Skipulagsráð

23101239 - Dalvegur 30. Breytt deiliskipulag.

Bæjarstjórn staðfestir afgreiðslu skipulagsráðs með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og hjásetu Bergljótar Kristinsdóttur.



23031264 - Brú yfir Fossvog. Breytt deiliskipulag.

Bæjarstjórn staðfestir afgreiðslu skipulagsráðs með 11 atkvæðum.

23101239 - Dalvegur 30. Breytt deiliskipulag.

Bæjarráð vísar afgreiðslu málsins til bæjarstjórnar.



23031264 - Brú yfir Fossvog. Breytt deiliskipulag.

Bæjarráð vísar afgreiðslu málsins til bæjarstjórnar.

2309454 - Starfshópur - heildarsýn fyrir Kópavogsdal.

Lagt fram og kynnt.



2208338 - Vatnsendahæð - Vatnsendahvarf. Breyting á aðalskipulagi.

Umhverfis og samgönguefnd gerir ekki athugasemdir við tillöguna.



2011714 - Vatnsendahæð - Vatnsendahvarf. Deiliskipulag.

Umhverfis og samgönguefnd gerir ekki athugasemdir við tillöguna.



23051119 - Hámarkshraðaáætlun Kópavogsbæjar.

Kynningu og umræðum haldið áfram á næsta fundi.



23101080 - Hindranir vegna illa lagðra rafhlaupahjóla.

Umhverfis- og samgöngunefnd leggur til að umhverfissvið hefji samtal við rafhlaupahjólaleigur í samræmi við tillögur ræddar á fundinum.



23091400 - Fyrirspurn nefndarfulltrúa. Ráðstöfun fjármuna til gang- og hjólastíga.



Bókun frá fulltrúum Pírata, Samfylkingar, Vinum Kópavogs og Viðreisnar.

Það er mjög óheppilegt að stór hluti af því fé sem bærinn ráðstafar árum saman síðan 2019 til hjólastíga sé ekki nýtt til framkvæmda og hverfi úr málaflokknum þegar ekki er framkvæmt. Sérstaklega með tilliti til öryggis hjólandi vegfarenda og til að hvetja fólk til þátttöku í orkuskiptum í samræmi við samgöngustefnu bæjarins. Nú virðist miðað við fjárhagsáætlun verði engum fjármunum varið til stígagerðar utan samgöngusáttmála.



Bókun frá fulltrúum Sjálfstæðisflokks og Framsóknarflokks.

Meirihluti Umhverfis og samgöngunefndar tekur ekki undir bókun minnihlutans og bendir á þá uppbyggingu sem þegar hefur verið lokið við og fyrirhugaðar eru á næstu árum.

Lagt fram að nýju erindi Hans-Olavs Andersens arkitekts dags. 28. ágúst 2023 f.h. lóðarhafa lóðanna nr. 4-8 við Hafnarbraut um breytt byggingaráform. Í breytingunni felst breytt þakform, flatt þak í stað mænisþaks ásamt breyttum frágangi svalahandriða og breytingu á klæðningu hússins. Á lóðunum er í gildi deiliskipulag Hafnarbrautar 2-10 og Kársnesbrautar 108-114 sem birt var í B-deild Stjórnartíðinda 22. janúar 2018. Áður samþykkt byggingaráform dags. 28. febrúar 2018 voru lögð fram í skipulagsráði þann 19. mars 2018. Erindið var áður lagt fram á fundi skipulagsráðs 18. september 2023, afgreiðslu var frestað.

Þá lögð fram breytt byggingaráform dags. 18. nóvember 2023.

Lagt fram erindi umhverfissviðs Kópavogsbæjar dags. 24. nóvember 2023 þar sem óskað er heimildar skipulagsráðs til að hefja vinnu við gerð deiliskipulags í botni Kópavogs þar sem fyrirhugað er að gera breytingar á núverandi stíg til að aðgreina umferð ganganda og hjólandi vegfarenda. Mörk svæðis í suðri eru við sveitarfélagsmörk Garðabæjar og Kópavogs og í norðri við undirgöng undir Hafnarfjarðarveg.

Birkir Rútsson, deildarstjóri gatnadeildar, gerði grein fyrir erindinu.

Lagt fram erindi umhverfissviðs Kópavogsbæjar dags. 24. nóvember 2023 þar sem óskað er heimildar skipulagsráðs til að hefja vinnu við gerð deiliskipulags um Kópavogsháls þar sem fyrirhugað er að gera breytingar á núverandi stíg til að aðgreina umferð gangandi og hjólandi vegfarenda. Mörk svæðis í suðri eru við undirgöng undir Hafnarfjarðarveg og í norðri við undirgöng undir Borgarholtsbraut.

Stígarnir eru hluti af skilgreindu stofnstíganeti á höfuðborgarsvæðinu og fjármagnaðir af samgöngusáttmála ríkis og sveitarfélaga.

Birkir Rútsson, deildarstjóri gatnadeildar, gerði grein fyrir erindinu.

Lagt fram erindi umhverfissviðs Kópavogsbæjar dags. 24. nóvember 2023 þar sem óskað er heimildar skipulagsráðs til að hefja vinnu við gerð deiliskipulags fyrir Ásbraut, Hábraut og Hamraborg þar sem fyrirhugað er að gera breytingar á núverandi stíg til að aðgreina umferð gangandi og hjólandi vegfarenda. Mörk svæðis í suðri eru við Gerðarsafn og í norðri við botn Ásbrautar.

Stígarnir eru hluti af skilgreindu stofnstíganeti á höfuðborgarsvæðinu og fjármagnaðir af samgöngusáttmála ríkis og sveitarfélaga.

Birkir Rútsson, deildarstjóri gatnadeildar, gerði grein fyrir erindinu.

Lögð fram umsókn Sigurðar Lúðvíks Stefánssonar byggingarfræðings dags. 28. nóvember 2023 f.h. lóðarhafa lóðanna nr. 10 og 12 við Arnarsmára um breytingu á deiliskipulagi. Í breytingunni felst heimild fyrir fjarskiptaloftneti á vesturgafli húss.

Uppdráttur í mkv. 1:1000 og 1:100 dags. 5. september 2023 ásamt undirrituðu umboði lóðarhafa úr báðum húsfélögum hússins dags. 25. ágúst 2023.

Lagt fram erindi Helga Steinars Helgasonar arkitekts dags. 12. október 2023 f.h. lóðarhafa lóðanna nr. 102, 102A og 104 við Kársnesbraut þar sem óskað er eftir heimild skipulagsráðs til að hefja deiliskipulagsvinnu á lóðunum. Áform lóðarhafa eru að lóðirnar verði sameinaðar í tvær fjölbýlishúsalóðir og að nýtingarhlutfall hvorrar lóðar verði 2,0. Hæðir húsa að Kársnesbraut verði 3 hæðir og 5 hæðir við Vesturvör. Efsta hæð verði inndregin. Jafnframt er gert ráð fyrir niðurgröfnum bílageymslum á lóðunum. Fyrirhugaður fjöldi íbúða verði um 120-140 samtals á báðum lóðunum og að meðalstærð íbúða verði 80 m². Erindið var lagt fyrir skipulagsráð 6. nóvember 2023. afgreiðslu var frestað og vísað til umsagnar skipulagsdeildar.

Þá lögð fram umsögn skipulagsdeildar dags. 1. desember 2023.

Lögð fram að nýju að lokinni kynningu umsókn Jens Arnars Árnasonar arkitekts f.h. lóðarhafa lóðarinnar nr. 20 við Aflakór um breytt deiliskipulag. Í gildi er deiliskipulagið Rjúpnahæð- austurhluti samþykkt í bæjarráði 7. september 2006. Í breytingunni felst stækkun á byggingarreit að hluta, breyting á stærð og afstöðu sorpskýlis og yfirbyggðu hjólaskýli komið fyrir. Nýtingarhlutfall er 0.42 en verður 0.44 með tillögu að breytingu. Byggingarmagn eykst um 19.94m², það fer úr 380m² í 399.94m². Á fundi skipulagsráðs 16. október 2023 var samþykkt að grenndarkynna tillöguna. Kynningartíma lauk 1. desember 2023, engar athugasemdir bárust.

Uppdráttur í mkv. 1:100, 1:200, 1:500 og 1: 1000 dags. 12. október 2023. Einnig lagt fram minnisblað skipulagsdeildar dags. 13. október 2023.

Lögð fram umsókn Kjartans Rafnssonar arkitekts dags. 29. nóvember 2023 f.h. lóðarhafa lóðarinnar nr. 14 við Logasali um breytingu á deiliskipulagi. Í breytingunni felst að byggingarreitur stækkar um 12 m² til að koma fyrir glerskála á einni hæð við suðurhlið byggingar. Byggingarmagn eykst úr 274,5 m² í 300,9 m² og nýtingarhlutfall hækkar úr 0,37 í 0,4.

Uppdráttur í mkv. 1:1000 og 1:200 dags. 23. nóvember 2023.

Lagt fram erindi byggingarfulltrúa dags. 14. mars 2023 þar sem umsókn Helga Indriðasonar arkitekts dags. 1. mars 2023 um byggingarleyfi er vísað til skipulagsráðs. Sótt er um stækkun bílskúrs um 33cm til suðurs og 26cm til austurs, samtals 4,1 m² ásamt færslu bílskúrs rúmum metra nær lóðarmörkum bæjarlands eða 2,87 metra frá lóðarmörkum.

Uppdrættir í mkv. 1:100 dags. 19. ágúst 2023.

Lagt fram að nýju erindi byggingarfulltrúa dags. 14. apríl 2023 þar sem byggingarleyfisumsókn Ellerts Hreinssonar arkitekts dags. 14. mars 2023 f.h. lóðarhafa lóðarinnar nr. 12 við Kópavogsbraut er vísað til skipulagsráðs. Á lóðinni er 257,4 m² einbýlishús og stakstæð bílageymsla. Sótt er um leyfi fyrir byggingu annars einbýlishúss með bílageymslu á lóðinni, norðan núverandi húss, alls 255 m² á tveimur hæðum. Aðkoma að núverandi húsi á lóðinni er á austurhluta lóðarinnar frá Meðalbraut og gert er ráð fyrir að aðkoma að nýbyggingunni verði á norðurhluta lóðarinnar frá Meðalbraut. Bílastæðum fjölgar úr tveimur í fjögur. Nýtingarhlutfall lóðarinnar hækkar úr 0,18 í 0,35. Skipulagsráð samþykkti með tilvísun í 44. gr. skipulagslaga nr. 123/2010 að framlögð umsókn um byggingarleyfi verði grenndarkynnt fyrir lóðarhöfum lóðanna nr. 2, 4, 6, 8, 10, 14, 16, 18, 20 og 22 við Kópavogsbraut og nr. 2, 4, 6, 8, 10, 12, 14, 16, 18, 20, 22, 24 og 26 við Meðalbraut. Tillagan var grenndarkynnt og frestur til að gera athugasemd var til kl. 12:00 föstudaginn 11. ágúst 2023. Athugasemdir bárust. Á fundi skipulagsráðs 21. ágúst 2023 var erindið lagt fram að nýju ásamt innsendum athugasemdum. Skipulagsráð frestaði erindinu og vísaði til umsagnar skipulagsdeildar.

Á fundi skipulagsráðs 20. nóvember sl. var lögð fram breytt tillaga lóðarhafa dags. 13. nóvember 2023 þar sem komið er til móts við sjónarmið athugasemdaaðila. Í breytingunni fólst að fyrirhuguð nýbygging á lóðinni er minnkuð um 30 m2 á vesturhluta lóðarinnar og fyrirhugað nýtt nýtingarhlutfall lækkað úr 0,35 í 0,33.

Þá lögð fram umsögn skipulagsdeildar dags. 1. desember 2023. Jafnframt er lögð fram greinargerð lóðarhafa dags. 12. ágúst 2022.

Lögð fram fyrirspurn Jóns Hrafns Hlöðverssonar byggingarfræðings dags. 29. nóvember 2023 f.h. lóðarhafa lóðarinnar nr. 19 við Jörfalind um viðbyggingu. Á lóðinni stendur 190,8 m² endaraðhús á tveimur hæðum. Fyrirhuguð staðsteypt viðbygging er 18 m² á stærð og myndi bætast við suðurgafl húss nr. 19, á neðri hæð. Efri hæð viðbyggingar myndi þá nýtast sem þaksvalir til suðurs. Nýtingarhlutfall lóðar færi úr 0,4 í 0,5. Á lóðinni er í gildi deiliskipulag sem var samþykkt í bæjarstjórn Kópavogs 15. ágúst 1995.

Uppdrættir í mkv. 1:100 dags. 29. nóvember 2023.

Lagt fram erindi hafnarstjórnar dags. 9. nóvember 2023 um tillögur að breytingum á skipulagi hafnarinnar á Kársnesi.

Erindið var lagt fyrir hafnarstjórn þann 14. nóvember 2023. Hafnarstjórn vísaði tillögunni til skipulagsráðs.

Lögð fram áætlun um fundi skipulagsráðs árið 2024 dags. 21. nóvember 2023.