- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Greint verður frá niðurstöðum í árlegri ljóðasamkeppni lista- og menningarráðs Kópavogs, mánudaginn 21. janúar kl. 17:00 í Salnum. Ljóðasamkeppnin er kennd við Jón úr Vör og fer verðlaunaafhendingin fram á fæðingarafmæli hans. Um 400 ljóð bárust í keppnina og hefur þátttakan sjaldan verið meiri. Á sama tíma verða verðlaun veitt í ljóðasamkeppni grunnskólanna. Aðgangur er ókeypis og allir eru hjartanlega velkomnir.
Tilgangur keppninnar er að efla og vekja áhuga á íslenskri ljóðlist.
Dómnefndina í ár skipa þau Gerður Kristný, rithöfundur og ljóðskáld, Sindri Freysson, rithöfundur og ljóðskáld og Gunnþórunn Guðmundsdóttir, bókmenntafræðingur og dósent við Háskóla Íslands.
Veitingar verða í boði lista- og menningarráðs í forrými Salarins að dagskrá lokinni.