Bæjarráð

2872. fundur 01. júní 2017 kl. 07:30 - 09:30 á Digranesvegi 1, bæjarráðsherbergi - Drangey
Fundinn sátu:
  • Theódóra S Þorsteinsdóttir formaður
  • Karen Elísabet Halldórsdóttir varaformaður
  • Hjördís Ýr Johnson aðalfulltrúi
  • Pétur Hrafn Sigurðsson aðalfulltrúi
  • Ólafur Þór Gunnarsson aðalfulltrúi
  • Birkir Jón Jónsson áheyrnarfulltrúi
  • Ármann Kristinn Ólafsson bæjarstjóri
Starfsmenn
  • Páll Magnússon bæjarritari
Fundargerð ritaði: Páll Magnússon bæjarritari
Dagskrá

Ýmis erindi

1.17051624 - Beiðni um styrk vegna Hjartadagshlaups

Frá Hjartavernd, lögð fram umsókn um styrk að fjárhæð kr. 500.000.-. fyrir Hjartadagshlaupinu sem verður haldið þann 23. september 2017 í tilefni af Alþjóðlega hjartadeginum.
Bæjarráð vísar erindinu til bæjarritara til afgreiðslu.

Erindi frá bæjarfulltrúum

2.17051880 - Fyrirspurn bæjarfulltrúa varðandi málshraða

Tillaga frá Ólafi Þór Gunnarssyni, bæjarfulltrúa, um málshraða.

Bæjarráð samþykkir að fela bæjarritara og bæjarlögmanni að móta tillögur um málsmeðferð þeirra mála sem bæjarfulltrúar leggja fram í ráðum og nefndum bæjarins. Þá verði einnig mótaðar reglur um tíma sem tekur að svara málum hvort heldur fyrirspurnir beinast að embættismönnum eða kjörnum fulltrúum. Þá verði einnig gerðar tillögur um form svara sem lögð eru fram við formlegum fyrirspurnum.

Greinargerð: Bæjarfulltrúar hafa m.a. það hlutverk að vekja athygli á málum innan bæjarins, veita öðrum kjörnum fulltrúum aðhald og kalla eftir upplýsingum um mál sem eru til umræðu. Upplýsingaöflun sem þessi er oft nauðsynleg til að varpa ljósi á mál, bæta ákvarðanatöku og veita bæjarbúum upplýsingar um hvernig bænum er stjórnað. Eftir atvikum geta slíkar upplýsingar komið frá kjörnum fulltrúum eða embættismönnum og stundum getur ytri upplýsingaöflun verið nauðsynleg. Það er ekki óeðlilegt að einhver viðmið séu um málshraða. Slíkt hjálpar bæjarfulltrúum að skipuleggja störf sín og auðveldar þeim að rækja skyldur sínar gagnvart bæjarbúum.
Bæjarráð frestar afgreiðslu tillögunnar.

Erindi frá bæjarfulltrúum

3.17051881 - Fyrirspurn bæjarfulltrúa varðandi hjólreiðaáætlun og uppbyggingu hjólreiðastíga

Fyrirspurn frá Ólafi Þór Gunnarssyni, bæjarfulltrúa.

Hver er staðan á hjólreiðaáætlun Kópavogsbæjar og uppbyggingu hjólreiðastíga?

Mikilvægi vistvænna samgangna eykst sífellt og eigi Íslendingar að ná markmiðum sínum í loftslagsmálum þurfa allir opinberir aðilar og almenningur að leggja sitt af mörkum. Hjólreiðar verða sífellt stærri þáttur í daglegum samgöngum, einkum í þéttbýli, og því mikilvægt að áætlunum sé fylgt og þær gerðar. Sérstakir hjólreiðastígar eru enn sem komið er á örfáum stöðum í Kópavogi.
Lagt fram.

Ármann Kr. Ólafsson, bæjarstjóri, lagði fram eftirfarandi bókun:
"Síðan 1990 hafa verið lagðir u.þ.b. 100 km. af stígum í Kópavogi sem nýtast bæði fyrir hjólandi og gangandi.
Ármann Kr. Ólafsson"

Fundargerðir nefnda

4.1705016F - Velferðarráð - 10. fundur frá 22.05.2017

Fundargerð í 7. liðum.
Lagt fram.

Fundargerðir nefnda

5.17051799 - Fundargerð 265. fundar stjórnar Strætó bs. frá 12.05.2017

Fundargerð í 3. liðum.
Lagt fram.

Fundargerðir nefnda

6.17051023 - Fundargerð 443. fundar stjórnar SSH frá 8. maí 2017

Fundargerð í 4.liðum.
Lagt fram.

Fundargerðir nefnda

7.1705982 - Fundargerð 375. fundar stjórnar Sorpu frá 12.05.2017

Fundargerð í 3.liðum.
Lagt fram.

Fundargerðir nefnda

8.17051677 - Fundargerð 850. fundar stjórnar Sambands íslenskra sveitarfélaga

Fundargerð í 49. liðum.
Lagt fram.

Fundargerðir nefnda

9.1705013F - Skipulagsráð - 9. fundur frá 29.05.2017

Fundargerð í 17. liðum.
Lagt fram.
  • 9.5 1703844 Mánabraut 7. Kynning á byggingarleyfi.
    Lagt fram að nýju að lokinni kynningu erindi Jakobs Líndal arkítekts dags. 23. febrúar 2017 fh. lóðarhafa lóðar nr. 7 við Mánabraut þar sem sótt er um stækkun á húsi um 49,2 m2. Í breytingunni felst hækkun þaks og gólfs í bílskúr um 50 cm. auk stækkunar til suðurs og norðurs, húsið stækkað til suðurs og verður að hluta til stofa og herbergi, fyrirkomulag innanhúss endurskipulagt og steyptur nýr stigi niður í kjallara auk þess að þakskyggni húss yrði framlengt fram yfir núverandi bílskúr að norðanverðu og að hluta að sunnanverðu yfir nýjan sólpall. Uppdráttur í mkv. 1:100, 1:1200 og 1:1500 ásamt skýringarmyndum og erindi dags. 23. febrúar 2017. Skipulagsráð samþykkir með tilvísan í 44. gr. skipulagslaga nr. 123/2010 að grenndarkynna ofangreinda breytingu fyrir lóðarhöfum Mánabrautar 5, 6, 8, 9 og Sunnubrautar 6 og 8. Athugasemdafresti lauk 5. maí 2017. Athugasemd barst frá lóðarhöfum Mánabrautar 9 dags. 4. maí 2017. Lagt fram undirritað samkomulag lóðarhafa Mánabrautar 7 og 9 dags. 12. maí 2017. Þá lögð fram umsögn skipulags- og byggingardeildar dags. 23. maí 2017. Niðurstaða Skipulagsráð - 9 Samþykkt. Vísað til afgreiðslu bæjarráðs og bæjarstjórnar. Niðurstaða Bæjarráð vísar málinu til bæjarstjórnar.
  • 9.6 1608511 Jórsalir 12. Breytt deiliskipulag.
    Lögð fram að nýju tillaga Guðmundar Gunnlaugssonar arkítekts fyrir hönd lóðarhafa Jórsala 12 þar sem óskað er eftir að setja kvist í þak í norður og byggja við þak á vesturgafl. Uppdrættir í mælikvarðanum 1:500 og 1:100, dags. 15. júní 2011. Skipulagsnefnd samþykkti 15. ágúst 2016 með tilvísan í 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Jórsölum 6, 8, 10, 14 og Logasölum 9. Lagður fram uppdráttur móttekinn 18. maí 2017 með undirrituðun ofangreindra lóðarhafa sem gera ekki athugasemd við breytinguna. Niðurstaða Skipulagsráð - 9 Samþykkt. Vísað til afgreiðslu bæjarráðs og bæjarstjórnar. Niðurstaða Bæjarráð vísar málinu til bæjarstjórnar.
  • 9.8 1701362 Hólmaþing 5 og 5b. Breytt deiliskipulag.
    Lagt fram að nýju að lokinni kynningu erindi Björns Árdal, lóðarhafa Hólmaþingi 5 dags. 13. janúar 2017 þar sem óskað er eftir að skipta 3.165 m2 lóð að Hólmaþingi 5 í tvær lóðið. Hólmaþing 5 verður eftir breytingu 2.020 m2 og lóðin að Hólmaþingi 5b verður 1.145 m2. Ný aðkoma er gerð að Hólmaþingi 5 sem færist frá Hólmaþingi að Gulaþingi. Á lóðinni að Hólmaþingi 5 verður byggingarréttur óbreyttur en á lóðinni Hólmaþingi 5b er gert ráð fyrir einbýlishúsi á einni hæð auk kjallara. Grunnflötur er áætlaður 136 m2 og samanlagður gólfflötur 272 m2. Gert er ráð fyrir þremur bílastæðum á lóð. Aðkoma yrði óbreytt sbr. gildandi deiliskipulag þ.e. milli Hólmaþing 3 og 7. Uppdrættir í mkv. 1:2000 ásamt skýringarmyndum og greinargerð dags. 13. janúar 2017. Skipulagsráð samþykkti erindið með tilvísan í 1. mgr. 43. gr. skipulagslaga nr. 123/2010 að auglýsa ofangreinda tillögu. Athugasemdafresti lauk 3. apríl 2017. Ábendingar og athugasemdir bárust. Þá lögð fram umsögn um athugasemdir og ábendingar sem bárust á kynningartíma, dags. 15. maí 2017.
     Niðurstaða Skipulagsráð - 9 Samþykkt. Vísað til afgreiðslu bæjarráðs og bæjarstjórnar. Niðurstaða Bæjarráð vísar málinu til bæjarstjórnar.
  • 9.9 1703870 Faldarhvarf 11-13. Breytt deiliskipulag.
    Lögð fram að nýju eftir kynningu tillaga Helga Hjálmarssonar arkítekts dags. 17. mars 2017 fh. lóðarhafa Faldarhvarfs 11-13. Breytingin felur í sér fella út fyrri samþykkt fyrir hringstiga og breyta í pallastiga, stækkun á stigapalli á norðurhlið húsanna yrði 160 cm. x 240 cm. eða í heild 3,84 m2. Uppdráttur í mkv. 1:100 dags. 29. desember 2016. Skipulagsráð samþykkti með tilvísan í 43. gr. skipulagslaga nr. 123/2010 að grenndarkynna ofangreinda breytingu fyrir lóðarhöfum Breiðahvarfi 2, 4, 4a og Faldarhvarfi 1, 3, 5, 7, 9, 15 og 17. Athugasemdafresti lauk 15. maí 2017. Niðurstaða Skipulagsráð - 9 Samþykkt. Vísað til afgreiðslu bæjarráðs og bæjarstjórnar. Niðurstaða Bæjarráð vísar málinu til bæjarstjórnar.
  • 9.10 1610149 Fífuhvammur 11. Breytt deiliskipulag.
    Lagt fram að nýju erindi Sindra Freys Ólafssonar, lóðarhafa Fífuhvammi 11 dags. í september 2016 þar sem óskað er eftir leiðréttingu á skráningu fasteignar á þann veg að ósamþykkt íbúð verði skráð samþykkt og fái fastanúmer. Fífuhvammur 11 er fjölbýlishús með þremur samþykktum íbúðum, einni ósamþykktri og tveimur bílskúrum. Á fundi skipulagsnefndar 17. október 2016 var afgreiðslu erindisins frestað og óskað eftir umsögn byggingarfulltrúa. Á fundi skipulagsnefndar 21. nóvember 2016 var málinu frestað og óskað eftir lagfærðum teikningum.
    Lagðar fram lagfærðar teikningar unnar af Ólafi V. Björnssyni verkfræðingi í mkv. 1:50, 1:100 og 1:500 dags. 28. mars 2017. Ennfremur fylgir með samþykki meðeiganda Fífuhvammi 11.Skipulagsráð samþykkti með tilvísan í 44. gr. skipulagslaga nr. 123/2010 að grenndarkynna ofangreinda tillögu fyrir lóðarhöfum Fífuhvamms 9, 13 og Víðihvamms 4.
    Lagður fram uppdráttur þar sem ofangreindir lóðarhafar við Fífuhvamm og Víðihvamm hafa undirritað og gera því ekki athugasemd við að ósamþykkt íbúð verði skráð samþykkt og fái fastanúmer.     Niðurstaða Skipulagsráð - 9 Samþykkt. Vísað til afgreiðslu bæjarráðs og bæjarstjórnar. Niðurstaða Bæjarráð vísar málinu til bæjarstjórnar.
  • 9.14 1705661 Hafnarbraut 2-10, Kársnesbraut 108-114. Svæði 12. Deiliskipulag.
    Lögð fram til kynningar tillaga Teiknistofunnar Traðar að deiliskipulagi fyrir reit 12 í skipulagslýsingu fyrir þróunarsvæði Kársness. Nánar tiltekið nær tillagan til götureitar sem afmarkast af Nesvör til norðurs, Kársnesbraut til austurs, Þinghólsbraut til suðurs og Hafnarbraut til vesturs. Í tillögunni felst að núverandi byggingar að Hafnarbraut 4, 6, 8 og 10 verða rifin og nýtt fjögurra hæða íbúðarhúsnæði með kjallara byggt í þeirra stað. Á lóðinni Hafnarbraut 4-8 verða að hámarki 38 íbúðir og áætlað nýtingarhlutfall 1,97 (2,46 með kjallara) og 1,3 bílastæði á íbúð. Á lóð Hafnarbrautar 10 eru ráðgerðar 40 íbúðir áætlað nýtingarhlutfall 1,83 (2,28 með kjallara) og 1,3 bílastæðum á íbúð.
    Á lóðunum Kársnesbraut 108-114 er í tillögunni gert ráð fyrir að byggja eina íbúðarhæð ofan á núverandi atvinnuhúsnæði með samtals 34 íbúðum. Uppdráttur í mkv. 1:1000 ásamt greinargerð og skýringarmyndum dags. 5. maí 2017. Þá greint frá samráðsfundi með lóðarhöfum ofangreindra lóða sem haldinn var 9. mái 2017 á skipulags- og byggingardeild. Hans-Olav Andersen arkitekt gerir grein fyrir tillögunni.     Niðurstaða Skipulagsráð - 9 Skipulagsráð samþykkir með tilvísan í 1. mgr. 43. gr. skipulagslaga nr. 123/2010 að auglýsa framlagða tillögu. Vísað til afgreiðslu bæjarráðs og bæjarstjórnar.
    Guðmundur Gísli Geirdal, J. Júlíus Hafsteinn, Sigríður Kristjánsdóttir, Andrés Pétursson, Hreiðar Oddsson og Kristinn Dagur Gissurarson greiddu atkvæði með tillögunni.
    Pétur Hrafn Sigurðsson sat hjá við atkvæðagreiðslu.     Niðurstaða Bæjarráð vísar málinu til bæjarstjórnar.
  • 9.16 1611458 Nónhæð. Breyting á aðalskipulagi. Tillaga.
    Lögð fram tillaga skipulags- og byggingardeildar Umhverfissviðs að breyttu aðalskipulagi á kolli Nónhæðar. Tillagan fjallar um breytingu á landnotkun og talnagrunni fyrir Nónhæð. Nánar tiltekið nær breytingin til svæðis sem afmarkast af Arnarnesvegi í suður, Smárahvammsvegi í austur, lóðamörkum húsa sunnan Foldarsmára í norður og húsagötu að Arnarsmára 32 og og 34 í vestur. Í gildandi aðalskipulagi er landnotkun á svæðinu samfélagsþjónusta og opin svæði en breytist samkvæmt tillögunni í íbúðarbyggð og opin svæði sem mun nýtast almenningi til leikja og útiveru. Áætlað er að fjöldi íbúða verði allt að 140. Skipulagslýsing verkefnisins var afgreidd af skipulagsnefnd og samþykkt í bæjarstjórn nóvember 2016 til janúar 2017. Lýsingin var kynnt frá 21. janúar til 20. febrúar 2017. Með auglýsingu sem birtist í Fréttablaðinu 21. janúar 2017 var vakin athygli á því að kynning lýsingarinnar stæði yfir og að efni hennar mætti nálgast á heimasíðu bæjarins og í afgreiðslu skipulags- og byggingardeildar umhverfissviðs. Lýsingin var kynnt á almennum fundi í Smáraskóla 9. febrúar 2017. Lýsingin var jafnframt send umsagnaraðilum til umsagnar. Umsagnir bárust frá Skipulagsstofnun sbr. bréf dags. 2. febrúar 2017; frá Heilbrigðiseftirliti Hafnarfjarðar- og Kópavogssvæðis sbr. bréf dags. 1. febrúar 2017; frá Mosfellsbæ sbr. bréf dags. 1. febrúarar 2017; frá Samtökum sveitarfélags á höfuðborgarsvæðinu sbr. bréf dags. 7. febrúar 2017. Auk þess bárust athugasemdir og ábendingar frá íbúum og öðrum hagsmunaaðilum.
    Á fundi skipulagsráðs 20. febrúar 2017 var samþykkt að hefja gerð aðalskipulagsbreytingar fyrir koll Nónhæðar. Á fundi skipulagsráðs 18. apríl 2017 var samþykkt að kynna framlögð drög að breyttu aðalskipulagi (tillögu á vinnslustigi) í samræmi við 2. mgr. 30. gr. skipulagslaga nr. 123/2010. Auglýsing birtist í Fréttablaðinu 29. apríl 2017 þar sem vakin er athygli á því að vinnslutillaga vegna fyrirhugaðrar breytinga á aðalskipulagi væri til kynningar á heimasíðu Kópavogsbæjar og í afgreiðslu skipulags- og byggingardeildar Umhverfissviðs. Jafnframt var auglýst opið hús 4. maí og 8. maí 2017 í Fannborg 6 2h frá kl. 17 - 18 þar sem drögin voru kynnt sérstaklega þeim sem þess óskuðu. Alls mættu fimm íbúar 4. maí og 8. maí mættu þrír. Þá lagt fram minnisblað lögfræðideildar dags. 8. maí 2017: Kæruleiðir er varðar skipulagsmál. Þá lagt fram erindi Guðrúnar Benediktsdóttur, Brekkusmára 2 og Ásmundar Hilmarssonar, Eyktarsmára 1 dags. 10. maí 2017 og varðar breytingu á skipulagi Nónhæðar. Enn fremur lagt fram erindi lögfræðideildar dags. 29. maí 2017: Svar við erindi vegna Nónhæðar.
     Niðurstaða Skipulagsráð - 9 Skipulagsráð samþykkir með tilvísan til 3. mgr. 30. gr. skipulagslaga nr. 123/2010 að vísa tillögunni til afgreiðslu bæjarráðs og bæjarstjórnar og að hún verði auglýst í samræmi við 31. gr. ofangreindra laga.
    Pétur Hrafn Sigurðsson bókar "Mikilvægt er að þétta byggð á höfuðborgarsvæðinu og ekki óeðlilegt að horft sé til Nónhæðar í því samhengi. Á sama hátt er mikilvægt að taka tillit til þeirrar byggðar sem fyrir er og breyta ekki ásýnd hverfisins verulega. Yfir 50 athugasemdir hafa borist frá íbúum hverfisins og flestar hníga í þá átt að takmarka hæð húsanna við þrjár hæðir. Ég tek undir athugasemdir íbúa um að hámarkshæð á íbúðarhúsnæði í Nónhæð verði þrjár hæðir."
    Fundarhlé gert kl. 18:50.
    Fundur hélt áfram kl. 19:00.     Niðurstaða Bæjarráð vísar málinu til bæjarstjórnar.

Fundargerðir nefnda

10.1705010F - Menntaráð - 9. fundur frá 16.05.2017

Fundargerð í 6. liðum.
Lagt fram.

Ýmis erindi

11.17051731 - Til umsagnar: Frumvarp til laga um réttindi og skyldur starfsmanna ríkisins (brottfall kröfu um ríkisborgararétt), 289. mál

Frá allsherjar- og menntamálanefnd Alþingis, dags. 26. maí, lagt fram til umsagnar frumvarp til laga um réttindi og skyldur starfsmanna ríkisins (brottfall kröfu um ríkisborgararétt), 289. mál (þingmannafrumvarp).
Lagt fram.

Ýmis erindi

12.17051275 - Samkomulag um miðlun upplýsinga vegna daggæslu í heimahúsum

Frá SSH, dags.18. maí, lögð fram tillaga að samkomulagi um miðlun upplýsinga vegna daggæslu í heimahúsum sem samþykkt var að vísa til staðfestingar aðildarsveitarfélaga á fundi stjórnar SSH hinn 8.maí sl.
Bæjarráð samþykkir með fimm atkvæðum framlagða tillögu að samkomulagi um miðlun upplýsinga vegna daggæslu í heimahúsum.

Ýmis erindi

13.17051194 - Endurnýjun á þjónustusamningi við Fjölsmiðjuna

Frá SSH, dags. 18. maí, lögð fram tillaga að nýjum þjónustusamningi við Fjölsmiðjuna sem samþykkt var að vísa til samþykkis aðildasveitafélaga á fundi stjórnar SSH hinn 8.maí sl.
Bæjarráð samþykkir með fimm atkvæðum framlagðan þjónustusamning við Fjölsmiðjuna.

Ýmis erindi

14.1705928 - Kvöld- og næturakstur strætó, lengri þjónustutími

Frá Strætó, dags. 9. maí, lögð fram tillaga um lengri þjónustutíma strætisvagna, kvöld- og næturakstur, sem vísað er til umsagnar sveitarfélagsins.
Bæjarráð vísar erindinu til umhverfis- og samgöngunefndar til umsagnar.

Ýmis erindi

15.17051793 - Kynning um gerð húsnæðisáætlana sveitarfélaga

Frá Íbúðalánasjóði, dags. 24. maí, lagt fram erindi um húsnæðisáætlanir sveitarfélaga.
Bæjarráð vísar erindinu til bæjarstjóra til úrvinnslu.

Ýmis erindi

16.17051723 - Boð til Tampere í tilefni 100 ára sjálfstæði Finnlands

Frá bæjarstjóra Tampere, dags. 15. maí, lagt fram boð til Tampere í tilefni 100 ára sjálfstæði Finnlands.
Bæjarráð vísar málinu til bæjarstjóra til afgreiðslu.

Erindi og umsagnir frá starfsmönnum

17.1704493 - Mánaðarskýrslur 2017

Frá bæjarritara, lögð fram mánaðarskýrsla vegna starfsemi í febrúar.
Lagt fram.

Gestir

  • Ingólfur Arnarson, fjármálastjóri - mæting: 07:30

Ýmis erindi

18.1705929 - Athugasemd við ferli breytts deiliskipulags Austurkórs 157 - 161

Frá Katli Halldórssyni, dags. 14. maí, lagðar fram athugasemdir við ferli við breytt deiliskipulag Austurkórs 157-161.
Bæjarráð vísar málinu til skipulagsráðs til úrvinnslu.
Í samræmi við 16. gr. bæjarmálasamþykktar Kópavogs er óskað eftir að málið verði tekið á dagskrá fundarins með afbrigðum.

Erindi og umsagnir frá starfsmönnum

19.1512494 - Viðræður um framtíð Tónlistarsafns Íslands

Frá bæjarstjóra, lögð fram drög að samkomulagi við Þjóðminjasafn Íslands, Landsbókasafn Íslands - Háskólabókasafn og mennta- og menningarmálaráðuneyti um Tónlistarsafn Íslands.
Dagskrártillaga: Bæjarráð samþykkir með fimm atkvæðum að taka málið inn á dagskrá með afbrigðum.

Bæjarráð vísar framlögðum drögum að samkomulagi um Tónlistarsafns Íslands til afgreiðslu bæjarstjórnar.

Erindi og umsagnir frá starfsmönnum

20.1702352 - Skólagerði 8, Kársnesskóli, húsnæðismál.

Frá starfshópi um húsnæðismál Kársnesskóla, dags. 29. maí, lögð fram tillaga ásamt greinargerð um húsnæðismál Kársnesskóla þar sem lagt er til að bygging Kársnesskóla við Skólagerði verði rifin, starfssemi skólans verði í Vallargerði á meðan byggingarframkvæmdir standa yfir og að nýr starfshópur verði skipaður til að vinna að hönnun nýrrar byggingar skólans.
Bæjarráð frestar afgreiðslu tillögunnar.

Erindi og umsagnir frá starfsmönnum

21.17051884 - Menntasvið-ráðning leikskólastjóri Kópahvoll

Frá sviðsstjóra menntasviðs og deildarstjóra leikskóladeildar, dags. 30. maí, lögð fram tillaga að ráðningu leikskólastjóra Kópahvols.
Bæjarráð frestar afgreiðslu til næsta fundar.

Gestir

  • Anna Birna Snæbjörnsdóttir, sviðsstjóri menntasviðs - mæting: 08:35

Erindi og umsagnir frá starfsmönnum

22.1702088 - Skíðaskáli Lækjarbotnar. Umsókn um styrk til greiðslu fasteignaskatts

Frá verkefnastjóra stjórnsýslusviðs, dags. 8. maí, lögð fram tillaga að afgreiðslu umsóknar Skíðadeildar ÍR um styrk til greiðslu fasteignaskatts. Lagt er til að styrkumsókn að upphæð kr. 892.782,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir með fimm atkvæðum styrk að upphæð kr. 892.782,-. til greiðslu fasteignaskatts á fasteign Skíðadeildar ÍR.

Erindi og umsagnir frá starfsmönnum

23.1702603 - Hamraborg 10. Umsókn um styrk til greiðslu fasteignaskatts

Frá verkefnastjóra stjórnsýslusviðs, dags. 8. maí, lögð fram tillaga að afgreiðslu umsóknar Kvenfélags Kópavogs um styrk til greiðslu fasteignaskatts. Lagt er til að styrkumsókn að upphæð kr. 237.330,-. verði samþykkt enda fellur starfsemi félagsins að reglum Kópavogsbæjar um styrkveitingar.
Bæjarráð samþykkir með fimm atkvæðum styrk að upphæð kr. 237.330,-. til greiðslu fasteignaskatts á fasteign Kvenfélags Kópavogs.

Erindi og umsagnir frá starfsmönnum

24.1705024 - Fyrirspurn bæjarfulltrúa (Ólafur Þór Gunnarsson) um reiti í þéttbýli Kópavogs án deiliskipulags

Frá skipulagsstjóra, dags. 17. maí, lagt fram svar við fyrirspurn frá Ólafi Þór Gunnarssyni bæjarfulltrúa þar sem óskað var eftir upplýsingum um reiti í Kópavogi sem eru án deiliskipulags.
Lagt fram.

Ólafur Þór Gunnarsson þakkar framlagt svar.

Ólafur Þór Gunnarsson lagði til að umsögninni verði vísað til skipulagsráðs til umfjöllunar.
Karen Halldórsdóttir mætti til fundar kl. 8:29.

Erindi og umsagnir frá starfsmönnum

25.1702067 - Áskorun til íþróttaráðs

Frá deildarstjóra íþróttadeildar, dags. 16. maí, lögð fram tillaga íþróttaráðs um að líkamsræktarkort fyrir ungmenni á aldrinum 16-18 ára verði samþykkt sem styrkhæf starfsemi og að reglum um frístundastyrki verði breytt í samræmi við framlagt erindi þar um.
Bæjarráð samþykkir með fjórumm atkvæðum að líkamsræktarkort fyrir ungmenni á aldrinum 16-18 ára verði samþykkt sem styrkhæf starfsemi og að reglum um frístundastyrki verði breytt í samræmi við framlagt erindi íþróttaráðs.

Erindi og umsagnir frá starfsmönnum

26.1705620 - Hagasmári 1. Fridays, Tankurinn ehf. Umsagnarbeiðni vegna endurnýjunar rekstrarleyfis

Frá lögfræðideild, dags. 24. maí, lagt fram bréf Sýslumannsins á höfuðborgarsvæðinu, dags. 10. maí, þar sem óskað er umsagnar um umsókn Tanksins ehf., kt. 571299-5349, um nýtt rekstrarleyfi fyrir veitingastað í flokki II, að Hagasmára 1, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.
Bæjarráð samþykkir með fjórum atkvæðum að veita jákvæða umsögn með vísan til minnisblaðs lögfræðideildar.

Erindi og umsagnir frá starfsmönnum

27.1002277 - Skipting framlags til stjórnmálasamtaka á grundvelli 5. gr. laga nr. 162/2006

Frá fjármálastjóra, dags. 29. maí, lögð fram til upplýsinga tilkynning um framlag til stjórnmálaflokka 2017.
Lagt fram.

Erindi og umsagnir frá starfsmönnum

28.1705831 - Bæjarlind 7-9. Heimild til framsals

Frá lögfræðideild, dags. 15. maí, umsögn um beiðni lóðarhafa Bæjarlindar 7-9, MótX ehf., um heimild til að framselja hluta lóðarinnar til Þríhamra Lindir ehf.
Bæjarráð samþykkir með fjórum atkvæðum að heimila framsal á lóðinni Bæjarlind 7-9 til Þríhamra Lindir ehf.

Gestir

  • Ingólfur Arnarson, fjármálastjóri - mæting: 08:05

Erindi og umsagnir frá starfsmönnum

29.1705832 - Álmakór 1, 3 og 5. Heimild til framsals

Frá lögfræðideild, dags. 16. maí, umsögn um beiðni lóðarhafa Álmakórs 1,3 og 5, Tjarnarbrekku ehf., um heimild til að framselja lóðirnar til Dvergabergs ehf.
Bæjarráð hafnar beiðni um framsal með fjórum atkvæðum.

Gestir

  • Ingólfur Arnarson, fjármálastjóri - mæting: 07:55

Erindi og umsagnir frá starfsmönnum

30.1704498 - Dalaþing 26. Heimild til framsals

Frá bæjarlögmanni, dags. 10. maí, lögð fram umsögn um beiðni lóðarhafa Dalaþings 26, Elmari Eðvaldssyni og Írisi Mist Arnardóttur, um heimild til að framselja lóðina til HSH byggingameistara ehf.
Bæjarráð tekur undir framlagða umsögn og hafnar beiðni um framsal með fjórum atkvæðum.

Gestir

  • Ingólfur Arnarson, fjármálastjóri - mæting: 07:50

Erindi og umsagnir frá starfsmönnum

31.1703713 - Álalind 14 - 16. Leyfi til veðsetningar

Frá fjármálastjóra, dags. 22. maí, umsögn um beiðni lóðarhafa Álalindar 14-16, Leigugarða ehf., um heimild til að veðsetja lóðina.
Bæjarráð samþykkir með fjórum atkvæðum að heimila veðsetningu á lóðinni Álalind 14-16.

Gestir

  • Ingólfur Arnarson, fjármálastjóri - mæting: 07:45

Fundi slitið - kl. 09:30.