi fram haldið kl. 19:32.

Fundarhlé hófst kl. 19:51, fundi fram haldið kl. 19:53


Tillaga að álagningu gjalda fyrir 2024:

I. Lagt er til að útsvar fyrir árið 2024 verði 14,70%

Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


II. Lagt er til að fasteignagjöld fyrir árið 2024 verði álögð sem hér segir:

a) Fasteignaskattur
1.Íbúðarhúsnæði lækki úr 0,17% í 0,165 % af fasteignamati.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

2.Atvinnuhúsnæði óbreytt 1,42% af fasteignamati.
Bæjarstjórn samþykkir tillöguna með 6 atkvæðum gegn atkvæðum Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur og Theódóru S. Þorsteinsdóttur.

3.Opinbert húsnæði óbreytt, 1,320% af fasteignamati (sbr. b-lið 3. mgr. 3. gr. laga nr. 4/1995).
Bæjarstjórn samþykkir tillöguna með 6 atkvæðum gegn atkvæðum Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur og Theódóru S. Þorsteinsdóttur.

4.Hesthús lækki úr 0,17% í 0,165% af fasteignamati.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

5.Sumarhús lækki úr 0,17 í 0,165% af fasteignamati.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


b) Vatnsskattur og holræsagjald
1.Vatnsskattur verði lækki úr 0,060% í 0,058% af heildarfasteignamati. Aukavatnsgjald skv. mæli verði kr. 54,35 (var 50,00) fyrir hvern m3 vatns. (hækkar um 8,7%)
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

2.Fráveitugjald, sbr. reglugerð um fráveitugjald í Kópavogsbæ nr. 729/2001, lækki úr 0,065% af fasteignamati og verði 0,059%, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 35.088 (var 32.280) og innheimtist með fasteignagjöldum. (hækkar um 8,7%)
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


c) Lóðarleiga:
1.Fyrir lóðir íbúðar-, sumar- og hesthúsa verði óbreytt 21,43 kr/m².
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

2.Lóðir Lækjarbotnum verði óbreytt 21,43 kr/m².
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

3.Fyrir lóðir annarra húsa óbreytt 180,00 kr/m².
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Gjalddagar fasteignagjalda 2024 verði átta, þann 1. febrúar, 1. mars, 1. apríl, 1. maí, 1. júní, 1. júlí, 1. ágúst og 1. september og greiðist áttundi hluti gjaldsins hverju sinni. Eindagi verði í lok hvers mánaðar.
Bæjarstjórn samþykkir tillöguna með 7 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur og Kolbeins Reginssonar.

Gjaldendur er greiða lægri fasteignagjöld en 50.000 kr. greiði þau í einu lagi á gjalddaga 01.03. 2024.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Gjaldendur er greiða fasteignagjöld að fullu fyrir lokun þann 16.02. 2023 fá 3% staðgreiðsluafslátt
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða.

Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk í framtali ársins 2023:

100% lækkun:
Einstaklingar með heildarárstekjur allt að 6.748.500 krónur (var 6.213,7 þ).
Hjón með heildarárstekjur allt að 8.622.200 krónur (var 7.939,4 þ).

75% lækkun:
Einstaklingar með heildarárstekjur á bilinu frá 6.748.501 - 6.860.000 krónur (var 6.316,5 þ).
Hjón með heildarárstekjur á bilinu 8.622.201 - 8.880.000 krónur (var 8.353,9 þ).

50% lækkun:
Einstaklingar með heildarárstekjur á bilinu 6.860.001 - 6.973.000 krónur (var 6.420,4 þ).
Hjón með heildarárstekjur á bilinu 8.880.001 - 9.293.300 krónur (var 8.767,3 þ).

25% lækkun:
Einstaklingar með heildarárstekjur á bilinu 6.973.001 - 7.082.000 krónur (var 6.520 þ).
Hjón með heildarárstekjur á bilinu 9.293.301 - 9.694.800 krónur (var 9.180,7 þ).
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

III. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2024. Gjaldið hækkar og verður kr. 62.500 á íbúð (var 48.400). Innheimta skal gjaldið með fasteignagjöldum og eru gjalddagar þeir sömu.
Ennfremur verði heimilt að leggja á aukatunnugjald sé óskað eftir fleiri tunnum en eru innifaldar í grunngjaldinu.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur Kolbeins Reginssonar og Bergljótar Kristinsdóttur.

Forseti bar undir fundinn fjárhagsáætlun fyrir árið 2024 í heild sinni með framkomnum breytingum:
Bæjarstjórn samþykkir fjárhagsáætlun fyrir árið 2024 með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.


Bókun:

Undirrituð harma afturför í vinnubrögðum við gerð fjárhagsáætlunar Kópavogsbæjar. Hefð var fyrir samvinnu allra flokka og þannig gátu allir bæjarfulltrúar tekið sameiginlega ábyrgð á fjármálum bæjarins. Í fyrra var horfið frá því vinnulagi og sú skýring gefin að ekki hefði unnist tími til þess á kosningaári. Á árinu sem liðið er síðan hefur í engu verið bætt úr. Bæjarráði í heild hefur hvorki gefist færi á að hafa áhrif á drög fjárhagsáætlunar né getað haft eftirlit með framkvæmd hennar og metið árangur í samræmi við markmið “stefnumiðaðrar" áætlunar. Samvinna þvert á flokka er lýðræðisleg og líkleg til þess að skila farsælli útkomu sem meiri sátt ríkir um. Það er sorglegt að slík samvinna sé ekki í heiðri höfð í bæjarstjórn Kópavogs.
Undirrituð vilja þakka starfsfólki bæjarins fyrir vinnu sína að undirbúningi fjárhagsáætlunar.

Kolbeinn Reginsson
Helga Jónsdóttir
Theódóra S. Þorsteinsdóttir
Sigurbjörg Erla Egilsdóttir
Bergljót Kristinsdóttir


Bókun:

Það er dapurleg staðreynd að ríkjandi meirihluti í Kópavogi sjái enga ástæðu til að tryggja fólki í öllum tekjuhópum öruggt húsnæði í bænum. Aðeins eru settar 250 milljónir í fjárhagsáætlun til kaupa á félagslegu húsnæði og í stofnframlög til óhagnaðardrifinna íbúðafélaga Upphæðin er óbreytt frá árinu 2020 og hefur rýrnað um eitt íbúðarverð frá þeim tíma. Í dag dugar upphæðin í mesta lagi fyrir 4 íbúðum og engum stofnframlögum. Fasteignaeigendur fá 5,4% hækkun fasteignaskatta á meðan önnur gjöld hækka að öllu jöfnu um 8,9%. Mismunurinn er um 75 milljónir og hefði nýst vel í þennan málaflokk ef vilji væri fyrir hendi.

Bergljót Kristinsdóttir


Bókun:

Undirrituð minnir á yfirlýsta framtíðarsýn Kópavogsbæjar en þar segir að við séum „borgarsamfélag í nánum tengslum við náttúruna sem sýnir bæði umhverfislega og samfélagslega ábyrgð“, ásamt því að við séum „samfélag sem byggir á lýðræðislegum ákvörðunum þar sem íbúarnir hafa áhrif á eigin mál“.
Það skýtur skökku við að meirihluti Sjálfstæðisflokks og Framsóknar afturkalli allt fjármagn í gerð göngu- og hjólastíga sem áætlað hafði verið fyrir árið 2024 í öllum langtímaáætlunum bæjarins, en gert hafði verið ráð fyrir 55 milljónum til stígagerðar árlega.
Þá er það sorglegt fyrir lýðræðið að allt fjármagn sem áætlað var í íbúalýðræðisverkefnið Okkar Kópavog skuli vera afturkallað í áætlun næsta árs. Tækifærum íbúa til áhrifa fækkar, því kosning verður ekki lengur annað hvert ár heldur þess í stað á þriggja ára fresti. Þannig sparar meirihlutinn sér 80 milljónir á næsta ári.
Rekstrarafgangur er ekkert til að hreykja sér af þegar það kemur niður á þjónustu við íbúa bæjarins.
Sigurbjörg Erla Egilsdóttir


Bókun:

Vaxtaberandi skuldir Kópavogsbæjar eru 40 milljarðar króna. Fjármagnskostnaður og afborganir Kópavogsbæjar vegna lánanna eru 5 milljarða króna á ári . Ný lán á árinu 2024 verða 4,5 milljarðar króna. Það er miður að fyrir samþykkt fjárhagsáætlunar átti sér ekki stað nein umræða um hvort nýta mætti eitthvað af lögbundnu svigrúmi til tekjuöflunar eða fresta mætti framkvæmdum fremur en að auka á skuldabyrði og framtíðarvanda.

Helga Jónsdóttir
Kolbeinn Reginsson


Bókun:

Undirrituð telur að sveitarfélög á stærð við Kópavogsbæ eigi að beita fjármálastjórn sinni til að styðja við efnahagsstjórn og vinna gegn hagsveiflum. Fjárhagsáætlun meirihluta Sjálfstæðisflokks og Framsóknar gerir það svo sannarlega ekki. Hin auknu útgjöld til fjárfestinga sem birtist í áætluninni kalla á lántökur upp á 4-5 milljarða á hverju ári næstu árin. Kópavogsbær ætti sýna aðhald og greiða niður skuldir í uppsveiflu eins og nú er og búa þannig í haginn fyrir niðursveiflu.
Kópavogsbær skuldar 40 milljarða í vaxtaberandi skuldum og er að velta á undan sér kúlulánum án þess að greiða þau niður. Bara á næsta ári mun rekstur þessara lána kosta íbúa Kópavogsbæjar yfir 5 milljarða króna. Undirrituð vekur athygli á því að það kostar íbúa Kópavogs 100-115 milljónir á ári að taka einn milljarð að láni. Ef við ætlum raunverulega að nýta fjármuni bæjarbúa betur þá er þörf á viðhorfsbreytingum gagnvart því hvernig fara skuli með almannafé.

Theódóra S. Þorsteinsdóttir


Bókun:

Ljóst er að væntingar og vinnulag bæjarfulltrúa eru ólíkar við vinnu fjárhagsáætlunar. Minnihlutinn gekk frá borði í sameiginlegri fjárhagsáætlunarvinnu í fyrra. Í ár var aðgerðaáætlun sviða lögð fram á vinnufundum fyrir fagráðin, þar sem minnihlutinn á sína fulltrúa. Vinnufundur var einnig haldinn með fulltrúum bæjarráðs þar sem aðgerðaáætlanir fagráða voru lagðar fram og ræddar. Í bæjarráði var sömuleiðis fjárhagsáætlun rædd og vísað til umræðu í bæjarstjórn.
Að mati meirihlutans er gott jafnvægi í fjárhagsáætlun Kópavogsbæjar, afgangur er á rekstri, og álögur að lækka á bæjarbúa. Þá er skuldastaðan sjálfbær og vel undir skuldaviðmiðum. Áfram verður staðið vörð um öfluga þjónustu við íbúa á öllum aldri og áframhaldandi uppbygging innviða fyrir framtíð bæjarins.

Ásdís Kristjánsdóttir
Orri V. Hlöðversson
Elísabet B. Sveinsdóttir
Hjördís Ýr Johnson
Andri Steinn Hilmarsson
Sigrún Hulda Jónsdóttir


Bókun:

Undirbúningur fjárhagsáætlunar er á ábyrgð alls bæjarráðs. Það er ekki samstarf að kynna niðurstöður meirihlutans á fundum án þess að nokkurt samráð hafi átt sér stað. Það er ámælisvert og stenst hvorki lög né bæjarmálasamþykkt.

Kolbeinn Reginsson
Helga Jónsdóttir
Theódóra S. Þorsteinsdóttir
Sigurbjörg Erla Egilsdóttir
Bergljót Kristinsdóttir


Bókun:

Drög að fjárhagsáætlun var lögð fyrir bæjarráð á löglega boðuðum fundi og málið afgreitt til bæjarstjórnar með lýðræðislegum hætti.

Ásdís Kristjánsdóttir
Orri V. Hlöðversson
Elísabet B. Sveinsdóttir
Hjördís Ýr Johnson
Andri Steinn Hilmarsson
Sigrún Hulda Jónsdóttir

Ásdís Kristjánsdóttir, bæjarstjóri, lagði fram og gerði grein fyrir þriggja ára fjárhagsáætlun og lagði til að hún yrði samþykkt.

Forseti bar undir fundinn tillögu að fjárhagsáætlun fyrir árin 2025-2027.

Bæjarstjórn samþykkir fjárhagsáætlun fyrir árin 2025-2027 með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Forseti bar undir fundinn eftirfarandi tillögur að gjaldskrám til samþykktar:

Gjaldskrá umhverfissviðs fyri árið 2024 (sjá dagskrárlið 6.9)
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Gjaldskrá velferðarsviðs fyrir árið 2024
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Á menntasviði er gert er ráð fyrir einskiptishækkun á gjaldskrá fyrir mötuneyti grunnskóla. Mánaðar mataráskrift hækkar um 723 kr. eða 6,5%, úr 11.127 kr. Þessi einskiptishækkun er gerð vegna mikilla verðlagshækkana á hráefni.
Bæjarstjórn samþykkir tillöguna með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.

Þær gjaldskrár sem taka vísitöluhækkunum skv. breyttu verklagi, verða lagðar fram í bæjarráði til kynningar áður en hækkanir taka gildi.

Bæjarstjórn staðfestir með 11 atkvæðum afgreiðslur byggingarfulltrúa.

Lagt fram.

Fundarhlé hófst kl. 20:38, fundi fram haldið kl. 20.52.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.