Umræður um niðurstöður starfshóps um heildarlausn úrgangsmála á höfuðborgarsvæðinu að beiðni Samfylkingar, BF Viðreisnar og Pírata, þar sem markmiðið er að draga fram stefnu höfuðborgarsvæðisins við meðhöndlun úrgangs, stefnu Kópavogs um sama efni og hvort þær áherslur séu í samræmi við nýja stefnu umhverfis- og auðlindaráðherra er varðar hringrásarhagkerfið sem nú er í umsagnarferli. Jafnframt að ræða hvaða leið sé fær til þess að mótuð verði sameiginleg stefna á höfuðborgarsvæðinu fyrir meðhöndlun úrgangs.
Sigurbjörg Erla Egilsdóttir lagði fram eftirfarandi bókun:
"Markmið samkomulagsins eru góð, uppbygging innviða sem stuðlar að aukinni notkun virkra ferðamáta er eitt mikilvægasta verkefnið sem við stöndum frammi fyrir. Það varðar bæði loftslagið, lýðheilsu og lífsgæði íbúa á höfuðborgarsvæðinu. Margt er þó enn óútfært í samkomulaginu og óljóst hvað samþykki þess felur í sér, enda höfðu bæjarfulltrúar enga aðkomu að gerð þess og leynd ríkir um feril þess og áherslur þeirra sem komu að því. Opnara ferli hefði gefið fleirum tækifæri á aðkomu, sem hefði líklega leitt til betri afurðar ásamt því að auka traust, bæði til samkomulagsins og stjórnmála í heild. Mikilvægt er að útfærsla "sérstakrar fjármögnunar"! í samkomulaginu verði opnari og aðgengilegri en samningaferlið var. Gert er ráð fyrir að þessi hluti fjármögnunarinnar geti verið með ýmsum hætti eftir því hver vilji Alþingis kann að vera, að því gefnu að það samræmist markmiðum samkomulagsins. Mestu máli skiptir að í þeirri útfærslu verði ekki vegið að þeim tekjulægstu í samfélaginu né að friðhelgi einkalífs.
Sigurbjörg Erla Egilsdóttir"
Undirritaðir bæjarfulltrúar lögðu fram eftirfarandi bókun:
"Undirrituð styðja samkomulag ríkis og sveitafélaga á höfuðborgarsvæðinu sem mun hraða nauðsynlegum framkvæmdum á öllu höfuðborgarsvæðinu. Markmiðið er að stuðla að auknum lífsgæðum með skilvirkum samgöngubótum. Tekið er undir það sjónarmið sem kemur fram í samkomulaginu að álögur verði ekki umfram almennan ávinning notanda af þessari hröðun uppbyggingar. Það vekur sérstaklega ánægju að vegna þessa samkomulags að lúkning Arnarnesvegar er áætluð fyrir árslok 2021 samkvæmt tillögu að nýrri samgönguáætlun. Áhersla verður lögð á að íbúar Kópavogs verði upplýstir í ferlinu öllu sem framundan er.
Theódóra Þorsteinsdóttir, Birkir Jón Jónsson, Ármann Kr. Ólafsson, Karen Halldórsdóttir, Hjördís Ýr Johnson, Guðmundur Geirdal, Jón Finnbogason, Einar Örn Þorvarðarson"