Bæjarráð

3176. fundur 06. júní 2024 kl. 08:15 - 11:20 í bæjarstjórnarsal, Hábraut 2
Fundinn sátu:
  • Orri Vignir Hlöðversson formaður
  • Hjördís Ýr Johnson varaformaður
  • Andri Steinn Hilmarsson aðalmaður
  • Theódóra S Þorsteinsdóttir aðalmaður
  • Helga Jónsdóttir aðalmaður
  • Bergljót Kristinsdóttir áheyrnarfulltrúi
  • Sigurbjörg Erla Egilsdóttir áheyrnarfulltrúi
  • Ásdís Kristjánsdóttir bæjarstjóri
Starfsmenn
  • Pálmi Þór Másson bæjarritari
Fundargerð ritaði: Pálmi Þór Másson bæjarritari
Dagskrá

Erindi og umsagnir frá starfsmönnum

1.24051817 - Miðlunargeymir vatnstankur Heimsenda

Frá deildarstjóra innkaupadeildar, dags. 04.06.2024,lögð fram beiðni þar sem óskað er eftir heimild bæjarráðs til útboðs á miðlunargeymi nr. 2 á Heimsenda.
Bæjarráð samþykkir með fimm atkvæðum að veita umbeðna heimild að bjóða út í opnu útboði innkaup á miðlunargeymi nr. 2 á Heimsenda.

Gestir

  • Ármann Halldórsson, deildarstjóri framkvæmdadeildar - mæting: 08:15
  • Alda Kristín Sigurðardóttir deildarstjóri innkaupadeildar - mæting: 08:15

Erindi og umsagnir frá starfsmönnum

2.2403248 - Úthlutun Vatnsendahvarfs. I. áfangi

Frá lögfræðideild, lögð fram tillaga að úthlutun lóða í fyrsta áfanga Vatnsendahvarfs.
Bæjarráð samþykkir með þremur atkvæðum og hjásetu Theódóru S. Þorsteinsdóttur og Helgu Jónsdóttur að vísa málinu til afgreiðslu bæjarstjórnar.

Fundarhlé hófst kl. 10:53, fundi fram haldið kl. 11:18.

Bókun:
"Í Roðahvarfi er nú úthlutað byggingarrétti á 184 íbúðum á sex fjölbýlishúsalóðum. Þetta er fyrsta úthlutun Kópavogbæjar á byggingarlóðum í áratug. Með aðferð meirihlutans við sölu á byggingarrétti þurfa væntanlegir íbúðareigendur að greiða 12 til 16 milljónir króna fyrir hverja einstaka íbúð auk lögboðinna gjalda til bæjarins fyrir utan sjálfan byggingarkostnaðinn við íbúðina. Þessi úthlutun er enn ein staðfesting á að meirihlutinn virðir að vettugi skuldbindingar bæjarfélagsins lögum samkvæmt sem og í húsnæðisáætlun Kópavogsbæjar, aðalskipulagi Kópavogsbæjar og svæðisskipulagi höfuðborgarsvæðisins um framboð á húsnæði á viðráðanlegu verði til að fullnægja búsetuþörfum allra félagshópa. Það er miður að engri lóð sé úthlutað til óhagnaðardrifinna byggingarfélaga sem byggja íbúðir fyrir þá sem ekki hafa efni á ofurkjörum Kópavogsbæjar."

Sigurbjörg Erla Egilsdóttir
Theódóra S. Þorsteinsdóttir
Helga Jónsdóttir
Bergljót Kristinsdóttir


Bókun:
"Það er ánægjulegt að sjá þann mikla áhuga sem var á lóðum í þessari úthlutun en um er að ræða 20 fjölbýlishús á sex lóðum. Með þessu er verið að auka við framboð íbúða á almennum húsnæðismarkaði sem mikið hefur verið kallað eftir. Það er rangt að meirihlutinn sé að virða að vettugi skuldbindingar sveitarfélagsins í húsnæðismálum og er fyrirkomulag þessarar lóðaúthlutunar lögum samkvæmt."

Ásdís Kristjánsdóttir
Orri V. Hlöðversson
Hjördís Ýr Johnson
Andri S. Hilmarsson

Gestir

  • Ingólfur Arnarson deildarstjóri hagdeildar - mæting: 08:36
  • Ása A. Kristjánsdóttir bæjarlögmaður - mæting: 08:36
  • Guðrún Edda Finnbogadóttir, skrifstofustjóri umhverfissviðs - mæting: 08:36

Erindi og umsagnir frá starfsmönnum

3.24032667 - Fyrirspurn bæjarfulltrúa um fjölda barna, 12. mánaða og eldri á biðlista eftir leikskóla í Kópavogi

Frá sviðsstjóra menntasviðs og deildarstjóra leikskóladeildar. dags. 04.06.2024, lagt fram svar við fyrirspurn varðandi biðlista eftir leikskólaplássi.
Lagt fram.

Gestir

  • Anna Birna Snæbjörnsdóttir sviðsstjóri menntasviðs - mæting: 08:55

Fundargerðir nefnda

4.2406001F - Afgreiðslur byggingarfulltrúa - 394. fundur frá 31.05.2024

Fundargerð í 12 liðum.
Vísað til staðfestingar bæjarstjórnar.

Fundargerðir nefnda

5.2405016F - Ungmennaráð - 47. fundur frá 28.05.2024

Fundargerð í einum lið.
Lagt fram.

Fundargerðir nefnda

6.2405011F - Jafnréttis- og mannréttindaráð - 106. fundur frá 29.05.2024

Fundargerð í tveimur liðum.
Lagt fram.

Fundargerðir nefnda

7.2405004F - Skipulagsráð - 165. fundur frá 03.06.2024

Fundargerð í 16 liðum.
Lagt fram.
  • 7.4 24042507 Brú yfir Fossvog. Umsókn um framkvæmdaleyfi.
    Lögð fram umsókn Vegagerðarinnar dags. 19. apríl 2024 ásamt fylgiskjölum um framkvæmdaleyfi fyrir landfyllingu og brúargerð vegna brúar yfir Fossvog.
    Jafnframt er lagt fram minnisblað skipulagsfulltrúa, unnið af VSÓ Ráðgjöf dags. 30. maí 2024.     Niðurstaða Skipulagsráð - 165 Skipulagsráð samþykkir framlagða umsókn um framkvæmdaleyfi. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 7.7 24053646 Vatnsendahlíð - Þing. Breytt deiliskipulagsmörk.
    Lögð fram tillaga umhverfissviðs Kópavogsbæjar að breytingu á mörkum skipulagssvæðis Vatnsendahlíðar- Þing. Í gildi er deiliskipulagið Vatnsendahlíð-Þing samþykkt í bæjarstjórn Kópavogs 13. janúar 2009. Breytingin felst í því að aðlaga mörk skipulagssvæðisins að mörkum aðliggjandi skipulagssvæðis Kjóavalla. Niðurstaða Skipulagsráð - 165 Skipulagsráð samþykkir framlagða tillögu með tilvísun í 3. mgr. 43. gr. skipulagslaga nr. 123/2010. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 7.9 24033636 Tónahvarf 12. Breytt deiliskipulag.
    Lögð fram umsókn Gunnars Sigurðssonar arkitekts dags. 12. apríl 2024 f.h. lóðarhafa lóðarinnar nr. 12 við Tónahvarf um breytingu á deiliskipulagi. Í breytingunni felst stækkun lóðarinnar um 12 m til suðurs, lóðarstækkun nemur 840 m² að flatarmáli. Stærð lóðarinnar eykst úr 5.287 m² í 6.157 m². Nýtingarhlutfall lækkar úr 0.67 í 0.58. Fyrirhuguð lóðarstækkun er til að koma fyrir stækkun á bílastæðaplani, gert er ráð fyrir að bílastæðum fjölgi um 16 stæði og að heildarfjöldi bílastæða verði 87.
    Á fundi skipulagsráðs þann 6. maí 2024 var afgreiðslu málsins frestað.
    Uppdrættir í mvk. 1:500 og 1:2000 dags. 12. apríl 2024.     Niðurstaða Skipulagsráð - 165 Skipulagsráð hafnar framlagðri umsókn um breytingu á deiliskipulagi.
    Skipulagsráð leggst gegn því að skilmálum gildandi deiliskipulags sé breytt þar sem gert er ráð fyrir opnu óbyggðu svæði og skógræktarsvæði á umræddum stað. Því svæði er ætlað að aðskilja athafnalóðir í Tóna- og Turnahvarfi frá íbúðarhúsalóðum við Álfkonuhvarf og nýju íbúðarhverfi í Vatnsendahvarfi. Vísað til afgreiðslu bæjarráðs og bæjarstjórnar.
    Niðurstaða Bæjarráð vísar afgreiðslu málsins til bæjarstjórnar.
  • 7.15 24032188 Dalsmári 5. Breytt deiliskipulag.
    Lögð fram að nýju að lokinni kynningu umsókn Ellerts Hreinssonar arkitekts dags. 13. mars 2024 f.h. lóðarhafa lóðarinnar nr. 5 við Dalsmára um breytingu á deiliskipulagi. Í breytingunni felst að komið verði fyrir á lóðinni tveimur færanlegum skrifstofueiningum á tveimur hæðum alls 115 m² að flatarmáli, suðvestan við núverandi tengibyggingu íþróttahúss. Hámark byggingarmagns verður 10.315 m² eftir breytingu.
    Á fundi skipulagsráðs þann 18. mars 2024 var samþykkt að grenndarkynna tillöguna. Kynningartíma lauk 28. maí, engar athugasemdir bárust.     Niðurstaða Skipulagsráð - 165 Skipulagsráð samþykkir framlagða umsókn um breytingu á deiliskipulagi. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.

Fundargerðir nefnda

8.2405017F - Menntaráð - 129. fundur frá 04.06.2024

Fundargerð í sex liðum.
Lagt fram.

Fundargerðir nefnda

9.2406233 - Fundargerð 497. fundar stjórnar Sorpu bs. frá 07.05.2024

Fundargerð 497. fundar stjórnar Sorpu bs. frá 07.05.2024.
Lagt fram.

Erindi frá bæjarfulltrúum

10.2406188 - Fyrirspurn bæjarfulltrúa Theódóru S. Þorsteinsdóttur til Sorpu

Frá Sorpu bs., dags. 27.05.2024, lagt fram svar frá við fyrirspurn bæjarráðsfulltrúa sem beint var til Sorpu í febrúar sl.
Lagt fram.

Erindi frá bæjarfulltrúum

11.2406227 - Erindi frá bæjarfulltrúa Theódóru S. Þorsteinsdóttur um lóðarleigusamning fyrir Nýbýlaveg 1

Lagt fram svohljóðandi erindi frá bæjarfulltrúa Viðreisnar: Óska eftir því að fá lóðarleigusamning fyrir Nýbýlaveg 1 á dagskrá í bæjarráðs til umræðu. Bæði gamla samninginn og þann nýja sem var undirritaður árið 2022.

Lagðir fram umbeðnir samningar.

Umræður.

Erindi frá bæjarfulltrúum

12.2406232 - Ósk bæjarfulltrúa Theódóru S. Þorsteinsdóttur um samantekt á tekjum á gjaldskrá Umhverfissviðs

Lagt fram svohljóðandi erindi frá bæjarfulltrúa Viðreisnar: Óska eftir því að fá samantekt á tekjum á gjaldskrá umhverfissviðs. Heildartekjur fyrir árin 2021, 2022 og 2023.

Bæjarráð vísar erindinu til sviðsstjóra fjármálasviðs.

Fundi slitið - kl. 11:20.