Bæjarráð

Frá sviðsstjórum mennta-, stjórnsýslu- og umhverfissviðs, dags. 19. maí, lögð fram umsögn vegna erindis HK þar sem óskað var eftir úrbótum á gervigrasvelli við Kórinn. Lagt er til að bæjarráð heimili umhverfissviði að hefja undirbúning framkvæmda við tengingu hitakerfis og flóðlýsingar við Kór og samþykki að þær verði boðnar út.

Frá sviðsstjóra umhverfissviðs, dags. 22. maí, lagt fram erindi er varðar gervigras á Kópavogsvöll og völl við Fagralund.

Frá lögfræðideild, dags. 22. maí, lagt fram bréf Sýslumannsins á höfuðborgarsvæðinu, dags. 15. nóvember 2017, þar sem óskað er umsagnar um umsókn Vals Kristjárnssonar ehf., kt. 700514-0720, um nýtt rekstrarleyfi til að mega reka gististað í flokki II, að Birkigrund 57, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé utan þeirra marka sem reglur og skipulag sveitarfélagsins segja til um.

Frá lögfræðideild, dags. 22. maí, lagt fram bréf Sýslumannsins á höfuðborgarsvæðinu, dags. 8. febrúar, þar sem óskað er umsagnar um umsókn SMH Gróðurhúsa ehf., kt. 421104-2040, um nýtt rekstrarleyfi til að mega reka gististað í flokki II, að Víghólastíg 10, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé utan þeirra marka sem reglur og skipulag sveitarfélagsins segja til um.

Frá sérfræðingi lýðheilsumála, dags. 27. apríl, lögð fram stöðuskýrsla varðandi lýðheilsu í Kópavogi.

Frá Kjörstjórn Kópavogs, dag. 23. maí, lagt fram erindi er varðar breytingar á starfsmönnum kjördeilda vegna sveitarstjórnarkosninganna 26. maí 2018

Jafnframt er lagt til að Helgi Jóhannsson fari í hverfiskjörstjórn í Smárann.

Frá formönnum Gerplu, HK og Breiðabliks, lagt fram erindi er varðar tilraunaverkefni félaganna þriggja í heilsueflingu eldri borgara. Verkefnið er unnið í samstarfi við UMSK og UMFÍ.

Frá Leifi Reynissyni, dags.30. apríl, lagt fram erindi þar sem óskað er eftir styrk til að gefa út efni um upphafsár byggðar í Kópavogi.

Frá stjórn Reykjanesfólksvangs, dags. 15. maí, upphæð framlags Kópavogsbæjar til Reykjanesfólksvangs fyrir 2018, kr. 1.269.574,-.

Fundargerð í 7 liðum.
Jafnframt eru lögð fram 6 fylgiskjöl : "Árshlutauppgjör Strætó bs. 31. mars 2018", "Kynning á árshlutauppgjöri 31. mars 2018, dagsett 4. maí 2018", "Minnisblað um vetnisverkefnið JIVE2, dagsett 2. maí 2018", "Kynning Maas, dagsett 4. maí 2018", "Þjónustukönnun Akstursþjónusta fatlaðs fólks 2018" og "Akstursþjónusta fatlaðs fólks - greinagerð 8. maí 2018".

Fundargerð í 4 liðum.
Jafnframt er lagt fram 1 fylgiskjal : "Framvindumat vegna samnings um eflingu almenningssamgangna, apríl 2108, kynning Mannvits 27. apríl 2018.

Fundargerð í 6 liðum.

Fundargerð í 4 liðum.

Frá Theódóru Þorsteinsdóttur, formanni bæjarráðs, ósk um að bæjarráð taki að nýju fyrir tillögu íþróttaráðs um utanhúss merkingar íþróttamannvirkja Kópavogsbæjar og auglýsingar í þeim, en bæjarráð vísaði tillögum um auglýsingar í mannvirkjun til úrvinnslu samráðsvettvangs íþróttafélaganna á fundi sínum þann 1. mars sl.