Frá heilbrigðisráðuneyti, lögð fram uppfærð drög að samningi vegna byggingar hjúkrunarheimilis í Boðaþingi ásamt fylgiskjölum.
Bæjarráð samþykkti á fundi sínum þann 12. nóvember sl. að vísa samningnum til afgreiðslu bæjarstjórnar með bókun í fylgiskjali 3 svo breyttri. Bókun bæjarráðs: "Kópavogsbær lýsir yfir ánægju með að samningar um stækkun hjúkrunarheimilis að Boðaþingi skuli vera að takast en vill þó árétta, með vísan til bókunar svo breyttri í fylgiskjali 3 með samningi, að málefni aldraðra eru á hendi ríkisins og þar með talinn rekstur hjúkrunarheimilisins. Kópavogsbær er eftir sem áður reiðubúinn að standa við að greiða 15% hluta byggingarkostnaðar. Aukinheldur leggur Kópavogsbær til lóð að verðmæti um 200 m.kr. undir hjúkrunarheimilið. Þá mun nýja hjúkrunarheimilið tengjast þjónustumiðstöð sem þegar hefur verið byggð og kostuð af Kópavogsbæ við fyrri áfanga þess. Þar sem skipulag svæðisins liggur fyrir er ekkert að vanbúnaði að hefja uppbyggingu nú þegar."
Bókun:
"Framsóknarflokkurinn fór mikinn í greinaskrifum fyrir síðustu kosningar og sló pólitískar keilur í allar áttir með því að halda því fram að Sjálfstæðisflokkinn og Bjarta framtíð skorti pólitíska forystu til að knýja málið áfram. Skrifað gegn betri vitund. Fulltrúi flokksins, Birkir Jón Jónsson lagði til að Kópavogsbær ætti að höggva á hnútinn og taka yfir hönnun og framkvæmd við hjúkrunarheimilið af því það væri óásættanlegt að horfa upp á núverandi stöðu mála. Hann hélt því m.a. fram að framsóknarmenn myndu taka af skarið fengju þeir umboð til þess frá íbúum Kópavogs. Hin pólitíska forysta framsóknarmanna var ekki meiri en svo að frá því þeir tóku að sér pólitíska forystu hjá Kópavogsbæ þá hefur verkefninu seinkað enn frekar. Undirrituð fagnar því að ríkið taki nú af skarið og fari strax í að reisa hjúkrunarheimili við Boðaþing enda er málaflokkurinn á hendi ríkisins."
Theódóra S. Þorsteinsdóttir
Ragnhildur Reynisdóttir
Bókun:
"Á undanförnum árum hafa óskir borist frá ungu fólki í Kópavogi um sólahringsþjónustu vegna lömunar og eða mikillar færniskerðingar þar sem þjónustuþörf er fyrirliggjandi.
Óskir þessa fólks eiga það sameiginlegt að ekkert þeirra getur hugsað sér að fá þjónustu með mun eldra fólki á hjúkrunarheimilum.
Við teljum því brýnt að horft verði til þessara einstaklinga við hönnun hjúkrunarheimilisins þar sem tekið væri tillit til félagslegra og tilfinningalegra þátta þessara skjólstæðinga um leið og almenn og sértæk þjónusta væri tryggð."
Guðmundur Geirdal
Karen Elisabet Halldórsdóttir.
Bókun:
"Ég tek undir bókun Guðmundar og Karenar."
Margrét Friðriksdóttir
Bókun:
"Ég tek undir bókun Guðmundar og Karenar."
Bergljót Kristinsdóttir
Bókun:
"Ég tek undir bókun Guðmundar og Karenar."
Pétur H. Sigurðsson.
Bókun:
"Ég tek undir bókun Guðmundar og Karenar."
Theódóra S. Þorsteinsdóttir.
Bókun:
"Ég tek undir bókun Guðmundar og Karenar."
Birkir Jón Jónsson.
Bókun:
"Ég tek undir bókun Guðmundar og Karenar."
Ragnhildur Reynisdóttir.
Bókun:
"Ef til stendur að byggja upp stofnanaúrræði fyrir fatlað fólk er mikilvægt að það sé gert í samráði við notendur og tryggt að það komi ekki niður á frelsi þeirra til þess að velja hvers konar þjónustu það kýs að þiggja."
Sigurbjörg E. Egilsdóttir
Fundarhlé hófst kl. 17:22, fundi fram haldið kl. 17:35.
Bókun:
"Ég tek undir bókun Sigurbjargar E. Egilsdóttur."
Pétur H. Sigurðsson.
Bókun bæjarstjórnar:
"Bæjarstjórn Kópavogs lýsir yfir ánægju með að loks skuli vera að komast á samningur milli Kópavogsbæjar og heilbrigðisráðuneytisins um byggingu 64 hjúkrunarrýma við Boðaþing. Hjúkrunarrýmin eru kærkomin viðbót við þau 44 hjúkrunarrými sem ríkið rekur nú þegar í Boðaþingi og koma til með að leysa úr brýnni þörf fjölda þeirra sem eru á biðlista eftir hjúkrunarrýmum."