Skipulagsráð

2208270 - Leikskóli við Skólatröð. Óveruleg breyting á aðalskipulagi.
Bæjarráð vísar afgreiðslu málsins til bæjarstjórnar.
2208095 - Boðaþing 5 - 13, breytt deiliskipulag.
Bæjarráð vísar afgreiðslu málsins til bæjarstjórnar.
2208035 - Jöklalind 10, breytt deiliskipulag.
Bæjarráð vísar afgreiðslu málsins til bæjarstjórnar.
2204079 - Kársnesbraut 108, breytt deiliskipulag.
Bæjarráð vísar afgreiðslu málsins til bæjarstjórnar.
2103898 - Kópavogsbraut 69. Breytt deiliksipulag.
Bæjarráð vísar afgreiðslu málsins til bæjarstjórnar.
2103900 - Kópavogsbraut 71. Breytt deiliskipulag.
Bæjarráð vísar afgreiðslu málsins til bæjarstjórnar.
2204613 - Litlavör 19, breytt deiliskipulag.
Bæjarráð vísar afgreiðslu málsins til bæjarstjórnar.

2208270 - Leikskóli við Skólatröð. Óveruleg breyting á aðalskipulagi.
Bæjarstjórn staðfestir afgreiðslu skipulagsráðs.
2208095 - Boðaþing 5 - 13, breytt deiliskipulag.
Bæjarstjórn staðfestir afgreiðslu skipulagsráðs.
2208035 - Jöklalind 10, breytt deiliskipulag.
Bæjarstjórn vísar erindinu til skipulagsráðs til frekari rýni.
2204079 - Kársnesbraut 108, breytt deiliskipulag.
Bæjarstjórn staðfestir afgreiðslu skipulagsráðs.
2103898 - Kópavogsbraut 69. Breytt deiliksipulag.
Bæjarstjórn staðfestir afgreiðslu skipulagsráðs.
2103900 - Kópavogsbraut 71. Breytt deiliskipulag.
Bæjarstjórn staðfestir afgreiðslu skipulagsráðs.
2204613 - Litlavör 19, breytt deiliskipulag.
Bæjarstjórn staðfestir afgreiðslu skipulagsráðs.

Lögð fram drög að loftslagsstefnu, ódagsett, til umsagnar.
Encho Plamenov Stoyanov verkefnastjóri á gatnadeild og Auður Finnbogadóttir verkefnastjóri stefnumótunar gera grein fyrir erindinu.

Lögð fram uppfærð fyrirspurn Scala arkitekta f.h. lóðarhafa dags. 16. september 2022. Óskað er eftir áliti skipulagsráðs á tillögum að breyttu deiliskipulagi lóðanna. Í breytingunni felst stækkun lóðanna um 260 m² til norðurs, breytt fyrirkomulag byggingarreita, aukning heildarbyggingarmagns úr 6.950 m² í 13.540 m² ofanjarðar og neðanjarðar ásamt fjölgun íbúða úr 59 í 91 samtals á báðum lóðunum.
Á fundi skipulagsráðs 16. maí 2022 var afgreiðslu frestað.
Helgi Steinar Helgason arkitekt gerir grein fyrir erindinu.

Lögð fram með tilvísun í 1. mgr. 30. gr. skipulagslaga nr. 123/2010 tillaga skipulagsdeildar að skipulagslýsingu dags. 15. september 2022 vegna fyrirhugaðrar breytingar á Aðalskipulagi Kópavogs 2019-2040 fyrir Vatnsendahvarf.
Breytingarnar eru gerðar í tengslum við vinnu deiliskipulags fyrir svæðið í samræmi við ábendingar og umsagnir sem hafa borist. Í aðalskipulagsbreytingunni er afmörkun landnotkunarreita fyrir íbúðasvæði, opin svæði og samfélagsþjónustu breytt, fellt er út svæði fyrir verslun og þjónustu í útjaðri íbúðarsvæðisins og sú þjónusta sem þar var fyrirhuguð færð miðsvæðis inn í hverfið nálægt skóla og leikskóla, auk þess sem staðsetning minjasvæðis er leiðrétt.
Einnig lagt fram minnisblað menntasviðs vegna fjölgunar nemenda, dags. 1. sept. 2022.

Lögð fram tillaga skipulagsdeildar í samvinnu við Ask arkitekta, að skipulagslýsingu dags. í september 2022, með tilvísun í 1. mgr. 40. gr. skipulagslaga nr. 123/2010 fyrir nýtt deiliskipulag leikskóla við Skólatröð.

Lögð fram að nýju fyrirspurn Ívars Arnar Guðmundssonar arkitekts dags. 31. ágúst 2022 f.h. lóðarhafa um breytt deiliskipulag á lóðinni. Rök fyrir umræddum breytingum liggja í mikilli ásókn í núverandi hótelherbergi og þörf á auknu rými fyrir stuðningsrými fyrir veislusal hússins. Fyrirhugaðar breytingar koma til með að bæta heildaryfirbragð lóðar og ásýnd frá Elliðavatni að húsi þar sem nýbyggingar eru að mestu hulin í landi.
Í tillögunni er gert ráð fyrir að færa 5 herbergi frá efri hæð á neðri hæð hússins, baðhús í norðaustur hluta byggingarreitsins og auka heildarbyggingarmagn um 595 m². Byggingarreitur breytist og stækkar til norðurs og suðurs en minnkar til vesturs. Þá er gert ráð fyrir að byggingarreitir á vesturhluta lóðar verði sameinaðir í einn stærri byggingarreit fyrir íbúðarhúsnæði/vinnustofu á einni hæð. Nýtingarhlutfall eftir breytingu er áætlað 0.22
Þá lögð fram umsögn deildarstjóra framkvæmdadeildar dags. 17. ágúst 2022.
Hluti byggingarreits fer út fyrir skilgreindan landnotkunarreit í Aðalskipulagi Kópavogs 2019-2040, verslunar og þjónustu (VÞ-18) og yfir á opið svæði (OP)
Meðfylgjandi eru uppdráttur í mælikvarða 1:1000 og skýringarmynd í mkv. 1:300
Á fundi skipulagsráðs 5. september 2022 var afgreiðslu frestað.

Lögð fram að nýju tillaga Garðars Snæbjörnssonar arkitekts fh. lóðarhafa dags. 20. júní 2022 að breyttu deiliskipulagi lóðarinnar nr. 10 við Jöklalind. Á lóðinni er í gildi deiliskipulagið "Vesturhluti Fífuhvammslands - Íbúðasvæði norðan Fífuhvammsvegar," samþykkt í bæjarstjórn 15. ágúst 1995 m.s.br. og staðfest af skipulagsstjóra ríkisins 12. september 1995. Í breytingunni felst að breyta og stækka núverandi byggingarreit til austurs um 38,6 m² og koma þar fyrir tveggja herbergja aukaíbúð 52 m² að stærð, á einni hæð. Aðkoma að umræddri íbúð er á suðurhlið.
Uppdrættir í mælikvarða 1:100 og 1:500 ásamt greinargerð dags. 22. júní 2022.
Á fundi skipulagsráðs 5. september 2022 var framlagðri tillögu hafnað með sex atkvæðum gegn atkvæði Theódóru S. Þorsteinsdóttur og vísað til afgreiðslu bæjarráðs og bæjarstjórnar. Á fundi bæjarstjórnar 13. september var erindinu vísað til skipulagsráðs til frekari rýni.

Lögð fram fyrirspurn lóðarhafa dags. 5. september 2022 um breytingu á deiliskipulagi lóðarinnar Vatnsendablettur Gilsbakki. Í breytingunni felst að aukahúsi er komið fyrir á norðvesturhluta lóðarinnar fyrir vinnustofur, aukaíbúð og bílgeymslu samtals um 85-100 m² að flatarmáli. Á lóðinni er fyrir einbýlishús 175,7 m² að flatarmáli og vinnuskúr.

Lögð fram fyrirspurn lóðarhafa dags. 8. september 2022 um breytingu á deiliskipulagi lóðarinnar nr. 1 við Bollasmára. Í breytingunni felst að núverandi einbýlishúsi á lóðinni verði skipt í tvær eignir, með sitthvoru fasteignanúmerinu. Ein íbúð yrði á hvorri hæð hússins.

Lögð fram fyrirspurn Emils Þórs Guðmundssonar byggingartæknifræðings f.h. lóðarhafa dags. 5. september 2022, þar sem óskað er eftir afstöðu skipulagsráðs til breytingar á deiliskipulagi lóðarinnar nr. 18 við Dalveg.
Fyrirspurnin varðar matshluta 02 á norðurhluta lóðarinnar. Núverandi bygging er að að hluta á tveimur hæðum og að hluta á þremur hæðum. Í breytingunni felst að byggð yrði þriðja hæðin ofan á þann hluta sem í dag er tvær hæðir. Aukið byggingarmagn á loðinni yrði því 1.124 m² og byggingarmagn myndi aukast úr 8.646,4 m² í 9.780 m². Nýtingarhlutfall á lóðinni eykst úr 0,4 í 0,5.
Meðfylgjandi: Skýringaruppdrættir dags. 10. ágúst 2022 í mkv. 1:100.

Lögð fram að nýju fyrirspurn lóðarhafa dags. 15. júní 2022 um fjölgun bílastæða um eitt á norðausturhluta lóðarinnar nr. 11 við Fífuhjalla.
Á fundi skipulagsráðs 15. ágúst sl. var afgreiðslu fyrirspurnarinnar frestað.

Lögð fram að nýju fyrirspurn frá Hákoni Gunnarssyni dags. 8. ágúst 2022 um fyrirhugaðar framkvæmdir í Miðbæ Kópavogs. Nánar til tekið um framkvæmdatíma og áfangaskiptingu í samráði við hagsmunaaðila, tímaáætlanir samráðsferlis og framkvæmda. Jafnframt þess sem spurst er fyrir um afstöðu Kópavogsbæjar til hugsanlegrar skaðabótaskyldu bæjarins ef til tjóns kæmi sem rekja mætti til framkvæmdanna.
Á fundi skipulagsráðs 15. ágúst 2022 var afgreiðslu frestað og fyrirspurninni vísað til umsagnar umhverfissviðs.
Þá lögð fram umsögn sviðsstjóra umhverfissviðs dags. 31. ágúst 2022.