Íþróttaráð

Formaður íþróttaráðs setti fundinn og bauð fulltrúum Breiðabliks velkomna til fundar við ráðið.
Fulltrúar Breiðabliks á fundinum voru þeir Sveinn Gíslason formaður, Kristján Jónatansson framkvæmdastjóri og Eysteinn Pétur Lárusson framkvæmdastjóri knattspyrnudeildar og verðandi framkvæmdastjóri félagsins.
Formaður Breiðabliks þakkaði boð íþróttaráðs og lýsti ánægju með að vera kominn til fundar með ráðinu. Kynnti hann ásamt framkvæmdastjórum málefni félagsins, fór yfir hvar skóinn kreppir og hverjar væru helstu áherslur er lúta að æfinga- og keppnisaðstöðu deilda félagsins.
Íþróttaráð þakkar fulltrúum Breiðabliks fyrir kynninguna sem og þá forgangsröðun sem fram kemur í erindi félagsins. Íþróttaráð mun innan tíðar fá niðurstöður frá VSÓ verkfræðistofu, sem var fengin til að greina aðstöðu og nýtingu hennar hjá Breiðablik.
Málið verður aftur til umræðu innan ráðsins þegar sú skýrsla liggur fyrir. Þá muna íþróttaráð einnig eiga fund með stjórnum HK, Gerplu, GKG og Spretts á næstu mánuðum.
Að lokum vill íþróttaráð ásamt starfsmönnum þakka Kristjáni Jónatanssyni fyrir farsælt samstarf á undanförnum áratugum og framlag hans til íþróttamála í Kópavogi, en hann mun láta af störfum á morgun 31. mars 2017.

Samanber fyrsta dagskrárlið hefur sú beiðni verið uppfyllt.

Hægt er að verða við óskum DÍK um nemendasýningu í Smáranum frá kl. 16-20, þann 30. apríl nk.

Starfsmönnum íþróttadeildar falið að kanna hvort hægt sé að koma til móts við óskir félagins og leggja tillögu um það fram á næsta fundi ráðsins.

Íþróttaráð tók undir hrósið og þakkaði forstöðumanni og hans fólki fyrir framtakið.