Umhverfis- og samgöngunefnd

Lagt fram erindi Indriða Stefánssonar varðandi hvort verktakar séu að fá tilskilin leyfi til að stoppa umferð erindi frá Indriða Stefánssyni dags. 14. október 2018.

Lagt fram erindi Erlendar Geirdal varðandi fyrirspurn um útskiptingu bensin- og dísilbíla Kópavogsbæjar dags. 2.11.2018.

Frá Umhverfisfulltrúa lögð fram tillaga að útfærslu á samfélagslegri ábyrgð fyrirtækja. Fyrirtæki geta dregið úr losun sinni á gróðurhúsalofttegundum (GHL) og takið þannig þátt í baráttunni við neikvæðar loftslagsbreytingar af mannavöldum. Aðgerðir fyrirtækja í loftslagsmálum skipta sköpum og án þeirra er ólíklegt að þjóðir heims geti staðið við Parísarsáttmálann eða að Ísland nái loforði sínu um að verða kolefnishlutlaust fyrir árið 2040.
Heimsmarkmið Sameinuðu þjóðanna eru 17 og undirmarkmið 169. Í Kópavogi verður undirmarkmiðum forgangsraðað og hafa alls 34 undirmarkmið Heimsmarkmiðanna verið valin til þess að mynda
yfirmarkmið í starfsemi bæjarins.
Kópavogsbær er leiðandi í innleiðingu Heimsmarkmiðana á Íslandi.
Öllum fyrirtækjum og stofnunum býðst að skrifa undir loftslagsyfirlýsinguna.
Aðilar að yfirlýsingunni eru því sammála um að sýna samfélagslega ábyrgð í verki með því að setja sér markmið um að:
1. Draga úr losun gróðurhúsalofttegunda
2. Minnka myndun úrgangs, m.a. með því að nota minna af óendurvinnanlegu hráefni og umbúðum, endurvinna og endurnýta
3. Mæla árangurinn og gefa reglulega út upplýsingar um stöðu ofangreindra þátta.

Skipulagsráð 38 - 5.11.2018
Lagt fram og kynnt. Afgreiðslu frestað. Vísað til umsagnar umhverfis- og samgögnunefndar.

Lagðar fram hugmyndir að útfærslu austurhluta Dalvegar þ.e. frá húsi nr. 18 (Málning) að gatnamótum við Nýbýlaveg. Uppdrættir í mkv. 1:2000 dags. 2. nóvember 2018.

Skipulagsráð 38 - 5.11.2018
Lagt fram og kynnt. Afgreiðslu frestað. Vísað til umsagnar umhverfis- og samgögnunefndar.

Lögð fram drög að gatnaskipulagi Vesturvarar milli Bakkabrautar að Kársnesbraut. Uppdráttur VBV Verkfræðistofu Bjarna Viðarssonar ehf. í mkv. 1:1000 dags í september 2018.

Lagt fram erindi Indriða Stefánssonar varðandi gjaldfrjálsar almenningssamgöngur í Kópavogi dags. 14. október 2018.

Lagt fram erindi Indriða Stefánssonar varðandi könnun á gjaldskrá og ferlum Sorpu dags. 14. október 2018.

Lagt fram erindi Indriða Stefánssonar varðandi úttekt á úrlausnum við blindbeygjur á hjólastígum dags. 14. október 2018.

Lagt fram erindi Indriða Stefánssonar varðandi úttekt á úrlausnum við blindbeygjur á hjólastígum dags. 14. október 2018.

21.3 1810293 - Aðgangsstýrð reiðhjólastæði í Kópavogi
Lögð fram tillaga að tilraunaverkefni á aðgangsstýrðum reiðhjólastæðum í Kópavogi.

Niðurstaða Umhverfis- og samgöngunefnd - 103
Umhverfis- og samgöngunefnd samþykkir einróma að sett verði upp 10 yfirbyggð og aðgangsstýrð reiðhjólastæði sem tilraunaverkefni við Hálsatorg í Hamraborg ásamt viðgerðarstandi.
Umhverfis- og samgöngunefnd vísar kostnaðarliðum erindisins til bæjarráðs og bæjarstjórnar og gerðar fjárhagsáætlunar.
Umhverfis- og samgöngunefnd vísar til vinnu við Samgöngustefnu Kópavogsbæjar sambærilegri uppbyggingu á Kársnesi, Smáranum og öðrum svæðum.
Erlendur H. Geirdal áheyrnarfulltrúi lýsir yfir ánægju með verkefnið og styður heildstæða uppbyggingu vistvænna samgangna.

Niðurstaða
Bæjarráð vísar erindinu til bæjarstjóra til úrvinnslu.

Lagt fram erindi Indriða Stefánssonar varðandi að kannað sé hvort nýtt skipulag Kársnes taki til ætlaðrar hækkunar á yfirborði sjávar dags. 14. október 2018.

Lagt fram erindi Indriða Stefánssonar varðandi stoppistöð við Smáralind alveg upp við eða inn í Smáralind dags. 23. október 2018.

Kynning á stöðu mála.

Umhverfis- og samgöngunefnd - 97
Formaður umhverfis- og samgöngunefndar óskar eftir yfirlit yfir allar göngu- og hjólaleiðir á reitum 1-9 á Kársnesi með tilliti til umferðaröryggis, tengingu við núverandi stígakerfi, uppbyggingar kerfisins og þróun.
Gerð verði grein fyrir umferð inn á gatnakerfi Kársness miðað við nýtt deiliskipulag svæðisins.

Frestað

Lagt fram erindi Rakelar Ýrar Ísaksen fyrir hönd íbúa við Fagrahjalla og Fífuhjalla varðandi beiðni um að opna fyrir akstur frá bílastæði við Fífuhjalla 2 og 6 út á Fífuhjalla dags. 14. maí 2018.

Lögð fram tillaga að breytingu á fyrirkomulagi bílastæða við Snælandsskóla þar sem gerð er aðstaða fyrir sundrútu dags. 31. október 2018.

Skipulagsráð 38 - 5.11.2018
Ástand og umgengni við marga sumarbústaði sunnan Elliðavatns er verulega ábótavant. Umræddir bústaðir eru í umsjá ábúanda Vatnsendabýlisins. Ljóst er að ekki verður við það búið öllu lengur að ráðast í tiltekt á svæðinu. Skipulagsráð vísar málinu til umhverfis- og samgöngunefndar til úrvinnslu.

Lagt fram erindi Hallgríms Magnússonar varðandi ílla umgengni við bústaðarústir við Elliðavatn dags. 13. september 2017.

21.7 1310510 - Gámar í Kópavogi
Lögð fram tillaga að fyrirkomulagi stöðuleyfa í Kópavogi og gjaldskrá fyrir stöðuleyfa gáma í Kópavogi.


Niðurstaða Umhverfis- og samgöngunefnd - 103
Umhverfis- og samgöngunefnd samþykkir einróma framlagða tillögu að tilraunaverkefni. Gefin skal 7 daga frestur til að sækja um stöðuleyfi þegar útgáfa stöðuleyfa hefst 1. janúar 2019. Ef ekki er sótt um stöðuleyfi innan 7 daga skal gefin út viðvörun að eftir 10 daga verði gámur fjarlægður á kostnað eigenda. Ofangreindir frestir koma í stað viðeigandi frests í ákvæði 3. Vísað til bæjarráðs og bæjarstjórnar.

Niðurstaða
Bæjarráð frestar afgreiðslu málsins.