Kópavogsbær

Á þessum tónleikum hljóma glænýjar tónsmíðar eftir tónlistarfólk sem á að baki litríkan feril í heimum spunatónlistar, jazz-, popp- og raftónlistar, þau Hafdísi Bjarnadóttur, gítarleikara og tónskáld, Hauk Gröndal, klarinet- og saxófónleikara og tónskáld, Samúel J. Samúelsson, básúnuleikara og tónskáld og Sigrúnu Jónsdóttur, básúnuleikara, söngkonu og tónskáld. Tónlistin er samin sérstaklega fyrir Cauda Collective sem er að þessu sinni skipuð þeim Björk Níelsdóttur, söngkonu, Sigrúnu Harðardóttur á fiðlu, Þóru Margréti Sveinsdóttur á víólu og Þórdísi Gerði Jónsdóttur á selló. Á undan tónleikunum verður boðið upp á tónleikaspjall klukkan 13:00. Aðgangur á spjallið er ókeypis og öll velkomin. Tónleikarnir eru styrktir af lista- og menningarráði Kópavogsbæjar. EfnisskráSigrún JónsdóttirÉg fann rödd - Vókalísa  I. UppgjörII. Ég fann röddIII. Andakt Samúel Jón SamúelssonÞrjár vögguvísur Björk Níelsdóttir, Sigrún Harðardóttir, Þóra Margrét Sveinsdóttir & Þórdís Gerður JónsdóttirSöngvar Úrsúlu I. Friðarkross (SH)II. Öskur Úrsúlu (ÞGJ)III. Hungangskambur (ÞMS)IV. Ó, djúprauða blóð (BN) Haukur GröndalSjö hvísl sálarinnarI. UpphafII. TárIII. HjartaIV. OrðV. VonVI. LjósVII. EndirHafdís BjarnadóttirHyrnan 6Romsa - Veður Cauda Collective hefur vakið eftirtekt fyrir nýstárlegt efnisval og skapandi nálgun við tónleikaformið en hópurinn hefur starfað frá árinu 2018, komið fram á ótal tónleikum og tónlistarhátíðum, hérlendis og erlendis við frábærar undirtektir.  Tónleikar Caudu Collective fléttast gjarnan í kringum ákveðin stef eða þemu þar sem aldagömul tónlist er sett í nýtt og frjótt samhengi auk þess sem nýsköpun hefur skipað veigamikinn sess á efnisskrám hópsins.  Cauda Collective hefur unnið náið með tónskáldum úr ólíkum áttum, má þar nefna tónskáld svo sem Báru Gísladóttur, Mugison, Ragnhildi Gísladóttur og Úlf Eldjárn auk fjölda annarra. https://open.spotify.com/playlist/095QuijW8ahVQn0gqG8e37?si=7376fe9faf944bfd

Tónleikaspjall í tali og tónum þar sem veitt verður innsýn í efnisskrá Tíbrártónleika dagsins. Viðburðurinn fer fram í fordyri Salarins og hefst klukkan 13 en umsjón með spjallinu hefur Elísabet Indra Ragnarsdóttir. Á Tíbrártónleikum dagsins mun Cauda Collective frumflytja ný verk eftir Hafdísi Bjarnadóttur, Hauk Gröndal, Samúel J. Samúelsson og Sigrúnu Jónsdóttur.

Sigurlaug Guðmundsdóttir býður okkur í notalegt sófaspjall um andleg mál og fordóma gegn þeim. Sigurlaug leiðir spjallið og fer vítt og breitt um hvaðeina sem sem varðar duldu málefnin. Öll velkomin meðan húsrúm leyfir. Spurningar sem við veltum upp eru m.a.-Hvað felst í orkunni?-Hvaða máli skiptir hvernig við hugsum?-Hvað er skyggni?-Hvað eru bænir?-Hvað er ímyndunaraflið og hvernig getum við notað það okkur til góðs? -Hvað og hvar eru huldufólkið og álfarnir? -Hvernig sköpum við okkar eigin raunveruleika? Býður Sigurlaug gestum einnig að koma með eigin spurningar og vangaveltur.

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs

Get Together meet-ups will be held at the Library in Kópavogur, on the first floor in the Tilraunastofa - meeting room. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are a part of the project The library in a multilingual society sponsored by Nordplus and Bókasafnasjóður. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er hluti af verkefninu Bókasafnið í fjölþjóðlegu umhverfi sem er styrkt af Nordplus og Bókasafnasjóði.

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Bókmenntaklúbburinn Hananú! hittist í Huldustofu á 3. hæð aðalsafns.  Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.

Verið velkomin á fræðsluerindi í Náttúrufræðistofu Kópavogs. Að þessu sinni fræðir Birgir Vilhelm Óskarsson, jarðfræðingur hjá Náttúrufræðistofnun Íslands okkur um þróun jarðfræðirannsókna í Surtsey, sem fagnaði 60 ára afmæli árið 2023. Með nýjustu tækni, þar á meðal drónum og flugvélum, geta vísindamenn nú kortlagt eyjuna af mikilli nákvæmni. Með stuðningi eldri loftmynda er unnt að búa til hæðarlíkön og greina rof og setmyndun í eynni allt frá upphafi gossins. Þessi gögn dýpka skilning okkar á myndun og mótun eldfjallaeyja eins og Surtsey og á náttúruöflunum sem þar starfa, sem hjálpar til við að spá fyrir um framtíð eyjunnar. Fjöldi merkra uppgötvana hefur átt sér stað í Surtsey sem hafa komið vísindamönnum á óvart, og nýlega vakti fundur steingerðra fótspora í móberginu mikla athygli landsmanna, þar sem getgátur um eiganda sporanna fóru á flug. Þetta sýnir að Surtsey heldur áfram að koma okkur á óvart með nýjum og spennandi fundum. Við bendum einnig á að um þessar mundir stendur yfir sýningin Óstöðugt land, hjá nágrönnum okkar í Gerðarsafni, sem er sýningarverkefni og listrannsókn Gunndísar Ýrar Finnbogadóttur og Þorgerðar Ólafsdóttur sem byggir á viðtölum við einstaklinga sem hafa ferðast til Surtseyjar. Öll velkomin og ókeypis aðgangur! Viðburðurinn er liður í Menningu á miðvikudögum sem styrkt er af lista- og menningarráði Kópavogsbæjar

Kristín Stefánsdóttir mætir aftur í Salinn með jólatónleika sína, Friðarjól. Sérstakur gestur á tónleikunum verður Stefán Hilmarsson en Unglingakór Kársnesskóla mun einnig syngja með þeim. Tónleikar Kristínar hafa gjarnan verið rómaðir fyrir afslappað andrúmsloft, metnaðarfullar útsetningar og vandaðan flutning. Kristín hefur sungið sig inn í hjörtu þúsunda landsmanna með einstakri sviðsframkomu og útgeislun. Stefán Hilmarsson er einn dáðasti söngvari þjóðarinnar og því mega gestir eiga von á frábærri skemmtun. Hljómsveit skipa: Hlynur Þór Agnarsson, píanó, bakrödd, útsetningar og hljómsveitarstjórn Ásgeir Jón Ásgeirsson, gítar Ólafur Hólm Einarsson, trommur Róbert Þórhallsson, bassi Haukur Gröndal, saxófónn, klarinett og flauta Elísabet Ólafsdóttir, bakrödd Guðrún Óla Jónsdóttir, bakrödd Eldri borgarar og öryrkjar fá 15% afslátt af miðaverði.

Valgerður Halldórstóttir heldur erindi um stjúptengsl og ólíkar fjölskyldur Valgerður Halldórsdóttir rekur fyrirtækið stjuptengsl.is og er formaður Félags stjúpfjölskylda. Þá er hún sérfræðingur í málefnum barna hjá sýslumanninum á höfuðborgarsvæðinu. Hún er með MA í félags-og fjölskylduráðgjöf (MSW), BA í sáttameðferð, kennslu- og uppeldisfræði og stjórnmálafærði.  Foreldramorgnar eru frábært tækifæri fyrir foreldra og ung börn þeirra til að hittast og eiga rólega stund saman á safninu. Fylgist með í Facebook-hópnum Foreldramorgnar | Bókasafn Kópavogs.  Ókeypis aðgangur og öll velkomin.

Annað árið í röð bjóða framhaldsnemendur af söngdeild Tónlistarskóla FÍH til ljúfra hádegistónleika á Bókasafni Kópavogs. Tónleikarnir fara fram síðasta fimmtudag hvers mánaðar en þar stíga tónlistarstjörnur framtíðarinnar á stokk með spennandi blöndu af gömlu og nýju, lög sem öll þekkja í bland við sjaldheyrðari smelli. Tónleikarnir standa yfir í um hálfa klukkustund og eru öllum opnir á meðan húsrúm leyfir. Aðgangur ókeypis.

Venesúelsk þjóðlagatónlist á selló og quatro Dúettinn Galaxia Paraíso skipa tónlistarfólkið Algleidy Zerpa Canas og Alfredo Flores frá Venesúela. Þau eru búsett á Íslandi þar sem þau starfa að tónlist samhliða verkefnum tengdum kennslu og starfi með börnum og ungmennum. Algleidy spilar á selló, en Alfredo leikur á lítið strengjahljóðfæri upprunnið í Suður Ameríku sem kallast quatro. Saman munu þau spila og syngja þjóðlagatónlist frá heimalandi þeirra Venesúela.  Tónleikaröðin er hluti af verkefninu Bókasafnið í fjölmenningarlegu samfélagi og er styrkt af bókasafnasjóði og Nordplus. Frítt inn og öll velkomin með húsrúm leyfir. Venezuelan Folk Music on Cello and Quatro The duo Galaxia Paraíso consists of musicians Algleidy Zerpa Canas and Alfredo Flores from Venezuela. They currently live in Iceland, where they work on music alongside projects related to teaching and working with children and young people. Algleidy plays the cello, while Alfredo plays a small string instrument originating in South America called quatro. Together they will play and sing folk music from their home country Venezuela. Free entrance and everyone welcome.