Jafnréttisvikan gekk mjög vel. Allir atburðir vel sóttir og Árni Páll Árnason félags- og tryggingamálaráðherra kom á lokaatburðinn. Jafnréttisráðgjafi skrifaði frétt á vef bæjarins sem ekki hefur birst.
Jafnréttisnefnd er ánægð með samstarfið við Menntaskólann í Kópavogi og vonast eftir áframhaldandi samstarfi.
Jafnréttisviðurkenning verður afhent miðvikudaginn 12. maí, á Kópavogsdögum. Auglýst hefur verið eftir tilnefningum. Fá aðila sem hafa fengið viðurkenningu að fjalla um þeirra jafnréttisstarf.
19. mars var lokaskýrsla þróunarverkefnisins Jafnrétti í skólum, kynnt á fundi í menntamálaráðuneytinu. Menntamálaráðherra lagði áherslu á að verkefninu lyki ekki hér með, heldur væri fyrsta áfanga lokið. Hörðuvallaskóli og Smárahvammur tóku þátt fyrir hönd Kópavogsbæjar og þakkar nefndin þeim góða vinnu og samstarfið í verkefninu.
Fundi slitið - kl. 18:15.
