- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Þrír nemendur sem brautskráðust frá Menntaskólanum í Kópavogi í maí fengu styrk úr viðurkenningarsjóði MK fyrir góðan námsárangur. Margrét Björnsdóttir, forseti bæjarstjórnar, veitti viðurkenningarnar þar sem sjóðurinn var stofnaður af bæjarstjórn Kópavogs árið 1993 í tilefni af 20 ára afmæli skólans.
Nemendurnir eru:
Lena Katarína Lobers sem hlaut hundrað þúsund króna styrk fyrir einstakan námsárangur og dugnað við nám á stúdentsprófi frá MK, vorið 2013.
Hallmann Óskar Gestsson sem hlaut sextíu þúsund króna styrk fyrir góða mætingu og afburðar árangur í stærðfræði og eðlisfræði á stúdentsprófi frá Menntaskólanum í Kópavogi, vorið 2013.
Steinunn Lilja Heiðarsdóttir, nýsveinn i matreiðslu, sem hlaut hundrað þúsund króna styrk fyrir góðan námsárangur og dugnað við nám á lokaprófi frá Hótel- og matvælaskólanum í Menntaskólanum í Kópavogi, vorið 2013.
Kópavogsbær óskar nemendunum til hamingju með árangurinn og velfarnaðar í þeim verkefnum og störfum sem framundan eru.