Íþróttaráð

Tekin fyrir að nýju umræða um æfingagjöld íþróttafélaganna í Kópavogi fyrir starfsárið 2018-2019.
Á 87. fundi ráðsins þann 3. des. sl., bókaði íþróttaráð eftirfarandi:
"Íþróttaráð telur afar mikilvægt að greinargóðar upplýsingar liggi fyrir um raunverulegar forsendur fyrir gjaldskrárbreytingum hverju sinni. Af þeirri ástæðu fer íþróttaráð fram á að íþróttadeild óski eftir frekari skýringum hjá þeim þjónustuveitendum sem voru með hækkanir umfram viðmið við fyrstu yfirferð íþróttaráðs. Þá leggur íþróttaráð áherslu á að íþróttadeild afli upplýsinga um kostnað notenda á ársgrundvelli.
Lagðar fram skýringar íþróttafélaganna á þeim gjaldskrárbreytingum sem orðið hafa frá síðasta starfsári.

Lagt fram yfirlit íþróttadeildar yfir reiknaða leigu vegna afnota íþróttafélaga í Kópavogi af íþróttamannvirkjum bæjarins árið 2018.
Það er á grundvelli reglna íþróttaráðs um afnot af íþróttamannvirkjum frá 2015.
Á móti reiknaðri leigu kemur síðan styrkur frá íþróttaráði að sömu fjárhæð til viðkomandi íþróttafélags, sem skal færa sem styrk á móti reiknaðri leigu í ársreikningum félaganna.
Reiknuð leiga vegna 2018 er að upphæð 1.085.653.068,- kr. og skiptist hún eftirfarandi á íþróttafélögin:
Breiðablik 445.563.602, HK 463.616.087, Gerpla 129.885.789, Hvönn 11.421.569, DÍK 3.115.980, Glóð 5.298.796, Stálúlfur 5.373.503, Ísbjörninn 2.071.729, Augnablik 3.141.661, Vatnaliljur 2.655.467, Golfklúbbur Garðabæjar og Kópavogs 5.710.784 og Skotíþróttafélag Kópavogs 7.798.101,- kr.

Lögð fram beiðni GKG dags. 20. jan sl., um rekstrarstyrk vegna lagningar gönguskíðabrautar á golfvellinum, en klúbburinn hefur undanfarin ár lagt slíka braut/spor við góðar undirtektir íbúa Kópavogsvogs og Garðabæjar. Sótt er um styrk að upphæð 150 þús kr. til iþróttaráðs.

Fyrsta ársþing Samstarfsvettvangs íþróttafélaga í Kópavogi(SÍK ), var haldið í Kórnum fimmtudaginn 14. febrúar sl. Frá stofnun SIK hefur verið starfandi fimm manna starfsstjórn. Í fyrstu aðalstjórn SÍK voru kosnir eftirtaldir aðilar: Jón Finnbogason formaður, Eysteinn Pétur Lárusson, Hanna Carla Jóhannsdóttir og Olga Bjarnasdóttir til 2ja ára og Guðmundur Sigurbergsson, Hólmfríður Kristjánsdóttir og Sigmundur Einar Másson til 4ja ára.

Deildarstjóri kynnti í stuttu máli stöðu mála við framkvæmdir, endurnýjun og breytingar á útigervigrasvöllum Kópavogsbæjar í Fagralundi, í Kórnum og á Kópavogsvelli.

Við afgreiðslu íþróttaráðs á síðasta fundi ráðsins og á íþróttahátíð Kópavogs vegna þátttöku í alþjóðlegum mótum, urðu þau mistök að nafn Brynjólfs Óla Karlssonar sundmanns úr Breiðabliki vantaði en hann tók þátt í Ólympíuleikum ungmenna í Buenos Aires sl. sumar.

Formaður lagði til að íþróttaráð fái kynningu á starfsemi sundlauganna.