Jafnréttis- og mannréttindaráð

Áframhaldandi vinna að stefnu í málefnum fólks af erlendum uppruna.

Lagt fram svar innkaupadeildar við fyrirspurn ráðsins.

Jafnréttis- og mannréttindaráð ítrekar mikilvægi þessi að leik- og grunnskólar Kópavogsbæjar miðli upplýsingum á fleiri tungumálum en einungis íslensku. Samkvæmt svari má ráða að langt sé í land. Jafnréttis- og mannréttindaráð vill benda á nauðsyn þess að öll upplýsingagjöf sé aðgengileg öllum bæjarbúum óháð íslenskukunnáttu.

Sem dæmi má nefna að aðeins fjórir af tíu grunnskólum eru með enska þýðingu eða þýðingu á fleiri tungumálum á vefsíðu sinni. Það er ákallandi að allir skólar bæjarins bjóði upp á slíka þýðingu á sinni vefsíðu, a.m.k. enska þýðingu. Nauðsynlegt er að slík þýðing sé yfirfarin af einstaklingi með full völd á viðkomandi tungumáli.