Heimgreiðslur

Foreldrar barna á aldrinum 15-30 mánaða geta sótt um heimgreiðslur vegna barna sem hvorki eru í dvöl hjá dagforeldri né í leikskóla.

Skilyrði er að barn sé með lögheimili í Kópavogi, njóti ekki annarra niðurgreiðslna frá Kópavogsbæ vegna dvalar barnsins og sé ekki í vistun hjá dagforeldri eða í leikskóla.

  • Umsókn um heimgreiðslur

    Sækja þarf um heimgreiðslur vegna barns í  Þjónustugátt Kópavogsbæjar. Umsókn um heimgreiðslur þarf að berast fyrir 20. dag mánaðar til þess að taka gildi frá og með næstu mánaðamótum á eftir. Aðeins þarf að sækja um heimgreiðslur einu sinni. Heimgreiðslur eru ekki afturvirkar.

  • Fjárhæð

    Mánaðarleg heimgreiðslur eru greiddar eftir á og er 107.176 kr. á mánuði. Heimgreiðslur fást að hámarki greiddar í 11 mánuði á ári, ekki er greitt vegna júlí mánaðar. Upphaf heimgreiðslna reiknast í fyrsta lagi frá þeim degi sem barn verður 15 mánaða.

  • Lok heimgreiðslna

    Greiðslur falla niður þegar barn hefur dvöl í leikskóla eða hjá dagforeldri með starfsleyfi, ef dvöl í leikskóla er hafnað vegna barna sem eru 30 mán. eða eldri eða við flutning á lögheimili barnsins úr sveitarfélaginu.

Síðast uppfært 16. ágúst 2024