Vorhreinsun

Vorhreinsun í Kópavogi 2026 stendur yfir dagana 30. apríl.- 19. maí. Gámar fyrir garðaúrgang verða á fimm stöðum í bænum fyrir íbúa.

Kópavogsbær hvetur íbúa til að taka til hendinni eftir veturinn og gera garðana tilbúna til að taka á móti vorinu. Opnir gámar verða aðgengilegir íbúum á fimm stöðum í bænum þar sem hægt verður að losa sig við garðaúrgang og trjágreinar.

Gámarnir verða aðgengilegir frá 30. apríl til 19. maí.

Kársnes, við grenndarstöðina Borgarholti
Digranes, við íþróttahúsið Digranesi, Skálaheiði 2
Smára- og Lindahverfi, neðst á Glaðheimasvæðinu, Álalind 2
Lindir- og Salir, við Salalaug
Þing-, Hvörf- og Kórar, á malarstæðinu við Vallakór 8

Garðaúrgangurinn á ekki að fara í plastpokum eða öðrum ílátum í gáminn. Gámarnir eru einungis fyrir garðaúrgang og óheimilt er að setja annað í gámana. Hægt er að losa annarskonar úrgang á endurvinnslustöðvar SORPU.

Athugið að ekki verður farið í götur bæjarins til að hirða garðaúrgang.