Lista- og menningarráð

Inga fór yfir helstu atriði á dagskrá vetrarins hjá Bókasafninu.  Dagskráin er fjölbreytt yfir árið og af mörgu að taka.  Mikið samstarf er á milli Náttúrufræðistofu Kópavogs og bókasafnsins. 

Ráðið beinir því til bæjarráðs að settur verði á fót undirbúningshópur vegna nýs útibús bókasafnsins í Kórum. 

Hilmar kynnti málefni náttúrufræðistofu Kópavogs fyrir ráðinu og lagði fram ársskýrslu Náttúrufræðistofu Kópavogs frá árinu 2009.  Hann sagði frá Kópavogsdögum, sýningum í safninu, t.d. næstu sýningu sem nefnist Timburmenn.  Einnig kynnti hann hina ýmsu fræðslu sem er á vegum safnsins, t.d. um fugla í Ríkisútvarpinu.  Samstarf við ýmsa aðila í ferskvatnsrannsóknum.  Væntanlegt samstarf við aðila á vegum umhverfisráðuneytisins við rannsóknir á Okinu. 

Guðbjörg lagði fram ársskýrslu safnsins fyrir árið 2009, og sagði frá helstu hlutverkum safnsins.  Hún greindi frá gjöf sem safninu barst, verk Valgerðar Briem.  Hún sagði einnig frá safneign á verkum Gerðar Helgadóttur og því kynningarstarfi sem á sér stað á hennar verkum.  Von er á nýrri bók um Gerði á næstunni.  Hún greindi frá helstu sýningum á árinu, auk sölu á safnbúðarmunum.  Guðbjörg greindi frá hinum ýmsu styrkjum sem safnið fær til forvinnslu á listmunum. 

Andri greindi frá starfsemi Molans - ungmennahúss og helstu markmiðum stofnunarinnar.  Hann greindi frá því sem þar fer fram og þeirri aðstöðu sem ungmennum býðst.  Einnig var rætt um hugmyndafræðina á bak við ungmennahúsið og því hvernig vel hefur tekist að fá breiðan hóp fólks inn í húsið.  

Elísabet kynnti starfsemi og tónleikahald í tónlistarhúsi bæjarins, Salnum. 

Hrafn greindi frá starfsemi héraðsskjalasafnsins, skyldum þess og vinnureglum.  Safnið geymir skjöl af ýmsum toga, ljósmyndir, myndbönd, bækur, bréf og fleira.  Stærsti þátturinn í safninu er skjalasafn bæjarins.  Hrafn sýndi ráðinu ársrit safnsins, þar sem safnkostinum er lýst og í eru einnig greinar um bæinn. 

Lögð var fram menningarstefna Kópavogs, sem fyrri ráð hafa unnið að.  Stefnt er að endurskoðun á stefnunni á haustmánuðum.

Erindinu er frestað til styrkúthlutunar í nóvember 2010.