Bæjarráð

Frá innanríkisráðuneyti, dags. 16. september, lagt fram erindi vegna tímabundinnar breytingar á verkaskiptingu ríkis og sveitarfélaga þar sem gildistími viðauka við samkomulag ríkis og sveitarfélaga um eflingu tónlistarnáms og framlög úr Jöfnunarsjóði er runninn út.

48. fundur lista- og menningarráðs í 3. liðum.

47. fundur lista- og menningarráðs í 1. lið.

62. fundur leikskólanefndar í 5. liðum.

39. fundur jafnréttis- og mannréttindaráðs í 2. liðum.

1397. fundur félagsmálaráðs í 11. liðum.

Frá stjórn Fríkirkjunnar Vegarins, dags. 19. september, lögð fram umsókn um lóð undir starfsemi kirkjunnar í Kópavogi.

Frá eiganda Furugrundar 3, dags. 18. september, lagt fram bréf þar sem fallið er frá beiðni um að breyta landnotkun lóðarinnar.

Frá stjórn Sauðfjáreigendafélags Kópavogs, dags. 9. september, lögð fram fjallskilaboð fyrir Kópavog haustið 2015.

Frá leikfélagi Kópavogs, dags. 15. september, lagður fram reikningur vegna árlegs rekstrarstyrks skv. rekstrarsamningi við Kópavogsbæ, ásamt skýrslu stjórnar og reikningum félagsins fyrir leikárið 2014-2015.

Frá lögfræðideild, dags. 16. september, lagt fram bréf Sýslumannsins á höfuðborgarsvæðinu, dags. 20. mars, þar sem óskað er umsagnar um umsókn Phut ehf., kt. 651114-1520, um nýtt rekstrarleyfi fyrir veitingahús í flokki II, á staðnum Pizza Hut, að Hagasmára 1, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn, sem umsagnaraðili, að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá umhverfis- og auðlindaráðuneyti, dags. 1. september, lögð fram boðun á níunda Umhverfisþing sem verður haldið á Grand Hótel Reykjavík þann 9. október nk.

Frá Fjármálaeftirlitinu, dags. 22. september, lagt fram bréf þar sem óskað er eftir sjónarmiðum og útskýringum bæjarins í tengslum við skuldaaukningu skv. samþykkt bæjarstjórnar frá 14.1.2015 og opinbera birtingu upplýsinga í þeim efnum.

Frá garðyrkjustjóra, dags. 21. september, lögð fram umsögn umhverfissviðs vegna fyrirspurnar á fundi bæjarráðs um svokallaðar körfurólur á leikvöllum og skólalóðum í Kópavogi í tilefni af fréttaflutningi um slysahættu sem af slíkum rólum getur stafað.

Frá sviðsstjóra og rekstrarstjóra menntasviðs, dags. 22. september, lagt fram svar við fyrirspurn úr bæjarráði um muninn á úthlutun leikskólarýma til barna eftir því hvenær þau eru fædd á árinu.

Frá sviðsstjóra og rekstrarstjóra menntasviðs, dags. 22. september, lagt fram svar við fyrirspurn úr bæjarráði vegna kostnaðar barna og fjölskyldna þeirra vegna skólagöngu.

Frá skrifstofustjóra umhverfissviðs, dags. 18. september, lagt fram erindi vegna úrskurðar úrskurðarnefndar umhverfis- og auðlindamála í máli nr. 47/2015

Frá sviðsstjóra umhverfissviðs, dags. 22. september, lögð fram úttekt verkfræðistofunnar Verkís hf. á vatnasvæðum Kópavogsbæjar, þar sem koma fram ábendingar um atriði sem þarfnast úrlausnar og lagðar eru til ýmsar úrbætur.

Frá sviðsstjóra umhverfissviðs, dags. 22. september, lagt fram erindi þar sem lagt er til að skipuð verði sex manna matsnefnd sem fari yfir allar innsendar tillögur og verðtilboð þátttakenda í alútboði vegna byggingar íþróttahúss við Vatnsendaskóla. Lagt er til að nefndin verði skipuð tveimur aðilum frá umhverfissviði, tveimur frá menntasviði og tveimur frá Gerplu.