Boðaþing 5-13. Samþykkt breyting á deiliskipulagi.

Á fundi skipulagsráðs 16. janúar sl. var lögð fram að nýju tillaga umhverfissviðs að breyttu deiliskipulagi Boðaþings 5-13

Í breytingunni felst að innri byggingarreitur fyrir Boðaþing nr. 11 og nr. 13 breytist og færist fjær Boðaþingi 1-3. Gert er ráð fyrir aðkomu þjónustubíla á norðurhluta lóðarinnar (sjúkra- sorp og matarbíla) með nýjum einbreiðum akvegi 3,5 til 4 m. á breidd sem liggur frá núverandi bílastæðum að nýjum þjónustuinngangi austan núverandi þjónustukjarna. Rökin fyrir umræddri breytingu liggja í ósk lóðarhafa um betra innra fyrirkomulag fyrirhugaðra bygginga til hagsbóta fyrir íbúa Boðaþings og til að auka vinnuhagræðingu hjá starfsfólki þar sem minni fjarlægð verður milli heimiliseininga. Aðkoma og lega bílastæða breytist. Að öðru leyti er vísað í gildandi deiliskipulag samþykkt í bæjarstjórn 24. ágúst 2006 m.s.br. samþykkt 12. apríl 2016 og birt í B- deild Stjórnartíðinda 26. apríl 2016.

Á fundi skipulagsráðs 15. ágúst 2022 var afgreiðslu frestað. Á fundi skipulagsráðs 5. september 2022 var samþykkt með tilvísun í 1. mgr. 43. gr. skipulagslaga nr. 123/2010 að framlögð tillaga verði auglýst. Vísað til afgreiðslu bæjarráðs og bæjarstjórnar. Á fundi bæjarstjórnar 13. september 2022 var afgreiðsla skipulagsráðs staðfest. Kynningartíma lauk 4. nóvember 2022. Á fundi skipulagsráðs 14. nóvember 2022 voru lagðar fram athugasemdir og ábendingar sem bárust á kynningartíma. Afgreiðslu frestað, vísað til umsagnar skipulagsdeildar. Þá lögð fram umsögn skipulagsdeildar dags. 12. janúar 2023 ásamt breyttri tillögu dags. 12. janúar 2023 þar sem komið er til móts við sjónarmið í framkomnum athugasemdum. Lega aðkomuvegar og núverandi bílastæða færist til suðurs fjær Boðaþingi 1-3, umferð um þjónustuveg verður aðgangsstýrð og merkt er inn á uppdrátt staðsetning smáhýsis/geymsluskúrs á lóð.

Skipulagsráð samþykkti framlagða tillögu með áorðnum breytingum dags. 12. janúar 2023. Vísað til afgreiðslu bæjarráðs og bæjarstjórnar.

Á fundi bæjarstjórnar þann 24. janúar 2023 var afgreiðsla skipulagsráðs staðfest.