Fréttir & tilkynningar

Götuganga Virkni og Vellíðan verður haldin þriðjudaginn 12. maí næstkomandi klukkan 13:00 í Kópavogi. Um er að ræða vinsælan íþrótta- og heilsueflingarviðburð fyrir 60 ára og eldri sem nú fer fram í fjórða sinn.

Kópavogsbær hefur tekið í notkun rafrænt sundkort sem hægt er að kaupa á netinu og setja beint í veskið í símanum. Kortið gildir í Salalaug og Kópavogslaug.

Kópavogsbær hefur tilnefnt söngkonuna og lagahöfundinn Emilíönu Torrini Bæjarlistamann Kópavogs árið 2026. Það var Elísabet Sveinsdóttir formaður menningar- og mannlífsnefndar sem tilkynnti valið við hátíðlega athöfn í Salnum í dag.

Kópavogsbær efnir til nafnasamkeppni um nafn á nýrri menningarmiðstöð sem verður opnuð í Smáralind vorið 2027.

Framtíðarsýn fyrir vestanvert Kársness er viðfangsefni nýs myndbands sem unnið hefur verið fyrir Kópavogsbæ. Auður Dagný Kristinsdóttir skipulagsfulltrúi Kópavogsbæjar, Halldóra Hreggviðsdóttir ráðgjafi hjá Alta og Jóhann Jökull Ásmundsson íbúi á Kársnesi fjalla um svæðið, þátttöku íbúa í skipulagsvinnu og fyrirhuguð áform á Kársnesi.

Alzheimersamtökin munu leigja Geðræktarhúsið í Kópavogi og nýta undir heilsutengda starfsemi fyrir fólk sem greinst hefur með heilabilun.

Framkvæmdum við nýjan Arnarnesveg, milli Rjúpnavegar og Breiðholtsbrautar, miðar vel áfram. Fjölda lykilverkefna er lokið og unnið er að frágangi brúa, undirganga og vegtenginga. Í maí er áætlað að hefja malbikun á Breiðholtsbraut.

Krakkahátíðin Kópurinn, barnamenningarhátíð Kópavogs, verður haldin laugardaginn 9.maí.

Heimar hafa lokið að fara yfir hugmyndir sem bárust í samkeppni um hönnun nýrrar menningarmiðstöðvar í Smáralind. Að loknu mati á innsendum tillögum varð tillaga BASALT arkitekta valin til áframhaldandi þróunar verkefnisins.

Ásdís Kristjánsdóttir, bæjarstjóri Kópavogs, Almar Guðmundsson, bæjarstjóri Garðabæjar og Halldór Victorsson, formaður Spretts, skrifuðu undir viljayfirlýsingu um byggingu félagshesthús og skólastofu miðvikudaginn 29.apríl.