Framkvæmdaráð

Framkvæmdaráð samþykkir heimild til kaupa á ryksuguvélmenni fyrir sundlaug Kópavogs.

Endanlegt verð á íbúð í Fannborg 3. Lagt fram til kynningar.

Yfirlit yfir tilboð í kaup á félagslegum íbúðum lagt fram til kynningar.

Framkvæmdaráð samþykkir heimild til að auglýsa eftir tilboðum í að selja og fjarlægja gamla færanlega kennslustofu á lóðinni Álfhólsvegi 102.

Framkvæmdaráð samþykkir að boðin verði í opnu útboði gerð hjólreiðastígs frá Hlíðardalsvegi neðan við Múlalind meðfram Reykjanesbraut að mörkum Reykjavíkur.

Samþykkt að leggja slitlag og leggja lýsingu.

Framkvæmdaráð samþykkir að aðalstígur í Rjúpnahæð verði lagður slitlagi.

Framkvæmdaráð samþykkir tillögu deildarstjóra framkvæmdadeildar um framkvæmdir við Markarveg á árinu 2012.

Framkvæmdaráð samþykkir með tveimur atkvæðum að bjóða út í opnu útboði snjómokstur og hálkueyðingu á stofn-, tengi- og safngötum í Kópavogi, austan Reykjanesbrautar til þriggja ára og vestan Reykjanesbrautar til reynslu í eitt ár. Guðríður Arnardóttir greiðir atkvæði á móti.

Hjálmar Hjálmarsson bókar. Mér hefði fundist eðlilegt í því atvinnuástandi sem nú ríkir að ráða starfsmenn frekar en að bjóða verkið út.

Guðríður Arnardóttir bókar: Undirrituð telur algerlega óljóst hvort útboð af þessu tagi spari bænum fjármuni.

Tilboð í verkið bárust frá Bjössa ehf.,  kr. 5.722.000.- G.A.P. sf, kr. 5.948.250., Jarðbrú ehf., kr. 5.962.000.- og Borgargarðar ehf., kr. 6.520.500.-

Framkvæmdaráð samþykkir að taka lægsta tilboði, Bjössa ehf. í yfirborðsfrágang á plani fyrir framan Íþróttahúsið Kórinn.

Vísað til sviðsstjóra umhverfissviðs til umsagnar fyrir næsta fund framkvæmdaráðs.

Tillaga matsnefndar sem er skipuð þremur fulltrúum úr leikskólanefnd, leikskólafulltrúum og sviðsstjóra umhverfissviðs er að gengið verði til samninga við Eykt sem hafi verið með lægsta verðið.  Tillagan er samþykkt með tveimur atkvæðum. Guðríður Arnardóttir sat hjá við atkvæðagreiðslu.

Guðríður Arnardóttir bókar: Undirrituð situr hjá þar sem ekki er nægjanlega ljóst hvort tilboð Sérverks eða Eyktar sé raunverulegra lægra. Matsnefnd fór einungis yfir hönnun og teikningar og mat báða þessa aðila jafn hátt. Undirrituð hefði talið eðlilegt að endurskoða matið m.t.t. þessara tveggja aðila þar sem Sérverk er með lægra fermetraverð og stærri byggingu.

Gunnar I. Birgisson bókar: Hér hefur verið farið í einu og öllu samkvæmt reglum sem gilda um alútboð. Greinilegt er að Guðríður hefur ekki kynnt sér þær reglur.

Guðríður Arnardóttir bókar: Ég hef kynnt mér þær mjög vel.

Gunnar I. Birgisson bókar: Greinilega ekki.

Samþykkt.

Samþykkt.

Á grundvelli fyrirliggjandi umsagnar skrifstofustjóra umhverfissvið leggur framkvæmdaráð til að lóðarhöfum, Lindar ehf. og Raftækjasölunni ehf. verði heimilað að framselja lóðarréttindi Austurkór 133-141 til Kórinn byggingafélag ehf. Samþykkt með tveimur atkvæðum. Guðríður Arnardóttir sat hjá.

Guðríður Arnardóttir bókar: Undirrituð hefur ekki fengið viðeigandi skýringar hvers vegna ætti að vera réttlætanlegt að heimila framsal á lóðinni.

Samþykkt.  

Hlé var gert á fundi kl. 8.45 undir þessum lið.

Fundur hófst aftur kl. 8.50.

Frestað. Í samræmi við bókun bæjarráðs frá 23. ágúst sl. skal vekja athygli á lóðinni á heimasíðu bæjarins.

Á grundvelli umsagnar skrifstofustjóra umhverfissviðs leggur framkvæmdaráð til við bæjarráð að veðsetning lóðanna verði heimiluð.

Frestað.

Útboð verður opnað í dag. Framkvæmdaráð leggur til að málinu verði vísað til bæjarráðs.