Bæjarstjórn Kópavogs samþykkti þann 9. maí 2023 að auglýsa í samræmi við 1. mgr. 43. gr. skipulagslaga nr. 123/2010 eftirfarandi tillögur að breyttu deiliskipulagi.
Í tillögunni felst að breyta mörkum skipulagssvæðis Hörðuvalla í samræmi við nýtt deiliskipulag fyrir Vatnsendahvarf/Vatnsendahæð. Þar er gert ráð fyrir nýrri 500 íbúða byggð á 29 hektara svæði með tvær akstursaðkomur innan Kópavogs, um Kambaveg og Turnahvarf. Mörk deiliskipulags Hörðuvalla breytist austan við Klappakór og Perlukór þar sem mörkin færast nær Andarhvarfi, og við gatnamót Kambavegs og Kleifakórs, en þau gatnamót verða innan nýs deiliskipulagssvæðis.
Tillagan er sett fram á uppdráttum í mkv. 1:2000 ásamt greinargerð dags. 14. apríl 2023 og uppfærð 17. maí 2023. Nánar um tillöguna vísast til kynningargagna.
Ofangreind tillaga er aðgengilegar á vef Kópavogsbæjar, www.kopavogur.is og í þjónustuveri Kópavogsbæjar að Digranesvegi 1 frá kl. 8:30 til 16:00 mánudaga til fimmtudaga og á föstudögum frá kl. 8:30 til 13:00. Eru þeir sem telja sig eiga hagsmuna að gæta hvattir til að kynna sér tillögurnar.
Athugasemdir og ábendingar skulu hafa borist skriflega til skipulagsdeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 12:00 föstudaginn 14. júlí 2023.
Takk fyrir!
Ábending þín er móttekin
