Bæjarráð

65. fundur í 75. liðum.

2. fundur í 8. liðum.

1. fundur í 8. liðum.

258. fundur í 6. liðum.

370. fundur í 11. liðum.

78. fundur í 2. liðum.

77. fundur í 8. liðum.

76. fundur í 6. liðum.

68. fundur í 2. liðum.

67. fundur í 5. liðum.

66. fundur í 39. liðum.

Frá bæjarlögmanni, dags. 31. janúar, lögð fram umsókn um lóðina Almannakór 2 frá Jarðlausnir ehf., kt. 480709-0630. Lagt er til að bæjarráð samþykki úthlutun lóðarinnar til umsækjanda, enda fellur umsóknin að kröfum Kópavogsbæjar fyrir úthlutun.

Lögð fram réttarstefna í máli Agnars Hlyns Daníelssonar og Maríu Daggar Aðalsteinsdóttur gegn Óshæð ehf., Sigurði Strange og Hörpu Kristjánsdóttur þar sem gerð er krafa um að grjóthleðsla á lóðarmörkum Hafraþings 8 og Hálsaþings 9 verði fjarlægð.

Lögð fram réttarstefna í máli Jóns Viðars Stefánssonar og Auðar Kristínar Þorgeirsdóttur gegn Óshæð ehf. þar sem gerð er krafa um að grjóthleðsla á lóðarmörkum Hafraþings 4 og 6 og Hálsaþings 5 verði fjarlægð.

Lögð fram stefna í máli Magnúsar Ingjaldssonar gegn Kópavogsbæ til innheimtu skaðabóta vegna samþykktar á aðalskipulagi Kópavogs 2012-2024 sem fól í sér breytta skilgreiningu lóðarinnar Digranesvegar 81.

Lögð fram stefna í máli Norðurturnsins hf. gegn Eignarhaldsfélaginu Smáralind ehf. og Kópavogsbæ til viðurkenningar á að kvaðir hvíli á lóðunum Hagasmára 1, 3 og 5 um samnýtingu bílastæða og gagnkvæman umferðarrétt og til ógildingar á deiliskipulagi Smárans, vestan Reykjanesbrautar.

Frá nemendum og kennurum á heilbrigðisvísindasviði við Háskólann á Akureyri, lögð fram beiðni um stuðning til að styrkja átaksverkefnið "1 Blár strengur" sem er ætlað að vekja athygli á kynferðisofbeldi gagnvart drengjum, m.a. vegna ráðstefnuhalds, tónlistaratriða og vinnusmiðju auk þess sem útbúið verður kynningarefni og ítarefni til dreifingar.

Frá Umhverfis- og auðlindaráðuneyti, dags. 19. janúar, lögð fram beiðni um umsögn um nýja reglugerð um eldvarnir og eldvarnaeftirlit. Óskað er eftir að umsögn berist ráðuneytinu eigi síðar en 10. febrúar nk.

Frá deildarstjóra gatnadeildar, dags. 20. janúar, lagt fram erindi þar sem óskað er eftir heimild bæjarráðs til að auglýsa laus til umsóknar sumarstörf hjá Kópavogsbæ árið 2017 fyrir 18 ára og eldri. Einnig er lagt til að framlagðar vinnureglur við ráðningar sumarstarfsfólks hjá Kópavogsbæ 2017 verði samþykktar.

Frá sviðsstjóra umhverfissviðs, dags. 31. janúar, lagt fram erindi vegna stöðu byggingarframkvæmda á hesthúsalóðum.

Frá lögfræðideild, dags. 27. janúar, lagt fram bréf Sýslumannsins á höfuðborgarsvæðinu, dags. 18. janúar, þar sem óskað er umsagnar um umsókn Á-B ehf., kt. 500914-0330, um tímabundið áfengisleyfi vegna beinnar útsendingar á úrslitaleik NFL, aðfararnótt mánudagsins 6. febrúar, til kl. 05:00, á SPOT, að Bæjarlind 6, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um. Staðsetning er í samræmi við gildandi skipulag en afgreiðslutími er lengri en ákvæði 2. mgr. 25. gr. lögreglusamþykktar fyrir Kópavogsbæ nr. 675/2015 gerir ráð fyrir. Sveitarstjórn hefur heimild til þess að samþykkja lengri opnunartíma.

Frá lögfræðideild, dags. 27. janúar, lagður fram úrskurður úrskurðarnefndar umhverfis- og auðlindamála í máli nr. 115/2015 þar sem kærð var ákvörðun bæjarstjórnar um að samþykkja breytingu á deiliskipulagi Vatnsenda, svæði milli vatns og vegar, vegna Kríuness. Úrskurðarnefndin hafnaði kröfu um ógildingu hinnar kærðu ákvörðunar.