Dalvegur 30

Í samræmi við 1. mgr. 43. gr. skipulagslaga nr. 123/2010 er hér með auglýst tillaga að breyttu deiliskipulagi í Kópavogi.

Bæjarstjórn Kópavogs samþykkti þann 20. nóvember 2023 að auglýsa í samræmi við 1. mgr. 43. gr. skipulagslaga nr. 123/2010, tillögu að breyttu deiliskipulagi Dalvegar 30. Í breytingunni felst breytt lögun og sameining byggingarreita 30b og 30c í einn reit, 30a.
Byggingarmagn ofanjarðar á lóðinni eykst um 55 m², úr 16.500 m² í 16.555 m².
Nýtingarhlutfall ofanjarðar er óbreytt 0.8. Byggingarreitur bílageymslu neðanjarðar stækkar og byggingarmagn neðanjarðar eykst um 10.600 m2, úr 4.000 m2 í 14.600 m². Hámarksfjöldi bílastæða helst óbreyttur, 470 stæði, þar af allt að 250 neðanjarðar. Gert er ráð fyrir gatnatengingu milli Dalvegar 30 og 32 á suðausturhluta lóðarinnar.
Tillagan er sett fram á uppdrætti í mkv. 1:1000 ásamt greinargerð og skýringaruppdrætti
dags. 13. október 2023. Tillögunni fylgir einnig minnisblað um áhrif á umferð
dags. 29. nóvember 2023.

Fimmtudaginn 15. febrúar 2024 milli kl. 17 og 18 verður haldinn kynningarfundur í sal Smáraskóla um skipulagsmál við Dalveg, hljóðvist, ljósmengun, aðgengi og umferðarlausnir á svæðinu. Ásamt því verða ofangreindar tillögur kynntar sérstaklega þeim sem þess óska.

Eru þeir sem telja sig eiga hagsmuna að gæta hvattir til að kynna sér tillögurnar. Athugasemdir og ábendingum við ofangreinda tillögu skal skila í gegnum skipulagsgátt www.skipulagsgatt.is, málsnr. 18/2024, eigi síðar en fimmtudaginn 29. febrúar 2024. Ef óskað er eftir frekari upplýsingum um tillöguna er hægt að hafa samband við starfsfólk skipulagsdeildar með því að senda tölvupóst á skipulag@kopavogur.is.

Vakin er athygli á að athugasemdir teljast til opinberra ganga í allri skipulagsmeðferð. Skipulagsfulltrúi Kópavogsbæjar notar upplýsingar sem eru settar fram vegna athugasemda við skipulag til úrvinnslu og auðkenningar. Kópavogsbær er afhendingaskyldur aðili samkvæmt lögum um opinber skjalasöfn nr. 77/2014 og afhendir gögn til varðveislu til Þjóðskjalasafns Íslands.