Í samræmi við 44. gr. skipulagslaga nr. 123/2010 er kynning á byggingarleyfisumsókn fyrir Álfhólsveg 17a hér með kynnt.
Lagt fram erindi byggingarfulltrúa dags. 13. janúar 2023 þar sem umsókn Höllu H. Hamar arkitekts f.h. lóðarhafa um byggingarleyfi er vísað til skipulagsráðs. Í breytingu felst að byggt verði 16,8 m² smáhýsi á lóðinni. Byggingarmagn eykst úr 199,8 m² í 216,6 m². Nýtingarhlutfall eykst úr 0,23 í 0,25. Skýringaruppdrættir í mkv. 1:100 og 1:500 dags. 28. desember 2022. Þá lagt fram minnisblað skipulagsdeildar dags. 6. febrúar 2023.
Skiplagsráð samþykkir með tilvísun í 44. gr. skipulagslaga nr. 123/2010 að framlögð umókn um byggingarleyfi verði grenndarkynnt fyrir lóðarhöfum Álfhólsvegar 2, 2a, 4, 4a, 6, 6a, 8, 8a, 10, 10a, 12, 12a, 14, 14a, 15, 15a, 17, 19, 21, 23 og Hamrabrekku 6, 8, 10, 12 og 14 með sjö atkvæðum. Helga Jónsdóttir sast hjá við afgreiðslu málsins.
Eru þeir sem telja sig eiga hagsmuna að gæta hvattir til að kynna sér tillögurnar. Athugasemdir og ábendingar skulu hafa borist skriflega til skipulagsdeildar, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 16:00 þriðjudaginn 2. maí 2023.
Skipulagsfulltrúinn í Kópavogi.
Takk fyrir!
Ábending þín er móttekin
