Íþróttaráð

Hlusta

138. fundur 07. desember 2023 kl. 16:00 - 18:35 á Digranesvegi 1, Vatnsenda 1. hæð

Fundinn sátu:

Sverrir Kári Karlsson, aðalmaður boðaði forföll og Guðmundur Þór Jóhannesson varamaður, sat fundinn í hans stað.
Einar Örn Þorvarðarson áheyrnarfulltrúi
Gunnar Gylfason aðalmaður
Hildur K Sveinbjarnardóttir aðalmaður
Matthías Hjartarson, aðalmaður boðaði forföll og Indriði Ingi Stefánsson vara áheyrnarfulltrúi, sat fundinn í hans stað.
Sunna Guðmundsdóttir aðalmaður
Thelma Bergmann Árnadóttir aðalmaður

Starfsmenn

Gunnar Guðmundsson starfsmaður nefndar
Jón Júlíusson íþróttafulltrúi
Anna Birna Snæbjörnsdóttir Sviðsstjóri menntasviðs
Íris Svavarsdóttir embættismaður

Fundargerð ritaði: Gunnar Guðmundsson deildarstjóri íþróttadeildar

Dagskrá

Almenn mál

1.23112004 - Niðurstöður viðhorfskönnunar Virkni og Vellíðan haustið 2023

Á fundinn mættu Eva Katrín Friðgeirsdóttir og Fríða Karen Gunnarsdóttir, verkefnastjórar Virkni og Velíðan og kynntu fyrir ráðinu niðurstöður viðhorfskönnunar verkefnisins fyrir haustið 2023.

Íþróttaráð þakkar Evu Katrínu og Fríðu Karen fyrir góða kynningu og fagnar því hve verkefnið hefur þróast vel.

Almenn mál

2.2312101 - Endurskoðun á vinnureglum varðandi greiðslu atkvæða um kjör á íþróttafólki Kópavogsbæjar

Lögð fram tillaga að endurskoðun á Vinnureglum við greiðslu atkvæða í kjöri íþróttafólks Kópavogs, sem er í samræmi við þær breytingar sem orðið hafa á Reglugerð íþróttaráðs Kópavogs um kjör á íþróttafólki Kópavogs.

Íþróttaráð samþykkir framlagðar breytingar á Vinnureglum við greiðslu atkvæða í kjöri íþróttafólks Kópavogs.

Almenn mál

3.2311478 - Íþróttafólk Kópavogs - Framkvæmd kjörsins 2023

Frá árinu 2016 hefur bæjarbúum gefist tækifæri til að taka beinan þátt í kjöri á íþróttafólki Kópavogs með rafrænni kosningu. Góð reynsla hefur verið af þessu fyrirkomulagi og er því lagt er til að unnið verði út frá sömu aðferðafræði og hingað til og í samræmi við endurskoðaðar vinnureglur.

Íþróttaráð samþykkir að unnið verði út frá sömu reglum og verið hefur sl. ár varðandi kjörið. Netkosning meðal íbúa standi yfir frá 20. desember til 6. janúar nk.

Almenn mál - umsagnir og vísanir

4.2306195 - Erindi vegna sameiginlegs frístundaraksturs Breiðabliks, Gerplu, HK og Kópavogsbæjar

Lögð fram greinargerð og tillaga varðandi rekstur frístundabíls frá menntasviði, dags. 11. nóvember 2023, en málinu var vísaði til umfjöllunar í íþróttaráði á 3153. fundi bæjarráðs með eftirfarandi bókun:

"Bæjarráð vísar erindinu til umfjöllunar íþróttaráðs".

Umræður urðu um málið.

Fundarhlé var gert kl. 16:42, fundi framhaldið kl. 16:59.

Gunnar Gylfason, fulltrúi Samfylkingar, Einar Þorvarðarson, fulltrúi Viðreisnar, Thelma Árnadóttir, fulltrúi Vina Kópavogs og Indriði Ingi Stefánsson, fulltrúi Pírata leggja fram eftirfarandi bókun.

"Það vekur furðu að meirihluti Sjálfstæðis og Framsóknarflokks ætli að auka álögur á sumar barnafjölskyldur í bænum þannig að kostnaður foreldra við þátttöku barna þeirra í íþróttum geti hækkað um rúmlega 40%.
Kópavogsbær ákvað staðsetningu íþróttamannvirkja bæjarins. Frístundaakstur er forsenda þess að nýta megi þessi mannvirki eins vel og kostur er þar sem æfingar geta hafist strax að loknum skóladegi og staðið fram á kvöld. Krafa foreldra um að börnin hafi lokið sínu frístundastarfi þegar vinnudegi foreldra lýkur er hávær, en með akstrinum má að einhverjum hluta koma til móts við þær kröfur.
Einnig er það forsenda fyrir því að hægt sé að taka á móti sem flestum börnum sem óska þess að æfa með félögunum að hægt sé að byrja æfingar sem fyrst á daginn.
Við teljum rétt að Kópavogsbær taki á sig þann hlut sem foreldrum er ætlað að greiða samkvæmt greinargerðinni".

Meirihluti íþróttaráðs leggur fram eftirfarandi bókun:

"Fulltrúum meirihlutans finnst eðlilegt að skoða hóflega gjaldtöku á frístundarvagninum sambærilegt við það sem tíðkast hjá nærliggjandi sveitarfélögum. Bærinn er eftir sem áður að niðurgreiða þjónustuna. Styrkir til íþróttafélaga í Kópavogi eru með því hæsta sem þekkist á landinu og því eðlilegt að íþróttafélögin forgangsraði þeim fjármunum að einhverju leyti í þágu frístundavagnsins.

Sunna Guðmundsdóttir
Hildur Karen Sveinbjarnardóttir
Guðmundur Jóhannesson