Forsætisnefnd bæjarstjórnar Kópavogs skipuleggur starf bæjarstjórna og dagskrá bæjarstjórnarfunda. Nefndin er skipuð þremur bæjarfulltrúum og jafnmörgum til vara.
Forsætisnefnd hefur eftirtalin verkefni:
- Skipuleggur starf bæjarstjórnar og dagskrá bæjarstjórnarfunda.
- Fer yfir umræður bæjarstjórnar og leggur fram athugasemdir á næsta fundi bæjarstjórnar ef ástæða er til.
- Hefur umsjón með alþjóðasamstarfi bæjarins.
- Fjallar um tillögur á breytingum á samþykktum um stjórn Kópavogsbæjar og fundarsköp bæjarstjórnar og samþykktir fyrir einstakar nefndir.
- Fjallar um starfskjör kjörinna fulltrúa og gerir tillögu til bæjarstjórnar þar um.
- Fjallar um starfsaðstæður bæjarfulltrúa og gerir tillögur til bæjarstjórnar þar um.
- Fjallar um álitamál er geta komið upp í málsmeðferðum í nefndarkerfi og bæjarstjórn Kópavogsbæjar.
- Fjallar um önnur mál sem forseti leggur fyrir hana, aðrir nefndarmenn eða bæjarstjóri óskar að ræða.
