Bæjarráð

Frá bæjarlögmanni, dags. 19. nóvember, lögð fram beiðni f.h. lóðarhafa Dalaþings 32, Bjössa ehf., um heimild til að framselja lóðina til Stefáns Hjalta Óskarssonar og Esterar Jóhannsdóttur.

Frá lögfræðideild, dags. 19. nóvember 2020, lagt fram bréf Sýslumannsins á höfuðborgarsvæðinu, dags. 20. október, þar sem óskað er umsagnar um umsókn Thai food BKG ehf. um rekstrarleyfi fyrir veitingastað í flokki II, að Smiðjuvegi 11, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald, sbr. 26. gr. reglugerðar nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá Jöfnunarsjóði sveitarfélaga, lögð fram ársskýrsla 2019.

Frá Umhverfisstofnun, dags. 19. nóvember, lögð fram tilkynning um að tillaga að breytingu á starfsleyfi urðunarstaðar Sorpu í Álfsnesi er komin í auglýsingu þar sem veittur er frestur til athugasemda til og með 17. desember nk.

Frá Brú lífeyrissjóði, dags. 17. nóvember, lagt fram erindi um endurgreiðsluhlutfall launagreiðenda á greiddum lífeyri í réttindasafni Lífeyrissjóðs starfsmanna Kópavogsbæjar fyrir árið 2021.

Frá SSH, dag. 17. nóvember, lögð fram fjárhagsáæltun svæðisskipulagsnefndar höfuðborgarsvæðisins sem vísað er til afgreiðslu aðildarsveitarfélaga.

Frá Slökkviliði höfuðborgarsvæðisins, dags. 24. nóvemer, lögð fram til samþykktar gjaldskrá fyrir slökkviliðið.

Frá allsherjar- og menntamálanefnd Alþingis, dags. 19. nóvemer, lagt fram til umsagnar frumvarp til laga um breytingu á lögum um skráningu einstaklinga; sveitarfélag fyrsta lögheimilis (þingmannafrumvarp).

Frá allsherjar- og menntamálanefnd Alþingis, dags. 19. nóvember, lögð fram til umsagnar þingsályktunartillaga um menntastefnu 2020-2030 (stjórnartillaga).

Frá atvinnuveganefnd Alþingis, dags. 18. nóvember, lagt fram til umsagnar frumvarp til laga um fiskeldi; vannýttur lífmassi í fiskeldi (stjórnarfrumvarp).

Frá umhverfis- og samgöngunefnd Alþingis, dags. 18. nóvember, lagt fram til umsagnar frumvarp til laga um breytingu á skipulagslögum; uppbygging innviða og íbúðarhúsnæðis (stjórnarfrumvarp).

Frá umhverfis- og samgöngunefnd Alþingis, dags. 17. nóvember, lagt fram til umsagnar frumvarp til laga um breytingu á lögum um náttúruvernd; málsmeðferð o.fl. (stjórnarfrumvarp).

Frá velferðarnefnd Alþingis, dags. 18. nóvember, lögð fram til umsagnar þingsályktunartillaga um orlofshúsnæði örorkulífeyrisþega (þingmannatillaga).

Frá velferðarnefnd Alþingis, dags. 18. nóvember, lögð fram til umsagnar þingsályktunartillaga um búsetuöryggi í dvalar- og hjúkrunarrýmum (þingmannatillaga).

Fundargerð í 13 liðum.

Fundargerð 113. fundar í 2 liðum.

Fundargerð í 7 liðum.

Fundargerð í 24 liðum.

Fundargerð í 8 liðum.

Fundargerð í 5 liðum.

Fundargerð í 4 liðum.

Fundargerð í 3 liðum.

Fundargerð 74. fundar í 13 liðum.

Frá velferðarráði, drög að reglum um ferðaþjónustu aldraðra lögð fram til afgreiðslu.

Frá bæjarfulltrúa Sigurbjörgu Erlu Egilsdóttur, óskað er eftir upplýsingum um stöðu á gerð viðbragðsáætlunar til að draga úr loftmengun í samræmi við lög um hollustuhætti og mengunarvarnir.

Frá bæjarfulltrúa Sigurbjörgu Erlu Egilsdóttur, fyrirspurn um stöðu samræmdra aðgerða um eftirlit og utanumhald um búsetu í ófullnægjandi húsnæði.

Frá bæjarfulltrúa Theódóru S. Þorsteinsdóttur, lögð fram fyrirspurn varðandi umferðarstýringu á höfuðborgarsvæðinu skv. samgöngusáttmála, sem óskað er eftir að tekið verði á dagskrá stjórnar SSH.