Á fundi skipulagsráðs þann 3. júlí 2023 var lögð fram tillaga Unnsteins Jónssonar byggingarfræðings dags. 29. júní 2023 f.h lóðarhafa lóðanna nr. 23, 25 og 29 við Víðigrund um breytingu á deiliskipulagi Víðigrundar 1-55 samþykkt 26. september 1989. Vestan við lóð nr. 25 við Víðigrund eru tvær bílskúrslóðir sem tilheyra lóðarhöfum nr. 23 og 29 við Víðigrund. Í breytingunni fellst að lóð nr. 25 við Víðigrund og bílskúrslóðirnar tvær verði stækkaðar um u.þ.b 63 cm hver til vesturs svo að bílskúrslóð sem tilheyrir lóð nr. 23 fari úr 70 m² í 81,5 m², (lóð alls fer úr 457 m2 í 468,5 m2) bílskúrslóð sem tilheyrir lóð nr. 29 fari úr 68 m² í 79,5 m² (lóð alls fer úr 458 m2 í 469,5 m2) og lóð nr. 25 fari úr 453 m² í 470,4 m². Bílskúrar verði því stærri en deiliskipulag gerir ráð fyrir, lengdir úr 6,7m í 8,7m til norðurs og breikkaðir úr 3,7m í 4,33m til vesturs. Komið verður fyrir þremur litlum gluggum á vesturhlið bílskúrs nr. 29. Komið verður fyrir hurð og gluggum á austurhlið bílskúrs nr. 25 þar sem bílskúrinn stendur innan lóðarmarka viðkomandi húss. Hæð skúranna verður 3,25m. Stærð bílskúra í deiliskipulagi er 24,8m² og verður 37,6m² eftir breytingu. Núverandi nýtingarhlutfall (með 24,8 m2 óbyggðum bílskúr) á lóð við nr. 23 og nr. 25 er 0,34 og verður 0.36 og við nr. 29 er 0,35 og verður 0,37.
Skipulagsráð samþykkir með tilvísun í 2. mgr. 43. gr. skipulagslaga nr. 123/2010 að framlögð tillaga að breyttu deiliskipulagi verði grenndarkynnt fyrir lóðarhöfum lóðanna nr. 9, 11, 27 og 31 við Víðigrund og nr. 23, 25, 27 og 29 við Reynigrund.
Athugasemdum við ofangreinda tillögu skal skila í gegnum skipulagsgátt Skipulagsstofnunar,, https://skipulagsgatt.is/issues/464 málsnr. 464/2023, eigi síðar en 5. september 2023. Ef óskað er eftir frekari upplýsingum um tillöguna er hægt að senda tölvupóst á skipulag@kopavogur.is.
Takk fyrir!
Ábending þín er móttekin
