Sveitarstjórnarkosningar fara fram 16. maí 2026.
Local government election will be held in Iceland on May 16th 2026.
Kjörstaðir og kjörfundur í Kópavogi
Kjörfundur í Kópavogi stendur yfir frá 09.00 til 22.00. Kjörstaðir í Kópavogi eru tveir, íþróttahúsið Smárinn og íþróttahúsið Kórinn.
Íbúar vestan Reykjanesbrautar og í Lindahverfi kjósa í íþróttahúsinu Smáranum, Dalsmára 5. Íbúar austan Reykjanesbrautar að frátöldum þeim sem búa í Lindahverfi kjósa í íþróttahúsinu Kórnum, Vallakór 12.
Kjósandi skal gera kjörstjórn grein fyrir sér á kjörstað með því að framvísa kennivottorði eða nafnskírteini eða á annan fullnægjandi háttað mati kjörstjórnar. Ef hann þannig á rétt á að greiða atkvæði samkvæmt kjörskránni afhentir fulltrúi í kjörstjórn honum einn kjörseðil.
Hvar á ég að kjósa?
Í auglýsing um kjörfund er hægt að skoða skiptingu gatna í kjördeildir.
Kjörfundur 2026 - Auglýsing
Einstaklingar geta flett upp hvar þeir eiga að kjósa á kosningavef Þjóðskrár.
Skoða kosningavef Þjóðskrár
Kosning utan kjörfundar
Utankjörfundaratkvæðagreiðsla við embætti Sýslumannsins á höfuðborgarsvæðinu vegna kosninga til sveitarstjórna sem fram fara 16. maí 2026 hefst þann 17. apríl nk. Staðsetning er í Hlíðasmára 1, Kópavogi, jarðhæð, gengið inn á bakvið hús.
Nánar um kosningu utan kjörfundar 2026.
Opnunartími:
17. apríl – 10. maí - kl. 10:00 - 18:00 (lokað sumardaginn fyrsta 23. apríl)
11. maí - 15. maí, kl. 10:00 - 21:00
Á kjördag laugardaginn 16. maí verður opið frá kl. 10:00 - 17:00 fyrir kjósendur sem ekki geta sótt kjörfund.
Kjósendur skulu hafa meðferðis persónuskilríki.
Skil á framboðum
Yfirkjörstjórn tók á móti framboðslistum þann 10. apríl á skrifstofu Kópavogsbæjar að Digranesvegi 1, 1. hæð milli kl. 10.00 og 12.00. Framboðslistum skyldi skilað á tölvutæku formi. Meðmælendalistum skyldi skilað í gegnum rafrænt meðmælakerfi á island.is
Yfirkjörstjórn boðaði til fundar mánudaginn 13. apríl kl. 12.00 á skrifstofu Kópavogsbæjar að Digranesvegi 1, 1. hæð þar sem hún úrskurðaði um framkomna framboðslista að viðstöddum umboðsmönnum listanna.
Framboðslistar
Yfirkjörstjórn í Kópavogi skipa: Helgi Magnússon, Jón Guðlaugur Magnússon, Jón Ögmundsson. Aðsetur kjörstjórnar á kjördag verður í íþróttahúsinu Smáranum. Talning atkvæða fer fram í íþróttahúsinu Kórnum að kjörfundi loknum.
Talning
Talning atkvæða í sveitarstjórnarkosningum þann 16. maí 2026 í Kópavogi fer fram í íþróttahúsinu Kórnum að Vallakór 12–14 og hefst að kjörfundi loknum kl. 22.
Kjörskrá
Kjörskrá vegna sveitarstjórnarkosninga 16. maí 2026 liggur frammi í þjónustuveri á Bæjarskrifstofum Kópavogs, Digranesvegi 1, frá og með 24. apríl næstkomandi. Ef einhverjar athugasemdir eru við kjörskrána er fólki bent á hafa samband við Þjóðskrá.
Information in English
Information in English about the election.
Meðmælendur geta mælt með framboði á Ísland.is:
