Bæjarráð

1286. fundur skipulagsnefndar í 20. liðum.

Frá skipulagsstjóra, dags. 22. nóvember, lagt fram erindi þar sem ítrekuð er samþykkt umhverfis- og samgöngunefndar frá 19. apríl sl. um að fela umhverfissviði að stofna til starfshóps og hefja vinnu við aðgerðaráætlun um verkefnið "Heimsmarkmiðin 17 - Agenda 2030" í kjölfar gildistöku Parísarsamkomulagsins um aðgerðir í loftlagsmálum og leita samráðs við viðeigandi svið, deildir og hagsmunaaðila varðandi úrvinnslu verkefnisins.

80. fundur umhverfis- og samgöngunefndar í X. liðum.

355. fundur stjórnar Skíðasvæða höfuðborgarsvæðisins í 4. liðum.

111. fundur skólanefndar í 11. liðum.

Frá skipulagsstjóra, dags. 22. nóvember, lögð fram tillaga Kristins Ragnarssonar, arkitekts fh. lóðarhafa að breytingu á deiliskipulagi Ögurhvarfs 4 d. Í breytingunni felst tilfærsla á byggingarreitum og byggt er úr byggingarreit. Byggingarreitur vestari húshluta færist 3 m til suðurs og afstaða húsanna innbyrðis minnkar um 0.5 m. og verður 3m. í stað 3.5m. Á langhliðum beggja húshluta bætist útbygging 1.5x6.sm eða 9.0 m2 og fer hún 2,5 m út úr samþykktum byggingarreit byggingarreit. Skipulagsnefnd samþykkti breytinguna með tilvísan í 3. mgr. 44. gr. skipulagslaga nr. 123/2010 og vísaði málinu til afgreiðslu bæjarráðs og bæjarstjórnar.

Frá skipulagsstjóra, dags. 22. nóvember, lögð fram tillaga Kristins Ragnarssonar, arkitekts fh. lóðarhafa að breytingu á deiliskipulagi Ögurhvarfs 4c. Í breytingunni felst tilfærsla á byggingarreitum og byggt er úr byggingarreit. Byggingarreitur færist um 2 m til vesturs í fyrirhugaðri tveggja hæða byggingu lóðarinnar. Í fyrirhugaðri einnar hæðar byggingu lóðarinnar stækkar byggingareiturinn um 3 x6 m til suðurs. Skipulagsnefnd samþykkti breytinguna með tilvísan í 3. mgr. 44. gr. skipulagslaga nr. 123/2010 og vísaði málinu til afgreiðslu bæjarráðs og bæjarstjórnar.

Frá skipulagsstjóra, dags. 22. nóvember, lögð fram tillaga ASK akritekta að breyttu deiliskipulagi lóðarinnar nr. 9 við Tónahvarf. Í breytingunni felst að byggt er úr út gildandi byggingarreit í norður og suður, fyrirhuguð bygging verði á einni hæða án kjallara og fyrirkomulagi bílastæða á lóð er breytt. Uppdráttur í mkv. 1.500 dags. 18. nóvember 2016. Skipulagsnefnd samþykkti breytinguna með tilvísan í 3. mgr. 44. gr. skipulagslaga nr. 123/2010 og vísaði málinu til afgreiðslu bæjarráðs og bæjarstjórnar.

Frá skipulagsstjóra, dags. 22. nóvember, lögð fram til kynningar tillaga Landark að breytingu á fyrirkomulagi bílastæða á lóð Smáratorgs. Uppdráttur í mkv. 1:500 ásamt skýringarmyndum dags. í október 2016. Einnig lögð fram til kynningar tillaga Arkís að staðsetningu skiltaturni með 3 stafrænum skjáum 4x2,4 m ofan á lyftukjarna á miðju bílastæði Smáratorgs. Uppdrættir í mkv. 1:1000 og 1:100 dags. 16. nóvember 2016. Skipulagsnefnd samþykkti tillöguna og vísaði málinu til bæjarráðs og bæjarstjórnar.

Frá skipulagsstjóra, dags. 22. nóvember, lögð fram tillaga skipulags- og byggingardeildar að skipulagslýsingu fyrir breytingu á Aðalskipulagi Kópavogs 2012-2024. Lýsingin er lögð fram með tilvísan í 1. mgr. 30. gr. skipulagslaga nr. 123/2010 og fjallar um breytingu á landnotkun og talnagrunni í Nónhæð, sem skv. núgildandi aðalskipulagi er áætlað fyrir samfélagsþjónustu og opin svæði en breytist skv. ofangreindri lýsingu í íbúðarbyggð og opin svæði. Skipulagsnefnd samþykkti framlagða lýsingu og að hún verði kynnt í samræmi við 30. gr. skipulagslaga nr. 123/2010 og vísaði málinu til afgreiðslu bæjarráðs og bæjarstjórnar.

Frá skipulagsstjóra, dags. 22. nóvember, lögð fram tillaga skipulags- og byggingardeildar dags. 21. nóvember 2016 að breyttu deiliskipulagi Álalindar 18-20 ásamt skýringaruppdrætti dags. 21. nóvember 2016 með samþykki lóðarhafa Álalindar 4-8, 5, 10, 14 og 16. Í breytingunni felst að íbúðum fjölgar úr 35 í 43. Hámarksflatarmál húss eykst og verður 6.000 m2 án bílageymslu. Heildarflatarmál bílageymslu minnkar og verður 1.100 m2. Hæð byggingarreits breytist og er mesta hæð hússins talið frá yfirborði botnplötu 1. hæðar nú 21 metrar í stað 20.8 eða hækkun um 20 cm. Hæð byggingarreitar yfir þess hluta húss sem eru 4 hæðir lækkar úr 13, í 12,4 metrar og hæð byggingarreitar yfir þess hluta húss sem er 6 hæðir hækkar úr 17,8 metrar í 18,1 meter. Aðkoma og staðsetning bílastæða breytist. Krafa um fjölda bílastæða á íbúð er óbreyttur og er gert ráð fyrir 73 bílastæðum þar af 43 í niðurgrafinni bílageymslu. Að öðru leiti er vísað í ofangreinda gildandi skipulagsuppdrætti og skipulagsskilmála sem samþykktir voru í bæjarstjórn 15. desember 2015. Þá lagður fram áritaður uppdráttur með ofangreindri deiliskipulagsbreytingu með samþykki lóðarhafa Álalindar 4-8; Álalindar 5,; Álalindar 10; Álalindar 14 og Álalindar 16. Skipulagsnefnd samþykkti breytinguna með tilvísan í 3. mgr. 44. gr. skipulagslaga nr. 123/2010 og vísaði málinu til afgreiðslu bæjarráðs og bæjarstjórnar.

Frá bæjarritara, lögð fram mánaðarskýrsla vegna starfsemi í júní.

Frá deildarstjóra þjónustudeildar aldraðra, dags. 22. nóvember, lagður fram til samþykktar Rammasamningur milli Sjúkratrygginga Íslands og hjúkrunarheimila um þjónustu hjúkrunarheimila, þar sem lagt er til að sambýlið Roðasalir verði áfram aðili að samningnum, og samþykktur var á fundi félagsmálaráðs þann 21. nóvember sl.

1422. fundur félagsmálaráðs í 14. liðum.

61. fundur barnaverndarnefndar í 4. liðum.

202. fundar afgreiðslna byggingarfulltrúa í 2. liðum.

Frá Mannvirkjastofnun, dags. 14. nóvember, lagt fram erindi þar sem vakin er athygli á því að brunavarnaáætlun sveitarfélagsins er runnin út. Gerð er krafa um að brunavarnaáætlun verði endurskoðuð og send innan 3 mánaða.

Frá velferðarráðuneyti, dags. 14. nóvember, lagt fram erindi vegna uppbyggingar íbúðarhúsnæðis skv. lögum nr. 52/2016 um almennar íbúðir þar sem sveitarfélögin er hvött til þess að tryggja nægjanlegt framboð af lóðum til nýbygginga til að mæta þörf fyrir íbúðarhúsnæði á höfuðborgarsvæðinu.

Frá Gámaþjónustunni hf., dags. 16. nóvember, lagt fram bréf til Sorpu vegna ákvörðunar Kópavogsbæjar um að nota bláar tunnur til að flokka bæði pappír og plast.

Frá Hrafnistu, dags. 15. nóvember, lagt fram erindi varðandi seinni áfanga í byggingu hjúkrunarheimilis við Boðaþing þar sem boðin er fram aðstoð við hönnunarferlið sem er framundan.

Frá lögfræðideild, dags. 21. nóvember, lagt fram bréf Sýslumannsins á höfuðborgarsvæðinu, dags. 8. nóvember, þar sem óskað er umsagnar um umsókn Guðmundar Bjarna Pálmasonar, kt. 220286-2909, f.h. Bílar og Tjón ehf., kt. 600605-0890, um rekstrarleyfi fyrir ökutækjaleigu með 3-5 bifreiðar að Skemmuvegi 44, 200 Kópavogi. Sveitarstjórn staðfestir sem umsagnaraðili að aðkoma henti fyrir fyrirhugaða starfsemi og rekstrarleyfið er í samræmi við skipulag á umsóttu svæði en fjöldi bílastæða nægir ekki fyrir umsóttum fjölda ökutækja.

Frá bæjarlögmanni, dags. 22. nóvember, lögð fram til samþykktar að nýju endurskoðuð samþykkt um hænsnahald í Kópavogi ásamt umsögn.

Frá fjármálastjóra, dags. 22. nóvember, lögð fram beiðni f.h. lóðarhafa Boðaþings 14-16 og 18-20, Húsvirkis hf., um heimild til að veðsetja lóðirnar.