Íþróttaráð

Á fundinn mætti Ævar Ólafsson, rekstrarfulltrúi á menntasviði og kynnti nýtingu frístundastyrks fyrir árið 2023 ásamt þróun styrksins síðustu ár.

Lagt fram yfirlit íþróttadeildar yfir reiknaða leigu vegna afnota íþróttafélaga í Kópavogi af íþróttamannvirkjum bæjarins árið 2023.

Yfirlitið er á grundvelli reglna íþróttaráðs um afnot af íþróttamannvirkjum frá 2015. Á móti reiknaðri leigu kemur styrkur frá íþróttaráði að sömu fjárhæð til viðkomandi íþróttafélags, sem skal færa sem styrk á móti reiknaðri leigu í ársreikningum félaganna.

Reiknuð leiga vegna 2023 er að upphæð 1.596.699.895,- kr. og skiptist hún eftirfarandi á íþróttafélögin:

Breiðablik 643.652.146, HK 616.930.520, Gerpla 271.647.912, Hvönn 8.659.452, Glóð 3.222.858, Stálúlfur 18.171.519, Ísbjörninn 11.290.047, Knattspyrnufélag Kópavogs 596.504, Knattspyrnufélagið Miðbær 495.466, Golfklúbbur Kópavogs og Garðabæjar 9.093.156, Skotíþróttafélag Kópavogs 9.771.898 og Íþróttafélagið Ösp 3.168.419.

Deildarstjóri íþróttadeildar kynnti samantekt.

Lagður fram rammi að æfingatöflum fyrir veturinn 2024-2025.

Lögð fram samantekt á úthlutun ferðastyrkja á árinu 2023.

Lögð fram samantekt íþróttadeildar yfir breytingar á æfingagjöldum íþróttafélaga/-deilda, milli áranna 2022/2023 og 2023/2024 sem unnið var úr innsendum upplýsingum frá félögunum.

Lögð fram samantekt íþróttadeildar á umfangi og kostnaði við sumarnámskeið íþrótta- og æskulýðsfélaga í Kópavogi sumarið 2023. Jafnframt lagðar fram skýrslur félaganna vegna námskeiðanna.

Eftirfarandi málefni íþróttahátíðar tekin til umræðu að ósk Einars Þorvarðarsonar:



1.
Reglur um kosningu á sjálfboðaliða ársins.

2.
Er ástæða til að breyta kosningu á íþróttamanni, konu og kvár.

3.
Kostnaður vegna íþróttahátíðar Kópavogs, samnaburður áranna 2023

og 2024.