Skipulagsráð Kópavogs mótar heildarstefnu í skipulagsmálum og gerir tillögu til bæjarstjórnar þar um á grundvelli skipulagslaga. Skipulagsráð er skipað sjö fulltrúum ásamt áheyrnarfulltrúa og jafn mörgum til vara.
Skipulagsráð er kosið til eins árs í senn á fundi bæjarstjórnar í júní. Bæjarstjórn kýs formann og varaformann.
Meðal verkefna skipulagsráðs auk stefnumörkunar í skipulagsmálum eru:
- Vera bæjarstjórn sem og öðrum nefndum bæjarins til ráðuneytis á sviði skipulags- og byggingarmála.
- Hafa frumkvæði að gerð skipulagstillagna og skipulagsskilmála.
- Gera tillögur til bæjarstjórnar um götuheiti og númer húsa.
- Afgreiða framkvæmdaleyfi.
- Afgreiða erindi til bæjarstjórnar er varða húsfriðun.
- Hafa yfirumsjón með upplýsingamiðlun og samráði við íbúa, félagasamtök og aðra hagsmunaaðila sem tengjast verkefnum ráðsins.
- Gera tillögur að fjárhagsáætlun til bæjarstjórnar um útgjaldaliði skipulagsmála.
