Lista- og menningarráð

Lagt fram.

Bókun:
"Ráðið óskar eftir að lokaskýrsla starfshópsins komi til umsagnar hjá lista- og menningarráði áður en hún verður til umræðu í bæjarstjórn."

Bókun:
"Fulltrúar Vina Kópavogs, Samfylkingar, Viðreisnar og Pírata ítrekar ósk frá fundi ráðsins í október (fundur 157, málsnúmer 23052152) „Ráðið óskar eftir kynningu frá forstöðumanni bókasafnsins og forstöðumanni UT vegna forsögu um kaup á bókaboxi og kostnaði sem því fylgir. Við biðjum um að svör fáist einnig skriflega."

Bókun:
"Áheyrnarfulltrúar Pírata, Vina Kópavogs og Samfylkingar benda á að Héraðsskjalasafn Kópavogs er enn á borði ráðsins samkvæmt erindisbréfi og telja mjög miður að Lista- og menningarráð hafi ekki verið með í ráðum áður en bæjarráð samþykkti að reka Héraðsskjalavörð, að ráðið hafi ekki fengið kynningu á stöðu Héraðsskjalasafnsins á fundinum, og að ekki hafi fengist upplýsingar um að ekki yrði orðið við beiðni um að fá bæjarritara/verðandi héraðsskjalavörð á fund ráðsins til að fara yfir stöðuna og svara spurningum fyrr en 20 klukkutímum fyrir fund. Enn og aftur er ráðinu haldið utan við mál er falla undir það."

Lista- og menningarráð samþykkir að veita Gerðarsafni styrk að upphæð kr. 650.000,-.

Lista- og menningarráð lýsir yfir ánægju sinni með dagskrá 17. júní 2024.

Lista- og menningarráð samþykkir að veita Graffiti á Íslandi styrk að upphæð kr. 400.000. Forstöðumanni menningarmála er falið að fylgja málinu eftir.

Samþykkt að vísa málinu til umsagnar bæjarritara.

Samþykkt að vísa málinu til bæjarritara.

Samþykkt að vísa málinu til umsagnar bæjarritara.

Samþykkt að vísa málinu til umsagnar bæjarritara.

Bókun Árna Péturs Árnasonar:
"Með vísan til 13. gr. laga 77/2014 um Opinber skjalasöfn og fullyrðinga bæjarritara í greinargerð sem fylgdi lið 7 á bæjarráðsfundi 2.5.23, þess efnis að Héraðsskjalasafn Kópavogs hafi ekki verið lagt niður og að starfsemi sé í lágmarki, og með tilliti til þess að dyrum safnsins hefur verið lokað almenningi, óskar áheyrnarfulltrúi Pírata eftir skýringum á því hvernig allar skyldur opinberra skjalasafna samræmast fullyrðingum bæjarritara og ástandinu á Héraðsskjalasafni. Í því samhengi vekur undirritaður athygli á svörum bæjarlögmanns við fyrirspurn undirritaðs frá 22. mars. Undirritaður spyr og einnig hvernig tryggt sé að uppfylling lágmarksskyldna falli ekki niður.
Áheyrnarfulltrúi Pírata óskar einnig eftir skýringum á því hvers vegna og hvernig tveimur eftirlits- og stjórnsýsluaðilum, þ.e. Héraðsskjalasafni Kópavogs og Þjóðskjalasafni, er ætlað að sinna hver um sig einungis hluta af skyldum eins opinbers skjalasafns, og á hvaða lagagrunni sú ráðstöfun er byggð."

Samþykkt að vísa málinu til umsagnar bæjarritara.

Bókun:
"Fulltrúar Pírata, Vina Kópavogs, Viðreisnar og Samfylkingar óska eftir kostnaðaráætlun vegna frágangs og flutnings safnkosts Héraðsskjalasafns í Þjóðskjalasafn."

Bæjarlistamaður Kópavogs 2024 er slagverksleikarinn og tónskáldið Kristofer Rodríguez Svönuson. Tilnefningin fór fram við hátíðlega athöfn í Salnum kl. 11 að viðstöddum fulltrúum úr lista- og menningarráði, starfsfólki menningarhúsanna og vinum og vandamönnum listamannsins. Lista- og menningarráð óskar Kristofer innilega til hamingju með tilnefninguna og lýsir yfir mikilli ánægju með metnaðarfullt menningarstarf sem hann hyggst leiða innan Kópavogsbæjar.