Íþróttaráð

Í könnun íþróttadeildar á æfingagjöldum þjónustuveitenda þeirra sem eiga aðild að íþrótta- og tómstundakerfi Kópavogsbæjar kemur fram að víða hafi gjöld verið hækkuð nokkuð umfram þau viðmið sem Íþróttaráð hefur lagt til grundvallar. Íþróttaráð telur afar mikilvægt að greinargóðar upplýsingar liggi fyrir um raunverulegar forsendur fyrir gjaldskrárbreytingum hverju sinni. Af þeirri ástæðu fer íþróttaráð fram á að íþróttadeild óski eftir frekari skýringum hjá þeim þjónustuveitendum sem voru með hækkanir umfram viðmið við fyrstu yfirferð íþróttaráðs. Þá leggur íþróttaráð áherslu á að íþróttadeild afli upplýsinga um kostnað notenda á ársgrundvelli.

Íþróttaráð samþykkir að Íþróttahátíð Kópavogs 2018 verði haldin, fimmtudaginn 10. janúar 2019 kl. 18:00 í íþróttamiðstöð GKG.

Frestað til næsta fundar.

Íþróttaráð frestar afgreiðslu málsins til næsta fundar. Þá verða lagðar fram tillögur um það íþróttafólk sem hljóta viðurkenningar á íþróttahátíð Kópavogs þann 10. janúar nk. Jafnframt því verður kosið um þær 5 íþróttakonur og 5 íþróttakarla sem verði á kjörskrá fyrir vefkosningu bæjarbúa í lok ársins.

Starfsmenn kynntu í stuttu máli þá tölfræðivinnu sem hefur farið fram á árinu 2018. Jafnframt greindu þeir frá því að nú væri beðið endanlegra þátttökutalna og uppgjörs fyrir árið 2018, sem ætti að liggja fyrir í lok desember.

Starfsmenn kynntu stöðu framkvæmda við þrjá knattspyrnuvelli bæjarins, en nú standa yfir umfangsmiklar endurbætur á gervigrasvöllum í Fagralundi og við Kórinn, jafnframt því sem hafnar eru framkvæmdir við að setja gervigras á Kópavogsvöll.