Bæjarráð

2822. fundur 19. maí 2016 kl. 08:00 í Fannborg 2, Bæjarráðsherbergi
Fundinn sátu:
  • Theódóra S Þorsteinsdóttir formaður
  • Karen Elísabet Halldórsdóttir aðalfulltrúi
  • Hjördís Ýr Johnson aðalfulltrúi
  • Pétur Hrafn Sigurðsson aðalfulltrúi
  • Ólafur Þór Gunnarsson áheyrnarfulltrúi
  • Páll Magnússon bæjarritari
  • Pálmi Þór Másson bæjarlögmaður
  • Kristinn D Gissurarson varamaður
Fundargerð ritaði: Pálmi Þór Másson bæjarlögmaður
Dagskrá

1.16011146 - Mánaðarskýrslur 2016.

Frá bæjarritara, lagðar fram mánaðarskýrslur vegna starfsemi í febrúar og mars.
Lagt fram.

Ingólfur Arnarson fjármála- og hagsýslustjóri sat fundinn undir þessum lið.

2.1605366 - Álalind 14-16. Heimild til veðsetningar.

Frá fjármálastjóra, dags. 13. maí, lögð fram beiðni f.h. lóðarhafa Álalindar 14, Leigugarða ehf., um heimild til veðsetningar lóðarinnar.
Bæjarráð samþykkir með fimm atkvæðum að veitt verði umbeðið veðleyfi.

3.1410300 - Samkomulag um undirbúning, skipulagsvinnu og uppbyggingu Smárans.

Frá bæjarlögmanni, fulltrúar eigenda lóða á svæðinu sunnan Smáralindar (Hagasmára og Hæðasmára) munu mæta til fundar og gera grein fyrir áformuðum framkvæmdum.
Bæjarráð samþykkir að vísa málinu til bæjarstjórnar.

Steingrímur Hauksson sviðsstjóri umhverfissviðs sat fundinn undir þessum lið.

4.1605093 - Smiðjuvegur 44. Umsagnarbeiðni um rekstur ökutækjaleigu.

Frá lögfræðideild, dags. 11. maí, lögð fram umsögn um rekstur og staðsetningu ökutækjaleigu í samræmi við beiðni Samgöngustofu frá 3. maí. Umsækjandi er Vladimir Rjaby f.h. Autuplus ehf. Sótt er um rekstrarleyfi fyrir ökutækjaleigu með 5-10 bifreiðar. Sveitarstjórn staðfestir sem umsagnaraðili að aðkoma og fjöldi bílastæða henti fyrir væntanlega starfsemi og hvað staðsetningu varðar er svæðið skilgreint sem athafna- og þróunarsvæði.
Bæjarráð samþykkir umsögnina fyrir sitt leyti og staðfestir að rekstrarleyfið er í samræmi við skipulag og aðkomu á umsóttu svæði og fjöldi bílastæða nægir fyrir umsóttum fjölda ökutækja.

5.1605271 - Ályktun vegna Gróðrastöðvarinnar Markar.

Frá Garðyrkjufélagi Íslands, dags. 2. maí, lögð fram ályktun af aðalfundi félagsins að því er varðar framtíð Gróðrarstöðvarinnar Mörk.
Lagt fram.

6.1411018 - Framlög úr Jöfnunarsjóði 2015. Áætluð úthlutun, endanleg úthlutun, hreyfingalistar.

Frá Jöfnunarsjóði sveitarfélaga, dags. 10. maí, lögð fram tilkynning um endanlega úthlutun framlags úr sjóðnum vegna sérþarfa fatlaðra nemenda í grunnskólum 2016.
Bæjarráð vísar málinu til fjármálastjóra til afgreiðslu.

7.1605342 - Frumvarp til laga um grunnskóla, 675. mál. Umsagnarbeiðni.

Frá allsherjar- og menntamálanefnd Alþingis, dags. 10. maí, lagt fram til umsagnar frumvarp til laga um grunnskóla (stjórnarfrumvarp), 675. mál.
Bæjarráð vísar málinu til bæjarlögmanns til afgreiðslu.

8.1605411 - Styrkbeiðni vegna Ólympíuleika í eðlisfræði.

Frá Matthíasi Baldurssyni, dags. 17. apríl, lagt fram bréf þar sem óskað er eftir styrk vegna þátttöku á Ólympíuleikum í eðlisfræði í Sviss.
Bæjarráð vísar erindinu til bæjarritara til afgreiðslu.

9.1605270 - Frá aðalfundi Kvenfélagasambands Kópavogs 16. apríl 2016.

49. aðalfundur Kvenfélagasambands Kópavogs í 9. liðum.
Lagt fram.

10.1605003 - Forvarna- og frístundanefnd, dags. 12. maí 2016.

37. fundur forvarna- og frístundanefndar í 32. liðum.
Lagt fram.

11.1605004 - Hafnarstjórn, dags. 9. maí 2016.

103. fundur hafnarstjórnar í 2. liðum.
Lagt fram.

12.1604026 - Íþróttaráð, dags. 12. maí 2016.

59. fundur íþróttaráðs í 73. liðum.
Lagt fram.

13.1605341 - HK-vegna strandblaks aðstöðu.

Frá deildarstjóra íþróttadeildar, dags. 13. maí, lagt fram erindi HK þar sem farið er fram á að bætt verði aðstaða til iðkunar strandblaks í Fagralundi. Íþróttaráð bókaði á fundi sínum þann 12.05.2016 að það teldi rétt að bæjarráð skoðaði málið með hliðsjón af viðhaldsþörf íþróttamannvirkja í Kópavogi í áætlanagerð sinni þar sem ekki liggja fyrir fjármunir í verkefnið að svo stöddu.
Bæjarráð samþykkir að vísa erindinu til kostnaðarumsagnar sviðsstjóra umhverfissviðs.

14.1602965 - Viðhald á Kópavogsvelli

Frá deildarstjóra íþróttadeildar, dags. 13. maí, lagt fram erindi varðandi kostnað við endurbætur og viðhald á frjálsíþróttaaðstöðu á Kópavogsvelli. Íþróttaráð bókaði á fundi sínum þann 12.05.2016 að það teldi rétt að bæjarráð skoðaði málið með hliðsjón af viðhaldsþörf íþróttamannvirkja í Kópavogi í áætlanagerð sinni þar sem ekki liggja fyrir fjármunir í verkefnið að svo stöddu.
Bæjarráð samþykkir að vísa erindinu til kostnaðarumsagnar sviðsstjóra umhverfissviðs.

Fundi slitið.