Þann 14.maí verður Götuganga fyrir 60 ára og eldri haldin í Kópavogi í annað sinn. Gengin er 3,4 kílómetra leið, byrjað í Breiðablik og gengið um Kópavogsdal.
Friðrik Baldursson, garðyrkjufræðingur og garðyrkjustjóri Kópavogs, fékk heiðursverðlaun garðyrkjunnar árið 2024 sem veitt voru við hátíðlega viðhöfn í Garðyrkjuskólanum sumardaginn fyrsta.
Opnað hefur verið fyrir tilboð í lóðir í fyrsta áfanga úthlutunar í Vatnsendahvarfi, sem er nýjasta hverfið í Kópavogi. Í þessum fyrsta áfanga verður úthlutað sex lóðum fyrir fjölbýlishús.
Fyrir mistök var greiðsluseðill fyrir fasteignagjöld vegna maí sendur út með röngum eindaga. Á seðlinum stendur 3.maí en á að vera 3.júní. Unnið er að uppfærslu. Beðist er velvirðingar á þeim óþægingum sem þetta kann að valda.
Kópavogsbær tekur þátt í Stóra plokkdeginum sem haldinn er sunnudaginn 28.apríl. Hægt verður að nálgast ruslapoka og einnota hanska í Þjónustumiðstöð Kópavogs, Askalind 5, föstudag og laugardag.
Stjórn Gerplu heiðraði keppendur á Norðurlandamóti í áhaldafimleikum við hátíðlega viðhöfn í vikunni. Ásdís Kristjánsdóttir, bæjarstjóri Kópavogs, ávarpaði gesti þegar glæsilegum árangri liðsins var fagnað í fimleikasalnum Versölum og færði félaginu blóm.