Silfursmári 12

Í samræmi við 1. mgr. 43. gr. skipulagslaga nr. 123/2010 er breyting á deiliskipulag hér með auglýst.

Bæjarráð Kópavogs, í umboði bæjarstjórnar, samþykkti þann 20. júlí 2023 að auglýsa í samræmi við 1. mgr. 43. gr. skipulagslaga nr. 123/2010, tillögu að breyttu deiliskipulagi fyrir Silfursmára 12. Á lóðinni sem er óbyggð er heimilt að reisa skv. gildandi deiliskipulagi 1.927 m² atvinnuhúsnæði á fjórum hæðum ásamt kjallara og niðurgrafinni bílageymslu. Í breytingunni felst aukning byggingarmagns um 437 m² í 2.400 m², fjöldi bílastæða verði óbreyttur eða 55 í heildina. Stærð byggingarreits helst óbreytt.

Nánar um tillöguna vísast til kynningargagna.

Ofangreind tillaga er aðgengileg á vef Kópavogsbæjar, www.kopavogur.is, í þjónustuveri bæjarins að Digranesvegi 1 og í skipulagsgátt https://skipulagsgatt.is/. Ef óskað er eftir nánari upplýsingum um tillöguna er hægt að senda fyrirspurn á starfsfólk skipulagsdeildar á netfangið skipulag@kopavogur.is.

Eru þeir sem telja sig eiga hagsmuna að gæta hvattir til að kynna sér tillöguna. Athugasemdir og ábendingar skulu hafa borist skriflega til skipulagsdeildar, Digranesvegi 1, 200 Kópavogi, á netfangið skipulag@kopavogur.is eða gegnum skipulagsgátt https://skipulagsgatt.is/ eigi síðar en kl. 12:00 föstudaginn 13. október 2023.