Bæjarráð

3190. fundur 10. október 2024 kl. 07:30 - 09:15 Hilton Reykjavík Nordica
Fundinn sátu:
  • Orri Vignir Hlöðversson formaður
  • Hjördís Ýr Johnson, aðalmaður boðaði forföll og Ásdís Kristjánsdóttir varamaður, sat fundinn í hans stað.
  • Elísabet Berglind Sveinsdóttir aðalmaður
  • Theódóra Sigurlaug Þorsteinsdóttir aðalmaður
  • Helga Jónsdóttir aðalmaður
  • Bergljót Kristinsdóttir áheyrnarfulltrúi
  • Sigurbjörg Erla Egilsdóttir áheyrnarfulltrúi
Starfsmenn
  • Pálmi Þór Másson bæjarritari
Fundargerð ritaði: Pálmi Þór Másson bæjarritari
Dagskrá

Erindi og umsagnir frá starfsmönnum

1.24072294 - Digranesvegur 81. Kæra vegna ákvörðunar byggingafulltrúa.

Frá bæjarlögmanni, lagður fram til kynningar úrskurður ÚUA í máli 80/2024 er varðar LED skilti við Digranesveg 81
Lagt fram.

Erindi og umsagnir frá starfsmönnum

2.2410415 - Nýbýlavegur 22, American style. Umsagnarbeiðni vegna umsóknar um veitingarleyfi

Frá lögfræðideild, dags. 07.10.2024, lögð fram umsögn vegnar umsóknar um veitingaleyfi.
Bæjarráð veitir jákvæða umsögn í samræmi við umsögn lögfræðideildar.

Erindi og umsagnir frá starfsmönnum

3.24093314 - Flesjakór 13. Umsagnarbeiðni um geymslustað ökutækja

Frá lögfræðideild, dags. 26.09.2024, lögð fram umsögn vegna umsóknar um geymslustað ökutækja.
Bæjarráð veitir neikvæða umsögn í samræmi við umsögn lögfræðideildar.

Erindi og umsagnir frá starfsmönnum

4.24051876 - Viðaukar við fjárhagsáætlun 2024

Frá fjármálasviði, lagður fram viðauki níu við fjárhagsáætlun 2024. Viðaukinn er vegna vistunar barna utan heimilis skv. ákvæðum barnaverndarlaga nr.80/2002 að upphæð 197.944.917 kr.
Bæjarráð vísar framlögðum viðauka til afgreiðslu bæjarstjórnar.

Ýmis erindi

5.2410362 - Fjárhagsáætlun heilbrigðiseftirlitsins og gjaldskrá fyrir árið 2025

Frá Heilbrigðiseftirliti Garðabæjar, Hafnarfjarðar, Kópavogs, Mosfellsbæjar og Seltjarnarness, dags. 03.10.2024 lögð fram til samþykktar fjárhagsáætlun heilbrigðiseftirlitsins og gjaldskrá fyrir árið 2025.
Bæjarráð vísar fjárhagsáætlun heilbrigðiseftirlitsins til afgreiðslu bæjarstjórnar.

Fundargerðir nefnda

6.2409015F - Velferðarráð - 137. fundur frá 23.09.2024

Fundargerð í sex liðum.
Lagt fram.
  • 6.3 2409224 Samstarf - Hrafnista og félagsmiðstöð Boðaþingi
    Lögð fram til afgreiðslu tillaga að samstarfi við Hrafnistu vegna Boðaþings. Niðurstaða Velferðarráð - 137 Velferðarráð samþykkir fyrir sitt leyti að fela sviðsstjóra velferðarsviðs heimild til að ganga til samninga við Hrafnistu um rekstur félagsmiðstöðvarinnar í Boðaþingi með fyrirvara um jákvæða umsögn innkaupadeildar.

    Velferðar ráð vísar málinu til bæjarráðs og bæjarstjórnar.     Niðurstaða Bæjarráð samþykkir að vísa málinu til afgreiðslu bæjarstjórnar.

Fundargerðir nefnda

7.2408014F - Lista- og menningarráð - 167. fundur frá 02.10.2024

Fundargerð í fjórum liðum.
Framlagningu frestað.

Fundargerðir nefnda

8.2409014F - Skipulagsráð - 171. fundur frá 07.10.2024

Fundargerð í 16 liðum.
Lagt fram.

Bókun undir mál nr. 12 í fundargerð skipulagsráðs:
Meðal framlagðra gagna á fundinum eru ábendingar lóðarhafa Melgerðis 11, dags. 18. september 2024, um hugsanlegar óleyfisframkvæmdir og breytta nýtingu húsa við Melgerði. Með vísan í eftirlitshlutverk bæjarráðs með stjórnsýslunni er óskað umsagnar sviðsstjóra umhverfissviðs um ábendingarnar og hugsanleg viðbrögð Kópavogsbæjar við þeim. Þá er jafnframt óskað umsagnar um stöðuskýrslu byggingarfulltrúa eftir skoðun hans á Melgerði 11, sem fram fór 1. október 2024. Þar er gerð grein fyrir breytingum jafnt utanhúss og á innra skipulagi án þess að teikningum hafi verið breytt áratugum saman. Bent er á úrskurð úrskurðarnefndar um umhverfis- og auðlindamál frá 25. september þar sem hlutverk byggingarfulltrúa og heimild til að beita þvingunarráðurræðum til að fylgja því eftir að mannvirki og notkun þeirra sé í samræmi við útgefin leyfi er staðfest sem hér segir:

„Hlutverk byggingarfulltrúa hvers sveitarfélags er að hafa eftirlit með því að mannvirki og notkun þeirra sé í samræmi við útgefin leyfi og beita eftir atvikum þvingunarúrræðum, sbr. 55. og 56. gr. laga nr. 160/2010. Er nánar kveðið á um það í 2. mgr. 55. gr. laganna að sé byggingarframkvæmd hafin án þess að leyfi sé fengið fyrir henni eða hún brjóti í bága við skipulag geti byggingarfulltrúi krafist þess að hið ólöglega mannvirki eða byggingarhluti sé fjarlægt. Þá er fjallað um aðgerðir til að knýja fram úrbætur í 56. gr. laganna. Er þar m.a. tekið fram í 1. mgr. ákvæðisins að sé ásigkomulagi, frágangi, umhverfi eða viðhaldi húss, annars mannvirkis eða lóðar ábótavant að mati byggingarfulltrúa eða frágangur ekki samkvæmt samþykktum uppdráttum, lögum, reglugerðum eða byggingarlýsingu skuli gera eiganda eða umráðamanni eignarinnar aðvart og leggja fyrir hann að bæta úr því sem áfátt er.“

Helga Jónsdóttir
Bergljót Kristinsdóttir
Sigurbjörg Erla Egilsdóttir
Theodóra S. Þorsteinsdóttir
  • 8.4 24041399 Borgarlínan í Kópavogi. Lota 1. Breytt deiliskipulag Kársneshafnar. Bakkabraut norðan Vesturvarar.
    Lögð fram tillaga skipulagsdeildar dags. 3. október 2024 að breytingu á deiliskipulagi Kársneshafnar fyrir Bakkabraut norðan Vesturvarar. Skipulagsbreytingin nær til þess gatnarýmis sem tengist fyrirhugaðri Borgarlínu og þeim samgöngumannvirkjum sem henni fylgja. Borgarlínustöð er staðsett við norðurmörk lóða Hafnarbrautar 27 og Vesturvarar 30. Lóðarmörkum nærliggjandi lóða er breytt og innviðum Borgarlínu afmarkað 25m breitt bæjarland við stöðina. Innan þess er reiknað með að komist með góðu móti fyrir gang- og hjólastígar sitt hvoru megin (5m), brautarpallar sitt hvoru megin og 7m breytt sérrými Borgarlínu. Nákvæm útfærsla stöðvar ákvarðast í verkhönnun Borgarlínu. Byggingarreitur er vítt afmarkaður yfir 67 lengdarmetra. Innan þess svæðis mega og skulu öll mannvirki og götugögn stöðvarinnar rísa. Þar með talið skýli, bekkir, tillibekkir, grindverk, handrið og pollar, hjólastæði, ruslastampar, upplýsingaskilti, auðkennismerki stöðvar, sértæk lýsing og rampar.
    Uppdráttur í mkv. 1:1000 og 1:500 dags. 3. október 2024.     Niðurstaða Skipulagsráð - 171 Skipulagsráð samþykkir með tilvísun í 1. mgr. 43. gr. skipulagslaga nr. 123/2010 að framlögð tillaga að breyttu deiliskipulagi verði auglýst með sex atkvæðum Hjördísar Ýrar Johnson, Sveinbjörns Sveinbjörnssonar, Gunnars Sæs Ragnarssonar, Theódóru S. Þorsteinsdóttur, Helgu Jónsdóttur og Hákonar Gunnarssonar gegn atkvæði Kristins D. Gissurarsonar. Vísað til afgreiðslu bæjarráðs og bæjarstjórnar.

    Bókun:
    „Í ljósi þess að haldið er fast í þær hugmyndir að aðeins „Borgarlínan“ verði frá Vesturvör að brúarsporðinum og því lokað fyrir aðkomu að lóðum fyrirtækja að miklu leyti og stærra vegstæði tekið undir en þörf krefur ásamt því að taka hluta lóða af lóðarhöfum er undirrituðum ógerlegt annað en að vera á móti þeirri bókun sem lögð er fram.“
    Kristinn Dagur Gissurarson     Niðurstaða Bæjarráð vísar afgreiðslu málsins til bæjarstjórnar.
  • 8.6 24082673 Sjóvarnir við smábátabryggju. Umsókn um framkvæmdaleyfi.
    Lögð fram umsókn framkvæmdadeildar dags. 28. ágúst 2024 ásamt fylgigögnum um framkvæmdaleyfi fyrir stækkun á grjóthleðslu við smábátahöfnina á Kársnesi. Erindið var lagt fram á fundi skipulagsráðs þann 16. september 2024 og afgreiðslu var frestað.
    Þá eru lögð fram uppfærð gögn dags. 19. september 2024 ásamt minnispunktum um fyrirkomulag smábátahafnar dags. 4. október 2024.     Niðurstaða Skipulagsráð - 171 Skipulagsráð samþykkir með fimm atkvæðum Hjördísar Ýrar Johnson, Kristins D. Gissurarsonar, Sveinbjörns Sveinbjörnssonar, Gunnars Sæs Ragnarssonar og Hákonar Gunnarssonar framlagða umsókn um framkvæmdaleyfi. Vísað til afgreiðslu bæjarráðs og bæjarstjórnar.
    Theódóra S. Þorsteinsdóttir og Helga Jónsdóttir sátu hjá við afgreiðslu málsins.     Niðurstaða Bæjarráð vísar afgreiðslu málsins til bæjarstjórnar.
  • 8.7 24091148 Breiðahvarf 2. Breytt deiliskipulag.
    Lögð fram tillaga skipulagsdeildar dags. 3. október 2024 að breytingu á deiliskipulagi lóðarinnar nr. 2 við Breiðahvarf. Flatarmál lóðarinnar er 4919 m² og á henni er einbýlishús á tveimur hæðum. Í breytingunni felst að skipta lóðinni upp sex lóðir. Lóðin þar sem húsið stendur í dag mun því minnka og vestan við hana er gert ráð fyrir nýrri einbýlishúsalóð með nýtingarhlutfallið 0,23. Til suðurs er gert ráð fyrir fjórum nýjum lóðum fyrir parhús með nýtingarhlutfallið 0,43.
    Á fundi skipulagsráðs þann 16. júlí 2024 var fyrirspurn lóðarhafa um breytt fyrirkomulag lóðarinnar lögð fram og þá var samþykkt að hefja mætti vinnu við gerð breytingar á deiliskipulagi lóðarinnar.
    Uppdráttur í mkv. 1:2000 og 1:500 dags. 3. október 2024 ásamt minnisblaði skipulagsdeildar dags. 4. október 2024.     Niðurstaða Skipulagsráð - 171 Skipulagsráð samþykkir með tilvísun í 1. mgr. 43. gr. skipulagslaga nr. 123/2010 að framlögð tillaga að breyttu deiliskipulagi verði auglýst. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 8.13 24061598 Huldubraut 25. Kynning á byggingarleyfisumsókn.
    Lagt fram að nýju að lokinni kynningu erindi byggingarfultrúa dags. 14. júní 2024 þar sem umsókn Vigfúss Halldórssonar arkitekts f.h. lóðarhafa um byggingarleyfi er vísað til skipulagsráðs. Í breytingunni felst viðbygging við suðurhlið núverandi húss á lóðinni, sólstofa, alls 5,1 m² að flatarmáli. Nýtingarhlutfall á lóðinni eftir breytingu verður 0,17.
    Uppdrættir í mkv. 1:100 dags. 29. apríl 2024 ásamt skráningartöflu (reyndarteikningar). Á fundi skipulagsráðs þann 19. ágúst var samþykkt að grenndarkynna tillöguna. Kynningartíma lauk 3. október, engar athugasemdir bárust.     Niðurstaða Skipulagsráð - 171 Skipulagsráð samþykkir erindið. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 8.14 24071731 Vallargerði 6. Kynning á byggingarleyfisumsókn.
    Lagt fram að nýju að lokinni kynningu erindi byggingarfulltrúa dags. 12. júlí 2024 þar sem umsókn Stefáns Guðmundssonar f.h. lóðarhafa lóðarinnar nr. 6 við Vallargerði um byggingarleyfi er vísað til skipulagsráðs. Sótt er um að hækka húsið um eina hæð. Við það eykst byggingarmagn á lóðinni um 120,7 m² úr 106,9 m² í 227,6 m². Nýtingarhlutfall eykst úr 0,12 í 0,26. Á fundi skipulagsráðs þann 19. ágúst var samþykkt að grenndarkynna tillöguna. Kynningartíma lauk 3. október, eitt erindi barst. Niðurstaða Skipulagsráð - 171 Skipulagsráð samþykkir erindið. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.

Fundargerðir nefnda

9.2410350 - Fundargerð 503. fundar stjórnar Sorpu bs. 18.09.2024

Fundargerð 503. fundar stjórnar Sorpu bs. 18.09.2024.
Lagt fram.

Erindi frá bæjarfulltrúum

10.2410416 - Fyrirspurn bæjarfulltrúa um lántökur bæjarins

Frá bæjarfulltrúm minnihlutans, lögð fram fyrirspurn um lántökur Kópavogsbæjar.
Bæjarráð vísar erindinu til umsagnar sviðsstjóra fjármálasviðs.

Fundi slitið - kl. 09:15.