Bæjarráð

3155. fundur 14. desember 2023 kl. 08:15 - 12:36 í bæjarstjórnarsal, Hábraut 2
Fundinn sátu:
  • Orri Vignir Hlöðversson formaður
  • Hjördís Ýr Johnson, aðalmaður boðaði forföll og Elísabet Berglind Sveinsdóttir varafulltrúi, sat fundinn í hans stað.
  • Andri Steinn Hilmarsson aðalmaður
  • Theódóra S Þorsteinsdóttir aðalmaður
  • Helga Jónsdóttir aðalmaður
  • Bergljót Kristinsdóttir áheyrnarfulltrúi
  • Sigurbjörg Erla Egilsdóttir áheyrnarfulltrúi
  • Ásdís Kristjánsdóttir bæjarstjóri
Starfsmenn
  • Pálmi Þór Másson bæjarritari
Fundargerð ritaði: Pálmi Þór Másson bæjarritari
Dagskrá

Erindi og umsagnir frá starfsmönnum

1.2312709 - Ráðning forstöðumanns Salarins

Frá forstöðumanni menningarmála, lagður fram rökstuðningur vegna ráðningar forstöðumanns Salarins.
Bæjarráð frestar málinu til næsta fundar.

Erindi og umsagnir frá starfsmönnum

2.23111981 - Kynning á Kópavogsappinu

Forstöðumaður upplýsingatæknideildar kynnir Kópavogsappið.
Kynning.

Gestir

  • Ingimar Þór Friðriksson - mæting: 08:28

Erindi og umsagnir frá starfsmönnum

3.23111742 - Til umsagnar húsnæðisstefna fyrir árin 2024-2038 ásamt fimm ára aðgerðaáætlun fyrir árin 2024-2028, 509. mál

Frá lögfræðideild, dags. 11.12.2023, lögð fram umsögn Kópavogsbæjar um tillögur til þingsályktunar um húsnæðisáætlun fyrir árin 2024-2038 ásamt fimm ára aðgerðaráætlun fyrir árin 2024-2028.
Lagt fram.

Erindi og umsagnir frá starfsmönnum

4.2312695 - Framlög til dagforeldra

Frá menntasviði, dags. 12.12.2023, lögð fram tillaga að framlögum vegna dvalar barna hjá dagforeldrum.
Bæjarráð samþykkir með fimm atkvæðum framlagða tillögu menntasviðs.

Gestir

  • Sindri Sveinsson rekstrarstjóri menntasviðs - mæting: 09:33
  • Anna Birna Snæbjörnsdóttir sviðsstjóri menntasviðs - mæting: 09:33

Erindi og umsagnir frá starfsmönnum

5.2312713 - Verðlagsbreytingar á gjaldskrám Kópavogsbæjar

Lagt fram til kynningar.
Lagt fram.

Gestir

  • Anna Birna Snæbjörnsdóttir sviðsstjóri menntasviðs - mæting: 09:45
  • Sindri Sveinsson rekstrarstjóri menntasviðs - mæting: 09:45

Erindi og umsagnir frá starfsmönnum

6.23111154 - Fyrirspurn bæjarfulltrúa Andra Steins Hilmarssonar um fjölda lokana á deildum leikskóla vegna manneklu

Frá menntasviði, dags. 04.12.2023, lagt fram svar við fyrirspurn um fjölda lokana á deildum leikskóla vegna manneklu haustið 2023 og samanburð milli ára síðustu sex ár.
Lagt fram.

Fundarhlé hófst kl. 10:31, fundi fram haldið kl. 10:51

Bókun:
"Það er alveg ljóst að ein birtingarmynd breytinga á leikskólaumhverfi Kópavogs sé sú að ekki hafi þurft að grípa til lokana á leikskólum bæjarins vegna veikinda eða manneklu það sem af er leikskólaári 2023-2024. Eins og er rakið í svari menntasviðs þurfti að loka 16 leikskólum af 21 einn dag eða fleiri síðasta vetur og alls voru lokunardagar 212 dagar veturinn 2022-2023. Rétt er að taka fram að skólaárið er núna hálfnað svo samanburðurinn er ekki að fullu sambærilegur en mönnun var víða erfið hjá leikskólunum okkar haustið 2022 og meira um lokanir þá en á vorönn og varað var mjög við því að staðan yrði verri haustið 2023 ef ekkert yrði að gert. Þetta er mjög ánægjulegt að sjá."
Andri Steinn Hilmarsson
Ásdís Kristjánsdóttir
Orri Hlöðversson
Elísabet Berglind Sveinsdóttir

Bókun:
"Af þeirri greiningu sem hér liggur fyrir má sjá að lokanir á leikskólum er nýr vandi sem tengja má við styttingu vinnuvikunnar. Ljóst er að sveitarfélagið hefði þurft að setja meira fjármagn í rekstur leikskólanna og manna fleiri stöðugildi. Þess í stað var byrðinni varpað á ungar barnafjölskyldur, með bæði gríðarlegum gjaldskrárhækkunum og þjónustuskerðingu sem er líkleg til að koma verr niður á konum."
Sigurbjörg E. Egilsdóttir
Theódóra S. Þorsteinsdóttir

Gestir

  • Sigurlaug Bjarnadóttir deildarstjóri leikskóladeildar - mæting: 09:53
  • Anna Birna Snæbjörnsdóttir sviðsstjóri menntasviðs - mæting: 09:53
  • Sindri Sveinsson rekstrarstjóri menntasviðs - mæting: 09:53

Ýmis erindi

7.2312670 - Fréttatilkynning frá SSH - Vígsla mannvirkja á skíðasvæðunum

Frá SSH, lögð fram fréttatilkynning frá SSH vegna vígslu mannvirkja á skíðasvæðunum.
Lagt fram.

Fundargerðir nefnda

8.2311026F - Lista- og menningarráð - 159. fundur frá 07.12.2023

Fundargerð í 11 liðum.
Lagt fram.

Andri Steinn Hilmarsson vék af fundi kl. 11:17 og tók Ásdís Kristjánsdóttir sæti í hans stað.

Fundargerðir nefnda

9.2311024F - Íþróttaráð - 138. fundur frá 07.12.2023

Fundargerð í 48 liðum.
Lagt fram.
  • 9.4 2306195 Erindi vegna sameiginlegs frístundaraksturs Breiðabliks, Gerplu, HK og Kópavogsbæjar
    Lögð fram greinargerð og tillaga varðandi rekstur frístundabíls frá menntasviði, dags. 11. nóvember 2023, en málinu var vísaði til umfjöllunar í íþróttaráði á 3153. fundi bæjarráðs með eftirfarandi bókun:

    "Bæjarráð vísar erindinu til umfjöllunar íþróttaráðs".     Niðurstaða Íþróttaráð - 138 Umræður urðu um málið.

    Fundarhlé var gert kl. 16:42, fundi framhaldið kl. 16:59.

    Gunnar Gylfason, fulltrúi Samfylkingar, Einar Þorvarðarson, fulltrúi Viðreisnar, Thelma Árnadóttir, fulltrúi Vina Kópavogs og Indriði Ingi Stefánsson, fulltrúi Pírata leggja fram eftirfarandi bókun.

    "Það vekur furðu að meirihluti Sjálfstæðis og Framsóknarflokks ætli að auka álögur á sumar barnafjölskyldur í bænum þannig að kostnaður foreldra við þátttöku barna þeirra í íþróttum geti hækkað um rúmlega 40%.
    Kópavogsbær ákvað staðsetningu íþróttamannvirkja bæjarins. Frístundaakstur er forsenda þess að nýta megi þessi mannvirki eins vel og kostur er þar sem æfingar geta hafist strax að loknum skóladegi og staðið fram á kvöld. Krafa foreldra um að börnin hafi lokið sínu frístundastarfi þegar vinnudegi foreldra lýkur er hávær, en með akstrinum má að einhverjum hluta koma til móts við þær kröfur.
    Einnig er það forsenda fyrir því að hægt sé að taka á móti sem flestum börnum sem óska þess að æfa með félögunum að hægt sé að byrja æfingar sem fyrst á daginn.
    Við teljum rétt að Kópavogsbær taki á sig þann hlut sem foreldrum er ætlað að greiða samkvæmt greinargerðinni".

    Meirihluti íþróttaráðs leggur fram eftirfarandi bókun:

    "Fulltrúum meirihlutans finnst eðlilegt að skoða hóflega gjaldtöku á frístundarvagninum sambærilegt við það sem tíðkast hjá nærliggjandi sveitarfélögum. Bærinn er eftir sem áður að niðurgreiða þjónustuna. Styrkir til íþróttafélaga í Kópavogi eru með því hæsta sem þekkist á landinu og því eðlilegt að íþróttafélögin forgangsraði þeim fjármunum að einhverju leyti í þágu frístundavagnsins.

    Sunna Guðmundsdóttir
    Hildur Karen Sveinbjarnardóttir
    Guðmundur Jóhannesson     Niðurstaða Bæjarráð samþykkir með þremur atkvæðum gegn atkvæðum Theódóru S. Þorsteinsdóttur og Helgu Jóndóttur framlagða tillögu íþróttafélaganna um gjaldtöku í samræmi við greinargerð menntasviðs, dags. 11. desember 2023.

    Fundarhlé hófst kl. 12:01, fundi fram haldið kl. 12:33.

    Bókun:
    "Kópavogsbær stendur straum af íþróttaiðkun barna með framlögum til íþróttafélaganna. Bæjarfélagið á mannvirkin og velur þeim stað. Sum börn þurfa að fara um langan veg í íþróttahúsin og geta ekki nýtt sér fríar almenningssamgöngur án fylgdar. Bæjaryfirvöld lögðu til samræmingu vinnudags barna við vinnudag foreldra með því að færa íþróttaiðkun þeirra fram á daginn. Þannig fékkst betri nýting á íþróttamannvirkjunum. Þessi breyting leiddi til þess að frístundavagninn var settur á fót og hafa íþróttafélögin séð um þann rekstur með tilstyrk bæjarins.
    Fyrir dyrum stendur að útfæra framtíðarfyrirkomulag frístundaakstursins. Undirritaðar leggja áherslu á að þeirri vinnu verði lokið sem fyrst. Á meðan leggjast undirritaðar gegn því að innheimt verði gjald af foreldrum barna sem nýta þurfa þjónustuna vegna fjarlægðar frá íþróttamannvirkjunum. Í því felst ójafnræði, sem ekki er hægt að fallast á. Það er dýrt fyrir samfélagið ef aukinn kostnaður verður til þess að einhver börn hætti að stunda íþróttir."

    Bergljót Kristinsdóttir
    Helga Jónsdóttir
    Sigurbjörg Erla Egilsdóttir
    Theódóra S. Þorsteinsdóttir


    Bókun:
    "Við gerum ekki athugasemd við hóflega gjaldtöku íþróttafélaga á frístundarvagninum sambærilegt við það sem tíðkast hjá nærliggjandi sveitarfélögum. Bærinn er eftir sem áður að styrkja íþróttafélögin við rekstur vagnsins áfram. Ef horft er á heildarmyndina þá er óvíða staðið eins vel að íþróttamálum á landsvísu og í Kópavogi. Það á við um bein fjárframlög til iðkenda og íþróttafélaga en ekki síður til fjárfestinga í íþróttamannvirkjum."

    Orri V. Hlöðversson
    Ásdís Kristjánsdóttir
    Elísabet B. Sveinsdóttir

Fundargerðir nefnda

10.2312002F - Velferðarráð - 128. fundur frá 11.12.2023

Fundargerð í níu liðum.
Lagt fram.

Fundargerðir nefnda

11.2311009F - Öldungaráð - 23. fundur frá 16.11.2023

Fundargerð í fimm liðum.
Lagt fram.

Fundargerðir nefnda

12.2312569 - Fundargerð 569. fundar stjórnar SSH frá 04.12.2023

Fundargerð 569. fundar stjórnar SSH frá 04.12.2023.
Lagt fram.

Fundargerðir nefnda

13.2312544 - Fundargerð 486. fundar stjórnar Sorpu bs. frá 26.09.2023

Fundargerð 486. fundar stjórnar Sorpu bs. frá 26.09.2023.
Lagt fram.

Fundargerðir nefnda

14.2312546 - Fundargerð 487. fundar stjórnar Sorpu bs. 03.10.2023

Fundargerð 487. fundar stjórnar Sorpu bs. 03.10.2023.
Lagt fram.

Fundargerðir nefnda

15.2312347 - Fundargerð 939. fundar stjórnar Sambands íslenskra sveitarfélaga frá 05.12.2023

Fundargerð 939. fundar frá 05.12.2023.
Lagt fram.

Fundargerðir nefnda

16.2312572 - Fundargerð verkefnahóps um uppbyggingu á skíðasvæðunum frá 30.11.2023

Fundargerð frá 30.11.2023.
Lagt fram.

Fundi slitið - kl. 12:36.